A̱filibiyawa 1:10 - A̠lyiat A̠gwaza na di̠n Tyap: A̠li̠ka̠uli A̠fai

¹⁰ Mat a̱nia, n chat nyi fi̱k kyang hu ku swak mi̱ yet a̱tan a̱ni, da̱nian nyi ka swan a̱za̱za̱rak nswat ma̱ng sang a̱bun si̱ nat a̱tuk bwuok bai Kristi Yesu ka.

A̱filibiyawa 1:10 Iomraidhean Croise

Matyu 16:23

Yesu si̱ bwuak, a̱ si̱ nyia̱ ma̱ng Bitut, “Sha̱tan, tyong a̱ji a ghwon nung! A tyei nung dyem di̱ nyia̱ ta̱m nung hu. A̱di̱dam ang wu yet a̱si̱ A̱gwaza bah. A̱ yet a̱si̱ a̱tyubishyi wa!”

Matyu 26:33

Bitut si̱ nyia̱ ma̱ng Yesu, “Ku a̱mgba̱m á̱niet ba lak khwi ang hu, nung, n na mak kai ang ghwon bah!”

Yoona 1:47

Nang Yesu ndi Nataniyel nchobai da̱ a̱vwuo nggu a̱ni, a̱ si̱ kaat tazwa nggu nyia̱, “Nyi li a̱tan a̱tyu Isi̱rela a̱ sang a̱bun a̱ni!”

Yoona 3:20

Konyan wa nyia̱ a̱ka̱tuk nyia̱ a̱ni, a̱ ni̱ lak sai huhwa. A̱wot a̱ ni̱ bai da̱ a̱vwuo sai A̱gwaza hu bah, kalak á̱ tyai a̱ka̱tuk nang gu nyia̱ a̱ni kpa̱sai.

Nta̱m A̱yaata̱m 24:16

Huhwa mbyia̱, kuzang jen n ni̱ nkwan n nwai nyia̱ a̱ka̱tuk nang fwuo nung hu na nkpaat nung a̱ni, a̱zaghyi A̱gwaza ma̱ng a̱mgba̱m á̱niet ba.

A̱romawa 12:2

Nyi yok khwi a̱ka̱tuk za̱kwa ma̱ng taada nang á̱niet swanta ba ni̱ khwi a̱ni bah. Da̱ a̱kwonu a̱kya, nyi yok A̱gwaza a̱ shyak nfwuo nyin na; nyi yet á̱niet á̱fai di̱ si̱sak nang nyi na nshyak a̱di̱dam nyin wu a̱ni. A̱ni wa nang nyi na nfi̱k kyang nang A̱gwaza chat a̱ni, huhwa yet si̱ ku yet a̱tan a̱zaghyi nggu, ma̱ng kyang ku yet a̱tsatsak ku myim gu a̱ni.

A̱romawa 12:9

Nyi chat á̱ghyang nyin ma̱ng fwuo nyiung. Nyi yok yet á̱bubuk á̱niet di̱ chat á̱ghyang bah. Nyi lak nkyang na̱ yet a̱ka̱tuk a̱ni ma̱ng a̱mgba̱m chet nyin hu. Nyi ba̱ng kyang ku yet a̱tan a̱ni gi̱ngi̱ng.

A̱romawa 16:17

A̱wot ma̱ninika, á̱niet khwi Yesu ba nang n chat a̱ni, kyang nyiung hwa nang n chat n bu naai nyin. Nyi cham, nyi bu ta̱bam ma̱ng á̱niet ba̱ tyei nang nyi nghai pyipyia̱ nyin di̱ susot a̱ni. A̱wot ba̱ si̱ bu chat ba̱ tyia̱ nyin á̱ga̱u di̱ nwuak fwuo nyin hu di̱ Yesu. Mat tyiet mba hu ku vwuon ma̱ng si̱ nang á̱ ka̱n tyiet nyin a̱ni. Nyi yok khwi mba bah.

A̱romawa 2:18

A dam nang a nfi̱k nkyang nang A̱gwaza chat a̱ni. A dam a lyen kyang ku yet a̱tan a̱ni, mat á̱ tyiet ang doka A̱gwaza ji.

A̱romawa 7:16

A̱wot ka̱nang n fi̱k kyang nang n dak nyia̱ a̱ni ku yet a̱bun wa, ku tak nang n shim nyia̱ doka ji yet a̱tan wa.

A̱romawa 7:22

N chat doka A̱gwaza ji ma̱ng a̱mgba̱m fwuo nung hu.

A̱romawa 8:7

Za̱kwa a̱ka̱tuk nyia̱ ji ni̱ lak li A̱gwaza nchi̱ri̱ng. A̱wot za̱kwa a̱ka̱tuk nyia̱ si̱ mi̱n mak khwi doka A̱gwaza ji bah. A̱tsak a̱lyiat, ji̱ si̱ mi̱n mak mi̱ mak ji̱ khwi doka ji bah.

1 A̱korontiyawa 1:8

A̱ na tyia̱ nyin nyi yong mi̱ chet nang á̱niet khwi a̱ni si̱ nat sangba̱p. Da̱nian nyi ka yet á̱niet sang a̱bun a̱tuk nang Yesu Kristi A̱tyoli nzi̱t wu na mbwuok a̱ bai a̱ni.

1 A̱korontiyawa 10:32

Nyi yok yet jat a̱kwa A̱yahudawa ku Nnwap na̱ nwai yet A̱yahudawa a̱ni, ku susot á̱niet khwi A̱gwaza ji bah.

1 A̱korontiyawa 8:13

Mat a̱nia, ki̱ kyayak nang n na ngya a̱ni, na tyia̱ a̱tyu khwi a̱ghyang a̱ nyia̱ a̱ka̱tuk, n bu na mak ngya ku nam mi̱ swat nung hu bah; kalak n du tyia̱ a̱tyu khwi a̱ghyang gu ga̱u gu kwa di̱ khwi Yesu hu.

2 A̱korontiyawa 1:12

Ka̱ zi̱ doot zi̱ gbang a̱lyia̱ zi̱ hyia̱ ma̱ng a̱di̱dam a̱ nwai kpaat zi̱t mi̱ fwuo a̱ni, nang zi̱ nswan a̱za̱za̱rak nswat nang A̱gwaza nwuat a̱ni. Zi̱ bu ni̱ nyia̱ a̱chuchuk mami a̱mgba̱m nkyang nang zi̱ nyia̱ a̱ni. Zi̱ ka̱n ta̱yuk di̱n shok A̱gwaza ja, kang ma̱ng mumwang a̱tyubishyi. A̱nia wa zi̱ ni̱ nswan a̱zaghyi á̱niet swanta ba, a̱wot a̱zaghyi nyin ma̱ á̱pyia̱ nyin.

2 A̱korontiyawa 2:17

Mat a̱nia, zi̱ li nang á̱kum á̱niet ka ba̱ shei a̱lyiat A̱gwaza na di̱n vak a̱bwuang a̱ni bah. A̱wot zi̱ shei a̱lyiat A̱gwaza na mami a̱chuchuk ma̱ng tyok Yesu Kristi, mat zi̱ lyen nang A̱gwaza wa ncham zi̱t.

2 A̱korontiyawa 6:3

Zí̱ ni̱ swan tangka̱i swat nang zi̱ na ngyet a̱yin a̱fang tuk tak a̱ni bah. A̱wot á̱ mbyia̱ a̱tyu a̱ na tyia̱ nzi̱t a̱bun mi̱ ta̱m shei a̱lyiat A̱gwaza nzi̱t hu a̱ni bah.

2 A̱korontiyawa 8:8

N tyei nyin khwo hwa nyi beang bah. A̱wot n chat n mak n di̱ si̱sak nang chat á̱ghyang nyin hu ngyet a̱tsatsak a̱ni. N tyan hu ma̱ng di̱dang nang susot á̱niet khwi á̱ghyang byia̱ di̱ beang a̱ni.

A̱ga̱la̱tiyawa 5:11

Nyin á̱niet khwi Yesu ba nang n chat a̱ni, ka̱ n shei a̱lyiat A̱gwaza na nyia̱ ku yet ta hwa á̱ tyei nyin mi̱ chen, A̱gwaza a̱ ka san nyin, nang á̱ghyang á̱niet nhyia̱ nyia̱ n tyiet a̱ni; yihwa mbyia̱ nang á̱ ni̱ ngya̱shuk nung? Mi̱ kyang hu ku tyia̱ A̱yahudawa ba jat a̱kwa a̱ni, huhwa yet; ka̱ n shei san hu nang á̱ shyat da̱ a̱khwu Kristi da̱ a̱team a̱khwu wu a̱ni.

A̱fisawa 4:15

Da̱ a̱kwonu a̱kya, zi̱ na shei a̱tsatsak a̱lyiat wu di̱ chat á̱ghyang, zi̱ laai mban di̱ kuzang vak, zi̱ tai za̱kwa Kristi ji, mat nggu wa yet a̱pyia̱ vam nggu ka, ku yet á̱niet khwi nggu ba a̱ni.

A̱fisawa 5:10

Nyi ta̱bam nyi myiam kyang hu nang A̱gwaza chat a̱ni.

A̱fisawa 5:27

Kristi nyia̱ a̱nia, da̱nian gu ka khwat á̱niet khwi ba a̱ bai ndyo da̱ a̱vwuo nggu; ba̱ yet a̱sham, ba̱ sang a̱lyuk, ba̱ sang nyan, ba̱ sang a̱bun, a̱wot ba̱ yet á̱za̱za̱rak á̱niet.

A̱fisawa 6:24

Yok A̱gwaza a̱ fa̱k shok a̱mgba̱m á̱niet ba̱ chat A̱tyoli nzi̱t wu Yesu Kristi a̱ni, ba̱ng si̱ nat sang sangba̱p.

A̱filibiyawa 1:16

Á̱niet ba ba̱ shei a̱lyiat A̱gwaza na ma̱ng a̱tan a̱di̱dam a̱ni, ba̱ shei na wa mat ba̱ chat nung. Ba̱ lyen nang A̱gwaza wa nshim á̱ nyim nung mi̱ jaru ji, da̱nian n ka shya̱ a̱wat n tyiet á̱niet a̱chuchuk tazwa A̱sham Nkhang Kristi ka.

A̱filibiyawa 1:6

A̱wot n nwuak a̱chuchuk, A̱gwaza a̱ tsa a̱ta̱n ta̱m mami nfwuo nyin na a̱ni, a̱ na ya a̱son ma̱ng ta̱m nggu hu, si̱ nang gu tyak hu a̱tuk nang Kristi Yesu na mbwuok a̱ bai a̱ni.

A̱filibiyawa 2:16

Nyi ba̱ng a̱lyiat na̱ nwuat swuan a̱ni gi̱ngi̱ng, da̱nian a̱tuk ka nang Kristi na mbwuok a̱ bai a̱ni, n ka ntam n bu ndyen nang n tyong a̱buk chung da̱ a̱vwuo nyin bah. A̱wot n ka ntam nang ta̱m nung hu ngyet á̱buk nta̱m wa mami nyin bah.

1 A̱ta̱solonikawa 3:13

Yok A̱gwaza a̱ bu tyia̱ nfwuo nyin na gba̱gbak, nyi yet á̱niet sang a̱bun, nyi bu yet á̱za̱za̱rak a̱zaghyi nggu, a̱tuk nang A̱tyoli nzi̱t wu Yesu Kristi na mbwuok ndung ma̱ng á̱za̱za̱rak á̱niet khwi, ba̱ yet á̱si̱ nggu ba a̱ni.

1 A̱ta̱solonikawa 5:21

Nyi ni̱ mmak kuzang kyang á̱ tak nyin a̱ni. Nyi ba̱ng si̱ ku yet a̱tan a̱ni.

1 A̱ta̱solonikawa 5:23

Ma̱ninika, yok A̱gwaza ma̱ a̱pyia̱ gu a̱ nwuat swat nyinyang a̱ni, gu jaat a̱mgba̱m nyin nyi yet a̱za̱za̱rak a̱jhyem. Yok á̱ bu tyia̱ a̱mgba̱m tswá nyin ji, nfwuo nyin na, ma̱ng nvam nyin na, na̱ sang a̱bun, si̱ nat jen ji nang A̱tyoli nzi̱t wu, Yesu Kristi, na mbwuok a̱ bai a̱ni.

1 Yoona 4:1

Nyin á̱kpa̱ndang nung ba nang n chat a̱ni, nyi yok nwuak a̱chuchuk di̱ kuzang a̱yin a̱ tyiet nyia̱ A̱za̱za̱rak Ntswa lyiat ma̱ng a̱nggu a̱ni bah. Ku yet ta hwa nyi mak a̱tyu tyiet wu, nyi ka li ke A̱za̱za̱rak Ntswa wa tyia̱ nggu chet gu ka lyiat da̱ a̱kwonu A̱gwaza ka. Mat a̱yaata̱m ba̱ kyiak pyipyia̱ mba, ba̱ yet á̱tsak a̱yaata̱m a̱kwonu A̱gwaza ma̱ a̱di̱di̱t a̱ni, ka̱n bai mi̱ swanta hu.

Tyai Á̱zanson 2:2

N dyen a̱mgba̱m nta̱m nang nyi nyia̱ a̱ni. N di kwan ma̱ á̱pyia̱ nyin hu, ma̱ng si̱sak nang nyi ngbang a̱lyia̱ ma̱ng nyap fwuo a̱ni. N dyen nang nyi nnyap fwuo ma̱ng á̱ka̱tuk á̱niet bah. Nyi si̱ mak á̱niet ba̱ kyiak á̱pyia̱ mba nang a̱yaata̱m Yesu a̱ni; a̱wot da̱ mba ba̱ yet a̱nia wa bah. Nyi si̱ shya̱ nang ba̱ yet á̱niet bwoi a̱ka̱laa bya.