3 Yoona 1:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ Mat a̱nia, ku yet ta hwa zi̱ beang á̱niet a̱bya, zi̱ ka yet á̱kpa̱ndang ta̱m dundung ma̱ng a̱mba nang ba̱ ni̱ ntyiet a̱chuchuk wu a̱ni.

3 Yoona 1:8 Iomraidhean Croise

Matyu 10:14

“A̱wot ka̱ á̱ mbyia̱ a̱li ku a̱keang ka̱ lak san nyin ku a̱lyiat nyin na a̱ni, mi̱ di̱ ghwut nyin hu a̱mali ka ku a̱keang a̱kya, nyi gbaat mbwuk a̱ti̱tak nyin na di̱n jen nang nyi na nghwut a̱mali ku a̱keang a̱kya a̱ni.

Matyu 10:40

Konyan wa san nyin mbwak nfeang, nung gwa nang gu san. A̱wot konyan wa san nung mbwak nfeang, a̱ san A̱tyia̱ nung wu a̱ ta̱m nung wa a̱ni oo!

Luka 11:7

“Shimba a̱tyoli a̱wa ka̱n myia̱, a̱wot gu ta̱ngai ma̱ng a̱nggu, nyia̱, ‘Yok shyui nung a̱fufwuo bah! N wa ka̱n nyim nyinyiit hu. A̱wot kyang bwak nung hu ma̱ng a̱nung zi̱ ka̱n kai nda. N si̱ mi̱n beang ang bah!’

2 A̱korontiyawa 6:1

Nang zi̱ ngyet á̱kpa̱ndang ta̱m dundung ma̱ng A̱gwaza a̱ni, zi̱ naai nyin nyi yok san za̱nang shok A̱gwaza ji, a̱wot nyi bu kai ji ghwon nang a̱buk kyang a̱ni bah.

2 A̱korontiyawa 8:23

A̱wot tazwa Titut, ka̱ a̱yin byia̱ lyip da̱ nggu, nyi tak ma̱ng a̱tyu a̱wa nang Titut ngyet a̱kpa̱ndang ta̱m nung wa; a̱ nyia̱ ta̱m hu dundung ma̱ng a̱nung zi̱ ka mbeang nyin. A̱wot á̱kum á̱niet khwi ba̱ shya̱ ndung ma̱ng a̱nggu a̱ni, susot á̱niet khwi ja ta̱m mba, a̱wot ta̱m mba hu nwuat Kristi shi.

A̱filibiyawa 4:3

Nwan a̱tsotswat a̱kpa̱ndang ta̱m nung, beang á̱nyiuk bani, mat ba̱ ka̱n nyia̱ ta̱m za̱m ma̱ng a̱nung di̱ beang ya a̱son shei A̱sham Nkhang Yesu ka. Ba̱ ku nyia̱ ta̱m hu dundung ma̱ng Ka̱la̱men mbeang á̱kum á̱kpa̱ndang ta̱m nung ba, nang á̱ lyuut lyulyoot mba hu mi̱ Ta̱ka̱da Nswuan hu a̱ni.

A̱kolosiyawa 4:11

Jeshuwa, a̱tyu nang á̱ bu ngyei Yustut a̱ni, mun a̱ byat nyin. Á̱niet a̱tat bani bya yet A̱yahudawa ma̱nyin mba ba̱ nyia̱ ta̱m dundung ma̱ng a̱nung a̱ji da̱nian Tyok A̱gwaza hu a̱ni. A̱wot ba̱ ka̱n shyim nung fwuo ba̱t.

1 A̱ta̱solonikawa 3:2

Zi̱ si̱ ta̱m ma̱ng a̱nyin Timoti, a̱na̱nyiuk nzi̱t wu mi̱ khwi Yesu. A̱ bu yet a̱kpa̱ndang ta̱m nzi̱t mi̱ nta̱m A̱gwaza di̱ shei A̱sham nkhang Yesu Kristi, gu bai da̱ a̱kwonu nzi̱t, da̱nian gu ka kpaat nyin, gu bu tyia̱ nyin gba̱gbak di̱ nwuak fwuo nyin hu di̱ Yesu.

Filimon 1:2

Zi̱ mun byiat a̱mgba̱m á̱niet khwi A̱gwaza ba, ba̱ ni̱ tung a̱mali ang ka a̱ni, ma̱ng A̱fiya a̱na̱nyiuk a̱nap nzi̱t wu mi̱ khwi Kristi, ma̱ng A̱kibut a̱kpa̱ndang nang zi̱ swuo a̱bung mi̱ ta̱m dundung ma̱ng a̱nggu a̱ni.

Filimon 1:24

Ma̱rkut, Ari̱sta̱kut ma̱ng Dimat, mbeang Luka, a̱mgba̱m ba ba̱ yet á̱kpa̱ndang ta̱m nung a̱ni, mba meang ba̱ mun á̱ byat ang.

3 Yoona 1:10

Mat a̱nia, ki̱ n mbai da̱ a̱vwuo nyin, n na tyai á̱ka̱tuk nkyang nang Diyotari̱fi̱t nyia̱ a̱ni kpa̱sai, ma̱ng á̱ka̱tuk a̱hyiak nang gu mbat nzi̱t a̱ni. A̱wot si̱ a̱hwa maai gu bah, a̱ bu ni̱ lak san á̱na̱nyiuk ba, ba̱ yet á̱niet tyiet ba̱ chong á̱ shei A̱sham nkhang ka a̱ni. A̱wot kyang ku swak a̱nia ma̱ng yet a̱ka̱tuk a̱ni, huhwa yet; a̱ bu ni̱ vwuong á̱niet khwi ba ba̱ chat san á̱niet tyiet bani a̱ni. A̱ bu ni̱ chat a̱ fi̱n á̱niet khwi a̱bya ba̱ chat beang á̱niet tyiet ba a̱ni, á̱ ghwut ndyo mami sot á̱niet khwi ji.

3 Yoona 1:7

Mat á̱niet bani ni̱ ghwut a̱chyet mba ka da̱nian ba̱ ka nyia̱ Yesu ta̱m hwa. A̱wot ba̱ ni̱ saai beang da̱ a̱vwuo á̱niet nwai khwi A̱gwaza bah.

3 Yoona 1:9

N wa ka̱n dyuut sot á̱niet khwi ma̱ a̱keang nyin ji wusika. A̱wot Diyotari̱fi̱t ni̱ lak shim tyok nzi̱t hu, mat a̱ ni̱ chat yet a̱kwak a̱son á̱niet khwi.