A̱filibiyawa 1:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Nung Bulut, nung gwa n dyuut nyin wusika jini, n shya̱ ndung ma̱ng Timoti, zi̱ yet á̱khwo Kristi Yesu a̱ni. N dyuut wusika jini da̱nian n ka byiat a̱mgba̱m a̱za̱za̱rak sot á̱niet khwi A̱gwaza ba, ba̱ shya̱ ma̱ a̱keang Filibi, ba̱ mun á̱pyia̱ ma̱ng Kristi Yesu a̱ni; ma̱ng a̱yaakwak a̱son á̱niet khwi ba, mbeang á̱niet ba̱ beang nta̱m sot á̱niet khwi na a̱ni.

A̱filibiyawa 1:1 Iomraidhean Croise

Ma̱rkut 13:34

“Bwuok Nggwon A̱tyubishyi hu na li nang a̱tyu a̱ naat chyet ma̱ gbang a̱ni. A̱ si̱ ghwon a̱li nggu ka. A̱ si̱ tyia̱ nta̱m bwak a̱khwo nggu ba, konyan ma̱ng ta̱m nang gu na nyia̱ a̱ni. A̱wot a̱ si̱ tak ma̱ng a̱tyu a̱ chok a̱na̱nwuai ka a̱ni, nyia̱ gu cham gu yok kai nda bah.

Yoona 12:26

Konyan wa nyia̱ nung ta̱m a̱ni, ku yet ta hwa gu khwi nung. Mat a̱mgba̱m a̱vwuo ka nang n shya̱ a̱ni, a̱ja wa nang a̱khwo nung wu na nshya̱ dundung ma̱ng a̱nung. A̱tyia̱ nung wu mameang, na nwuak a̱tyu a̱ nyia̱ nung ta̱m a̱ni shi.”

Nta̱m A̱yaata̱m 1:20

Bitut si̱ bu nyia̱, “Ma̱nang á̱ ndyuut mami Za̱bura a̱ni, nyia̱, ‘Yok a̱li nggu ka ka̱ tyia̱ a̱ta̱bat, a̱wot a̱yin gu yok swan ma̱ nka bah.’ “Ma a̱nia wa, á̱ si̱ bu ndyuut, nyia̱, ‘Yok a̱ghyang a̱niet a̱ kyiak ta̱m nggu hu.’

Nta̱m A̱yaata̱m 20:28

“Nyi cham pyipyia̱ nyin, ma̱ng a̱mgba̱m á̱niet khwi A̱gwaza ba. Nyi chok sot á̱niet khwi A̱gwaza ji, nang gu san ma̱ng a̱za̱za̱rak a̱sok Yesu a̱ yet Nggwon nggu ka a̱ni. Á̱niet khwi bibya nang A̱za̱za̱rak Ntswa wu tyia̱ nyin ndyo mbwak. Nyi yet ba a̱yaakwak a̱son.

Nta̱m A̱yaata̱m 9:13

Ananiya si̱ nyia̱, “A̱tyoli, a̱wot n ka̱n fa̱k nang á̱niet ma̱ a̱di̱di̱t bwoi nkhang a̱ka̱kpa̱t nang a̱tyu wuni ka̱n nyia̱ á̱za̱za̱rak á̱niet khwi ang ba ndyo mi̱ Urusha̱lima a̱ni!

A̱romawa 1:1

Nung Bulut, a̱khwo Kristi Yesu, nang A̱gwaza khai n gyet a̱ta̱m, a̱wot a̱ si̱ ta̱m nung n shei A̱sham Nkhang ka a̱ni, nung gwa dyuut nyin wusika jini.

A̱romawa 1:7

N dyuut nyin wusika jini a̱mgba̱m nyin nyi shya̱ Rom a̱ni. Nyin bya nang A̱gwaza wu chat ba̱t, a̱wot a̱ si̱ yorong nyin nyi yet á̱za̱za̱rak á̱niet ngguu. Yok A̱gwaza a̱ yet A̱tyia̱ nzi̱t a̱ni, ma̱ng A̱tyoli Yesu Kristi, a̱ fa̱k shok nyin, a̱wot a̱ nang nyin swat nyinyang.

1 A̱korontiyawa 16:10

Ki̱ Timoti bai da̱ a̱vwuo nyin mi̱ Korinti, nyi yok tyia̱ gu fa̱k a̱wun di̱ nyia̱ ta̱m nggu hu bah. Mat a̱ nyia̱ ta̱m A̱gwaza hwa ma̱nang n nyia̱ a̱ni.

2 A̱korontiyawa 1:1

Nung Bulut, n dyuut nyin wusika jini. Nung nang á̱ khai mami shim A̱gwaza n gyet a̱ta̱m Yesu Kristi. N shya̱ ndung ma̱ng a̱na̱nyiuk nzi̱t wu Timoti. N dyuut á̱niet khwi A̱gwaza ba̱ shya̱ ma̱ a̱keang Korinti a̱ni, mbeang a̱mgba̱m á̱za̱za̱rak á̱niet khwi A̱gwaza, ba̱ shya̱ mi̱ fam a̱byin A̱ka̱ya a̱ni.

A̱ga̱la̱tiyawa 1:10

A̱tsak a̱lyiat, n chat á̱nietbishyi bya ba̱ chyin nung bah. N chat A̱gwaza wa a̱ fa̱k nyinyang gu chyin nung! Ki̱ n wa chat á̱nietbishyi bya ba̱ chyin nung, si̱ n gyet a̱tsak a̱khwo Kristi bah.

A̱ga̱la̱tiyawa 3:26

Si̱sak nang nyi nnwuak fwuo di̱ Yesu a̱ni, tyia̱ nyi yet mman A̱gwaza. Mat nyi mun á̱pyia̱ ma̱ng Yesu Kristi.

A̱ga̱la̱tiyawa 3:28

Mat a̱nia, á̱ bu nkhap a̱tyu A̱yahudawa ma̱ng a̱tyu Nnwap a̱ nwai yet A̱yahudawa a̱ni zan bah. Da̱ mba, á̱ nkhap a̱khwo ma̱ng nggwon a̱li zan bah. Da̱ mba, á̱ nkhap a̱tyok ma̱ng a̱byii̱k zan bah. A̱mgba̱m nyin, nyi yet kyang nyiung hwa, mat mun á̱pyia̱ nyin hu ma̱ng Yesu Kristi.

A̱fisawa 1:1

Nung Bulut, a̱tyu nang á̱ khai mat shim A̱gwaza gu yet a̱ta̱m Kristi Yesu a̱ni. N dyuut wusika jini naat ndyo da̱ a̱vwuo á̱za̱za̱rak á̱niet khwi A̱gwaza ba̱ shya̱ ma̱ a̱keang A̱fisut. Ba̱ si̱ bu yet á̱tsotswat á̱niet khwi Kristi Yesu a̱ni.

A̱fisawa 1:15

N ku nfa̱k si̱sak nang nwuak fwuo nyin hu da̱ A̱tyoli Yesu mbyia̱ chet, ma̱ng si̱sak nyi bu nchat a̱mgba̱m á̱niet khwi A̱gwaza ba mi̱ kuzang a̱vwuo a̱ni.

A̱fisawa 6:24

Yok A̱gwaza a̱ fa̱k shok a̱mgba̱m á̱niet ba̱ chat A̱tyoli nzi̱t wu Yesu Kristi a̱ni, ba̱ng si̱ nat sang sangba̱p.

A̱filibiyawa 2:19

Ki̱ A̱tyoli Yesu shim, n ba̱ng fwuo n na ta̱m ma̱ng a̱nyin Timoti a̱nfaan, gu ka bai a̱ byiat nyin. A̱wot ka̱ a̱ hyia̱ ma̱ng a̱nung nkhang nyin na, n na nfa̱k nyinyang di̱ si̱sak nang nyi nswan a̱ni.

A̱filibiyawa 2:5

Yok nyi byia̱ tangka̱i za̱kwa nang Yesu Kristi ku byia̱ a̱ni.

A̱filibiyawa 3:12

N fa n wa ka̱n shya̱ nkyang nani nang n chat wa a̱ni bah, ku á̱ ka̱n tyia̱ n gyet a̱tsatsak a̱yin da̱ a̱ lyin kyang a̱ni bah. Da̱ a̱kwonu a̱kya, n kwan wa ba̱t n gya a̱son n ka ntai Kristi Yesu; huhwa yet jat nang gu nkhai nung a̱ni.

A̱filibiyawa 3:3

Mat nzi̱t á̱niet zi̱ dyep A̱gwaza mami A̱za̱za̱rak Ntswa a̱ni, nzi̱t bya yet á̱tsatsak á̱niet A̱gwaza nang á̱ tyei mi̱ chen mami fwuo a̱ni. Zi̱ ta̱yuk di̱ nta̱m nang Kristi Yesu nyia̱ nzi̱t ndyo wa a̱ni. Da̱ nzi̱t, zi̱ tyia̱ fwuo di̱ nta̱m vam a̱tyubishyi bah.

A̱filibiyawa 3:8

A̱tsak a̱lyiat, n kyiak kuzang kyang nang n dyin a̱ni, ku yet a̱buk kyang wa; ka̱ n tyan nhu ma̱ng a̱gba̱ndang kpangti̱n nang n shya̱ di̱ lyen Yesu Kristi, A̱tyoli nung wu a̱ni. Da̱nian khwi Kristi hwa, nang n ji̱p kuzang kyang. N si̱ kyiak kuzang kyang nang a̱tong a̱ni, da̱nian n ka nkhwi Kristi mi̱ swat nung hu,

1 A̱ta̱solonikawa 1:1

Nung Bulut, Sila ma̱ng Timoti, zi̱ byiat á̱niet khwi ba ba̱ shya̱ a̱keang Ta̱solonika, ba̱ yet á̱si̱ A̱gwaza a̱ yet A̱tyia̱ ma̱ng A̱tyoli Yesu Kristi a̱ni. Yok A̱gwaza a̱ fa̱k shok nyin, a̱ bu nwuak nyin swat nyinyang.

1 A̱ta̱solonikawa 2:2

Ma̱nang nyi ndyen zi̱ ku nswuo a̱bung ma̱ng si̱sak ji nang á̱ ku njhyuai nzi̱t á̱ si̱ nyia̱ ma̱ng a̱nzi̱t ma̱ a̱keang Filibi a̱ni, zi̱ si̱ gbang a̱lyia̱ da̱ A̱gwaza nzi̱t wu. Zi̱ si̱ tak nyin A̱sham nkhang nggu ka a̱mgba̱m ma̱ng a̱ka̱tuk nfi̱p wu nang zi̱ ku shya̱ a̱ni.

2 A̱ta̱solonikawa 1:1

Nung Bulut, Sila, ma̱ng Timoti nzi̱t bya lyuut nyin wusika jini. Zi̱ byiat nyin á̱niet khwi ma̱ a̱keang Ta̱solonika ba, ba̱ yet á̱si̱ A̱gwaza a̱tyia̱ nzi̱t wu ma̱ng A̱tyoli Yesu Kristi a̱ni.

2 A̱ta̱solonikawa 1:10

A̱tuk ka A̱tyoli Yesu na mbwuok a̱ bai á̱ nwuak gu a̱kyenkyai shi nggu wu a̱ni, a̱mgba̱m á̱za̱za̱rak á̱niet khwi ba ba̱ nwuak fwuo da̱ nggu a̱ni, ba̱ bye fa̱k a̱ga̱de. Ba̱ sak mbwak a̱bwonu. Nyin meang, nyi bye fa̱k a̱ga̱de, mat nyi ku nwuak a̱chuchuk da̱ a̱lyiat nang zi̱ ku tak ma̱ng a̱nyin a̱ni.

1 Timoti 1:2

N dyuut ang wusika jini, n bu byiat ang Timoti a̱tsatsak nggwon nung di̱ nwuak fwuo di̱ Yesu. Yok A̱gwaza a̱ yet A̱tyia̱ a̱ni, ma̱ng Yesu Kristi nzi̱t, gu fa̱k shok nyin, a̱ fa̱k kunak nyin, a̱ nang nyin swat nyinyang.

1 Timoti 3:8

Ma a̱nia wa, ku myim á̱niet beang nta̱m A̱gwaza meang, ba̱ byia̱ ntangka̱i za̱kwá jini, ba̱ yet á̱niet nang á̱ nwuat ba shi a̱ni, á̱niet nwai lyiat a̱fa feang, á̱niet ba̱ nwai la̱u hyeng a̱kan a̱ni, á̱niet ba̱ nwai shyuo á̱niet di̱ kurum a̱ni,

Titut 1:1

Nung Bulut n gyet a̱khwo A̱gwaza ma̱ng a̱ta̱m Yesu Kristi a̱ni, da̱nian n ka ntyia̱ á̱niet khwi ba nang A̱gwaza khai a̱ni gba̱gbak, ba̱ ka mbeang lyen a̱chuchuk, da̱nian ba̱ ka swan tangka̱i swat ku myim A̱gwaza a̱ni.

Titut 1:7

A̱tyu sang a̱bun, (mat nang gu ngyet a̱tyu ba̱ng nta̱m A̱gwaza a̱ni,) a̱tyu sang gba̱p a̱pyia̱, a̱tyu nwai ngai ma̱ng á̱niet, a̱tyu nwai la̱u swuo a̱kan, a̱tyu sang a̱ka̱kpa̱t, ma̱ng a̱tyu sang shyuo kurum.

Filimon 1:1

Nung Bulut, a̱tyu a̱ shya̱ mi̱ jaru ji mat shei A̱sham nkhang Yesu Kristi ka a̱ni, ma̱ng Timoti a̱na̱nyiuk nzi̱t wu mi̱ khwi Kristi. Zi̱ byiat ang Filimon, a̱gi̱ngi̱ng a̱kpa̱ndang ta̱m nzi̱t wu nang zi̱ chat a̱ni.

Ibriniyawa 13:23

N chat nyi lyen nang á̱ ka̱n ti̱n Timoti a̱na̱nyiuk nzi̱t wu, mi̱ jaru ji. Ka̱ a̱ bwuok a̱nggang a̱ bai a̱ji, zi̱ na bai dundung ma̱ng a̱nggu da̱ a̱vwuo nyin, zi̱ ka byiat nyin.

Yakubu 1:1

Nung Yakubu, n gyet a̱khwo A̱gwaza ma̱ng A̱tyoli Yesu Kristi a̱ni. N dyuut wusika jini nat ndyo da̱ a̱vwuo kwaí swak ma̱ a̱feang á̱niet Isi̱rela, ba̱ yet á̱niet khwi Yesu ba̱ seang á̱ kai swanta hu a̱ni.

1 Bitut 2:25

Mi̱ njen jhyang ji̱ swak a̱ni, nyi ku li nang zón seap ji̱ bwuk a̱ni. A̱wot ma̱ninika, nyi bwuok khwi a̱tyu a̱ chok nyin, a̱ si̱ bu cham swuan nyin ji a̱ni.

2 Bitut 1:1

Nung, Siman Bitut, a̱khwo ma̱ng a̱ta̱m Yesu Kristi, n dyuut nyin wusika jini, nyin á̱niet ba nyi san a̱tsatsak nwuak a̱chuchuk cha̱chaat ma̱ng a̱nzi̱t a̱ni. Á̱ ku nang nyin nwuak a̱chuchuk huni, mat a̱chuchuk ma̱ng tsotswat Yesu Kristi a̱ yet A̱gwaza ma̱ng A̱tyusan nzi̱t wu a̱ni.

Yahuda 1:1

Nung Yahuda, a̱khwo Yesu Kristi, n gyet a̱na̱nyiuk Yakubu. Nung gwa n dyuut nyin wusika jini. N dyuut nyin, a̱mgba̱m á̱niet ba nang A̱gwaza a̱ yet A̱tyia̱ yei a̱ni; á̱si̱ ba ba̱ bu mun á̱pyia̱ ma̱ng a̱nggu A̱gwaza, a̱ yet A̱tyia̱ wu a̱ chat ba ba̱t, a̱ si̱ bu tyia̱ mba mbwak Yesu Kristi gu ka chok ba a̱ni.

Tyai Á̱zanson 1:1

Ta̱m jini ja nang A̱gwaza nwuak Yesu Kristi, gu ka tyai á̱khwo nggu ba nkyang na̱ na bai di̱ mi̱n byian jen a̱ni. Yesu Kristi meang si̱ ta̱m a̱ta̱m tswa A̱gwaza gu tyai nung Yoona, a̱khwo nggu wu ndyo, ma̱ a̱ma̱bwoi.

Tyai Á̱zanson 1:20

Kyang ku shya̱ di̱ niat nang á̱ta̱ngwat a̱natat nang a li di̱ mbwak yak nung hu fa a̱ni, ma̱ng á̱ga̱nga̱ng chuchuk zi̱nariya saai fí̱tila a̱natat a̱ja, huhwa hu nang á̱ tyai: Á̱ta̱ngwat a̱natat a̱nia, ni̱nia yet kidee a̱yaata̱m tswá A̱gwaza susot á̱niet khwi a̱natat ji. A̱wot á̱ga̱nga̱ng chuchuk zi̱nariya saai fí̱tila a̱natat ji mameang, si̱ yet kidee susot á̱niet khwi a̱natat ja.”

Tyai Á̱zanson 19:10

A̱jawa n si̱ nta̱bwak a̱zaghyi nggu n si̱ nkyuak gu ntong. A̱wot a̱ta̱m tswa A̱gwaza wu si̱ nyia̱ ma̱ng a̱nung, “Kaai, yok kyuak nung ntong bah! N gyet a̱khwo A̱gwaza wa, ma̱nang nwan ma̱ng á̱na̱nyiuk ang ba ntak kpa̱sai nwuak fwuo nyin hu di̱ Yesu a̱ni. A̱gwaza wa ma̱nyin nggu á̱ kwok gu ntong! Mat a̱chuchuk tak kpa̱sai wu tazwa Yesu; nggu wa yet kyang nang A̱za̱za̱rak Ntswa A̱gwaza wu ni̱ nfuut á̱niet ba ba̱ shei A̱lyiat A̱gwaza na á̱zanson.”

Tyai Á̱zanson 2:12

“Lyuut a̱ta̱m tswa A̱gwaza wusika jini, gu nwuak sot á̱niet khwi ji shya̱ Bi̱rgamum a̱ni. Ta̱m jini neet da̱ a̱vwuo a̱tyu a̱ ba̱ng tswat ji̱ byia̱ nunu feang ku ya ba̱t a̱ni:

Tyai Á̱zanson 2:8

“Lyuut a̱ta̱m tswa A̱gwaza wusika jini, gu nwuak sot á̱niet khwi ba̱ shya̱ Sa̱mi̱runa a̱ni. Ta̱m jini neet da̱ a̱vwuo a̱tyu a̱ yet A̱son ka, a̱ si̱ bu yet A̱ngaan ka a̱ni; a̱tyu a̱ ku khwu, a̱wot ma̱nini a̱ shyip, a̱ si̱ doot ma̱ng swuan ma̱ á̱niet ba̱ ka̱n kwi a̱ni!

Tyai Á̱zanson 22:9

A̱ta̱m tswa A̱gwaza wu si̱ nyia̱ ma̱ng a̱nung, “Kaai, yok kyuak nung ntong bah! Nung meang, n gyet a̱khwo A̱gwaza wa ma̱nang a̱nwan ma̱ng á̱na̱nyiuk ang ba, ba̱ yet a̱yaata̱m a̱kwonu A̱gwaza a̱ni; ma̱ng a̱mgba̱m á̱niet ba̱ khwi á̱lyiat nang á̱ lyuut mi̱ ta̱ka̱da huni a̱ni. A̱gwaza wa ma̱nyin nggu maai á̱ kwok gu ntong!”