A̱filibiyawa 1:14 - A̠lyiat A̠gwaza na di̠n Tyap: A̠li̠ka̠uli A̠fai

¹⁴ A̱wot nang á̱ nnyim nung mi̱ jaru ji a̱ni, ku tyia̱ á̱niet khwi A̱tyoli Kristi ma̱ a̱di̱di̱t a̱ji si̱ mbeang gbang a̱lyia̱ hu. Ba̱ si̱ shei a̱lyiat A̱gwaza na ma̱ sa̱t, di̱ mi̱n fa̱k a̱wun.

A̱filibiyawa 1:14 Iomraidhean Croise

Ma̱rkut 3:3

Huhwa Yesu si̱ nyia̱ ma̱ng a̱tyu nang bwak hu khwu a̱ni, “Doot, a bai konyan á̱ li ang!”

Luka 1:74

A̱gwaza la̱p a̱li̱ka̱uli, a̱ na san zi̱t mbwak á̱niet lak li nzi̱t ba. Da̱nian zi̱ ka nyia̱ nggu nta̱m di̱ mi̱n fa̱k a̱wun,

2 A̱korontiyawa 3:12

Mat a̱nia, nang zi̱ mbyia̱ tangka̱i tyia̱ fwuo di̱ nta̱m nfai huni a̱ni, huhwa mbyia̱ nang zi̱ mbyia̱ gbang a̱lyia̱ hu za̱m.

2 A̱korontiyawa 7:4

N ba̱ng fwuo da̱ nyin ba̱t, n si̱ bu ntam ba̱t da̱ nyin. Nyi tyia̱ nung gba̱gbak ba̱t. A̱wot a̱mgba̱m ma̱ng swuo a̱bung nang zi̱ swuo a̱ni, nyi si̱ tyia̱ nung fwuo sai.

A̱fisawa 3:13

Mat a̱nia, n naai nyin nyi yok but mi̱ fwuo mat kuzang tangka̱i swuo a̱bung nang n swuo da̱nian nyin a̱ji a̱ni bah. Swuo a̱bung nung hu yet kyang ku na beang nyin wa a̱ni.

A̱filibiyawa 1:20

Mat n tyia̱ fwuo ma̱ng di̱dang, n si̱ mba̱ng fwuo ba̱t, nang n si̱ mi̱n mak fa̱k nsum bah. A̱wot n na chat n gya a̱son ma̱ng gbang a̱lyia̱ di̱ shei A̱sham Nkhang tazwa Kristi, ma̱nang n ku nnyia̱ di̱n jen ji ji̱ swak a̱ni. A̱wot n nwuak a̱chuchuk tangka̱i swat nang n swan a̱ni, na nwuak Kristi shi, ku nang n shya̱ a̱chet, ku nang n ka̱n khwu.

A̱filibiyawa 1:7

Mat a̱nia, da̱ a̱vwuo nung, ku myim ba̱t nang n nyia̱ a̱di̱dam a̱nia tazwa nyin a̱ni, mat a̱mgba̱m nyin nyi shya̱ nung mi̱ fwuo. Nyi yet á̱kpa̱ndang nung bya di̱ shya̱ shok A̱gwaza, di̱n jen nang á̱ nda̱p nung ma̱ng a̱nyanyang á̱ si̱ tyia̱ nung mi̱ jaru; a̱wot di̱n jen nang n tyiet á̱niet ba a̱chuchuk tazwa A̱sham Nkhang Yesu ka, n bu ntak nang ka̱ ngyet a̱tsatsak wa a̱ni.

A̱filibiyawa 4:1

Mat a̱nia, nyin á̱niet khwi Yesu ba nang n chat a̱ni, nyi yong chi̱k di̱ nwuak fwuo nyin hu da̱ A̱tyoli Yesu. Mat n fa̱k da̱ nyin, nyi yet á̱kpa̱ndang nung, nyin bya bu yet a̱gwai nung na ma̱ng bung tyok nung ji, ji̱ yet zang ta̱m nung ji a̱ni.

A̱kolosiyawa 4:4

Nyi bu ni̱ nnaai A̱gwaza da̱nian nung, n ka shei A̱sham Nkhang kani ka̱ ghwut shansham di̱ si̱sak nang ku mmyim n shei nka a̱ni.

A̱kolosiyawa 4:7

Tikikut yet a̱na̱nyiuk nzi̱t wa nang zi̱ chat a̱ni mi̱ khwi Kristi hu. A̱ yet a̱tsotswat a̱yin wa. Nggu wa beang nung mi̱ nta̱m shei a̱lyiat A̱gwaza hu. Nggu wa na bwoi nyin a̱mgba̱m nkhang tazwa nung ma̱ng si̱sak nang nswan a̱ni.

1 A̱ta̱solonikawa 2:2

Ma̱nang nyi ndyen zi̱ ku nswuo a̱bung ma̱ng si̱sak ji nang á̱ ku njhyuai nzi̱t á̱ si̱ nyia̱ ma̱ng a̱nzi̱t ma̱ a̱keang Filibi a̱ni, zi̱ si̱ gbang a̱lyia̱ da̱ A̱gwaza nzi̱t wu. Zi̱ si̱ tak nyin A̱sham nkhang nggu ka a̱mgba̱m ma̱ng a̱ka̱tuk nfi̱p wu nang zi̱ ku shya̱ a̱ni.

2 Timoti 2:9

Mat A̱sham Nkhang kani nang n shei a̱ni, kikya nang n swuo a̱bung ka. Ku si̱ tat á̱ vwuoi nung ma̱ng a̱nyanyang á̱ ngyei n gyet a̱tyu bwoi a̱bun wa. A̱mgba̱m ma̱ng a̱nia, da̱ mba, á̱ la̱p a̱lyiat A̱gwaza na ma̱ng a̱nyanyang bah.