A̱filibiyawa 1:11 - A̠lyiat A̠gwaza na di̠n Tyap: A̠li̠ka̠uli A̠fai

¹¹ Ma̱nang a̱kwon ni̱ ntyia̱ sum a̱ni, ma a̱nia wa, yok shya̱ san nyin hu ku tyei nyi shya̱ a̱tsotswat za̱kwa, a̱ neet da̱ a̱vwuo Yesu Kristi a̱ni, da̱nian á̱ ka dyep A̱gwaza á̱ nwuak gu shi.

A̱filibiyawa 1:11 Iomraidhean Croise

Matyu 5:16

“Ma a̱nia wa, nyi yok sai a̱tsotswat swat nyin hu ku ghwut kpa̱sai konyan a̱ lii, da̱nian konyan a̱ ka dyep A̱tyia̱ nyin wu a̱ shya̱ tswazwa ka a̱ni.

Yoona 15:16

“Nyin bya ku khai nung bah. Nung gwa ku khai nyin. N si̱ ntyia̱ nyin, nyi nat nyi tyei sum ma̱ a̱di̱di̱t. Sum hu ku na labeang a̱ni. Huhwa na mbyia̱, A̱tyia̱ wu a̱ nang nyin a̱mgba̱m nkyang nang nyi naai mami a̱lyoot nung ka a̱ni.

Yoona 15:2

Kuzang bwak a̱kwon ku shya̱ da̱ nung a̱ni, ka̱ ku tyia̱ sum bah, á̱ na tyap hu á̱ ji̱p. Kuzang bwak a̱kwon ku tyei sum a̱ni, á̱ ni̱ shyok hu da̱nian hu ka mbeang sum hu.

Yoona 15:8

Ka̱ nyi tyei sum ma̱ a̱di̱di̱t nang A̱gwaza chat a̱ni, nyi na tak nang nyi ngyet a̱tsatsak mman ta̱m nung nia. Nyi tsa bu nshei shi A̱tyia̱ nung hu kpa̱sai.

A̱romawa 15:28

Ki̱ n si̱ tyak a̱tan ta̱m wuni, nang á̱niet khwi bani nyia̱ a̱ni, a̱wot n si̱ nwuak á̱niet khwi ba̱ yet á̱kunak na a̱ni kurum hu, n sii na bai n byiat nyin, n sii swak nat A̱si̱paniya.

A̱romawa 6:22

A̱wot ma̱ninika, nang á̱ nti̱n nyin mbwak tyok a̱ka̱tuk nyia̱, nyi si̱ shya̱ shot, nyi yet á̱sa̱t á̱niet a̱ni. Nyi bu yet á̱khwo A̱gwaza bya. Ma̱ninika, nyi nyia̱ nkyang na̱ na tyei nyin yet a̱za̱za̱rak á̱niet, a̱wot na̱ nwuak nyin swuan sang sangba̱p a̱ni.

1 A̱korontiyawa 10:31

Mat a̱nia, ku nyi ya ku nyi swuo wa, kuzang kyang nang nyi nyia̱ a̱ni, nyi ni̱ nyia̱ nhu da̱nian nyi ka nwuak A̱gwaza shi.

2 A̱korontiyawa 9:10

Mat A̱gwaza wu wa nwuat a̱tyu khap wu zwá yak ji gu chyui. A̱wot a̱ bu nwuak nggu kyayak nang gu na ya a̱ni. Ma a̱nia wa, A̱gwaza bu na nwuak, a̱wot a̱ mbeang nyin bwuo yak gba̱mgbam. Da̱nian nyi ka mbeang á̱ghyang á̱niet ba̱ sang a̱ni gba̱mgbam ma̱ng fwuo nyiung.

A̱fisawa 1:12

La̱p sak A̱gwaza hu hwa ku yet, nzi̱t A̱yahudawa zi̱ ku tsa tyia̱ fwuo di̱ Kristi a̱ni, da̱nian zi̱ ka dyep A̱gwaza zi̱ nwuak gu shi.

A̱fisawa 1:14

A̱za̱za̱rak Ntswa nang A̱gwaza nang zi̱t a̱ni, nggu wa tak nang A̱gwaza na nnang zi̱t gado nang gu nyia̱ a̱li̱ka̱uli a̱ na nang nzi̱t a̱ni; a̱wot a̱ si̱ san nzi̱t zi̱ yet á̱niet guu. A̱ ku nyia̱ a̱nia, da̱nian zi̱ ka dyep, a̱wot zi̱ bu nwuak gu shi.

A̱fisawa 2:10

Mat A̱gwaza wa ma̱ a̱pyia̱ nggu nyia̱ nzi̱t zi̱ yet a̱tan nta̱m bwak gu bya. Zi̱ bu yet á̱niet á̱fai, di̱ mun á̱pyia̱ ma̱ng Yesu Kristi. Da̱nian zi̱ ka nyia̱ a̱tan nta̱m nang gu mi̱ nda̱p a̱ sak neet gbangbang zi̱ nyia̱ a̱ni.

A̱fisawa 5:9

Mat sai ku shya̱ mi̱ nfwuo nyin na a̱ni, huhwa tyei kpangti̱n ji̱ yet a̱tan, tsotswat, ma̱ng a̱chuchuk a̱ni.

A̱filibiyawa 4:17

N hyia̱ a̱lyiat nani, mat n chat nyi nang nung kurum hwa bah. Da̱ a̱kwonu a̱kya, n chat nyi ma shya̱ zang ja da̱ a̱vwuo A̱gwaza, mat shok nang nyi nyia̱ nung dyo a̱ni.

A̱kolosiyawa 1:10

A̱nia wa, nyi na nswan swat ku na nwuak A̱gwaza shi, a̱wot ku myim nggu kuzang jen a̱ni. Nyi bu nyia̱ kuzang tangka̱i a̱tan nta̱m. Nyi bu mban lyen A̱gwaza hu shansham ba̱t, kuzang jen.

A̱kolosiyawa 1:6

A̱sham Nkhang kani nang á̱ shei nyin a̱ni, á̱niet ma̱ a̱di̱di̱t mi̱ swanta hu ka̱n fa̱k, ba̱ si̱ nwuak a̱chuchuk da̱ nka. A̱sham Nkhang kani laai á̱ mban mi̱ nfwuo á̱niet na koji. Ka̱ ni̱ shai swat mba hu nang a̱kwon ni̱ ntyei sum ka̱ laai á̱ mban, mat chet nang ka̱ byia̱ a̱ni. Ma a̱nia wa, nang ka̱ ku nshai a̱ka̱tuk nswat nyin wu di̱n jen nang nyi ku ntsa fa̱k, nyi si̱ fi̱k a̱tsatsak a̱lyiat tazwa a̱gba̱ndang shok A̱gwaza wu a̱ni.

2 A̱ta̱solonikawa 1:12

Zi̱ bu naai A̱gwaza, á̱ ka dyep a̱lyoot A̱tyoli Yesu da̱nian tangka̱i swat nyin hu, a̱wot nyin meang A̱gwaza bu na dyep nyin, mat shok nggu ji da̱ nzi̱t ma̱ng a̱si̱ A̱tyoli nzi̱t wu Yesu Kristi.

Titut 3:14

Ku yet ta hwa á̱niet khwi nzi̱t ba, ba̱ hyaat di̱ nyia̱ á̱tsatsak nta̱m nang ba̱ na mbeang á̱niet ba̱ sang kyang a̱ni. Huhwa na tyia̱ ba̱ nswan a̱buk nswat bah.

Ibriniyawa 12:11

Á̱ mbyia̱ nyep ku byia̱ nyinyang di̱n jen nang á̱ nyia̱ nhu a̱ni bah. Ku ni̱ vwan a̱khwu ba̱t di̱n jen nang á̱ nnyep nzi̱t a̱ni. A̱wot ka̱ á̱ labeang bah, á̱niet nang á̱ nyep di̱n vak huni a̱ni, ba̱ shya̱ zang. Zang jija yet swat nyinyang ma̱ng nyia̱ tsotswat.

1 Bitut 2:12

Nyi ta̱bam, nyi swan swat ku yet a̱ni ma̱ng á̱kpa̱ndang nswat nyin ba ba̱ nwai khwi A̱gwaza a̱ni. Mat, a̱mgba̱m nang ba̱ mbat nyin di̱ nyia̱ a̱ka̱tuk, ba̱ na li á̱tsatsak nta̱m nang nyi nyia̱ a̱ni, a̱wot ba̱ nwuak A̱gwaza shi di̱n jen nang gu na mbai a̱ni.

1 Bitut 2:5

A̱wot nyin nyi yet nfang nswuan nia nang á̱ nnok A̱za̱za̱rak A̱li A̱gwaza wu a̱ni. Kang ma̱ng a̱nia, nyi bu yet a̱za̱za̱rak sot a̱yaapris wa. Mat nang Yesu Kristi ngyet a̱tyu a̱ yong da̱ a̱kwonu nyin a̱zaghyi A̱gwaza a̱ni, A̱za̱za̱rak Ntswa na beang nyin, nyi neap za̱náng nang A̱gwaza na nfa̱k nyinyang nyin a̱ni.

1 Bitut 2:9

A̱wot nyi li a̱nia bah, mat nyi yet kwai nang A̱gwaza khai a̱ni. Nyi yet a̱yaapris a̱gba̱ndang A̱gwam, a̱za̱za̱rak nwap, ma̱ng á̱niet ba̱ yet a̱si̱ A̱gwaza a̱ni. Mat a̱nia, nyi na tak á̱ghyang á̱niet a̱cha̱chet a̱tan nkyang a̱ga̱de nang A̱gwaza nyia̱ a̱ni. Mat A̱gwaza yorong nyin a̱ ghwut ndyo mi̱ ndyin a̱ nat ndyo ma̱ a̱kyenkyai sai nggu wu.

1 Bitut 4:14

Nyi yet á̱niet a̱li̱ba̱rka bya ka̱ á̱ fwoi nyin da̱nian nyi yet á̱niet khwi Yesu. Mat ku tak nang a̱kyenkyai shi A̱za̱za̱rak Ntswa A̱gwaza wu nshya̱ dundung ma̱ng a̱nyin.