3 Yoona 1:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ Mat á̱niet bani ni̱ ghwut a̱chyet mba ka da̱nian ba̱ ka nyia̱ Yesu ta̱m hwa. A̱wot ba̱ ni̱ saai beang da̱ a̱vwuo á̱niet nwai khwi A̱gwaza bah.

3 Yoona 1:7 Iomraidhean Croise

Yoona 15:21

“Ba̱ na nyia̱ nyin a̱ka̱kpa̱t, mat nyi yet a̱si̱ nung bya. A̱wot ba̱ bu lyen a̱tyu a̱ ta̱m ma̱ng a̱nung a̱ni bah.

Nta̱m A̱yaata̱m 20:33

N ka̱n mak kwi swam zi̱nariya, ku a̱zurfa, ku a̱sham a̱yaatoot a̱yin ma̱ nyin bah.

Nta̱m A̱yaata̱m 20:35

A̱wot mami kuzang kyang, n si̱ ngyet kidee di̱ si̱sak ji nyi na nnyia̱ ta̱m ma̱ng chet, da̱nian nyi ka mbeang á̱niet ba̱ sang kyang a̱ni. Nyi bu jhyung a̱lyiat A̱tyoli Yesu na nyia̱, ‘Nang a̱yin kyang byia̱ kpangti̱n a̱ lan si̱sak nang a na nsan kyang ma̱ng a̱yin a̱ni.’ ”

Nta̱m A̱yaata̱m 5:41

A̱yaata̱m Yesu ba si̱ ghwon a̱gba̱ndang a̱tung sot a̱cha̱chet A̱yahudawa wu ma̱ng a̱gwai. Mat A̱gwaza kyiak baa, ba̱ maai ba̱ swuo a̱bung ma̱ng nsum da̱nian a̱lyoot Yesu.

Nta̱m A̱yaata̱m 8:4

A̱wot á̱niet khwi ba nang á̱ ku seang a̱ni, ba̱ ku shei A̱sham Nkhang Yesu ka mi̱ kuzang a̱vwuo nang ba̱ nnat a̱ni.

Nta̱m A̱yaata̱m 9:16

A̱wot n na ntak ma̱ng a̱nggu si̱sak ji nang ku ngyet ta hwa, gu swuo a̱bung da̱nian a̱lyoot nung ka a̱ni!”

1 A̱korontiyawa 9:18

Ka̱ a̱nia wa, yihwa yet á̱tan nung ka? Á̱tan nung kikya yet shei A̱sham Nkhang ka, da̱nian n chat á̱ tan nung zang bah. Huhwa mbyia̱, n ni̱ ndak tyia̱ á̱ nwuak nung a̱tsatsak a̱ka̱wat di̱n jen nang n shei A̱sham Nkhang ka a̱ni.

2 A̱korontiyawa 12:13

Mi̱ kyang nyiung nang n ku nwai nyia̱ nyin ndyo a̱wot n si̱ nyia̱ susot á̱niet khwi jhyáng ndyo a̱ni, huhwa yet; n ku gyet nyin kpa̱t nyi nwuat nung kurum bah. Ma̱sa̱kut, nyi chi nung mat a̱bun nang n bwuo nyin ndyo di̱ nyia̱ a̱tsatsak kyang wuni a̱ni!

2 A̱korontiyawa 4:5

Nyi fa̱k, zi̱ chong kat shei nyin a̱lyiat tazwa á̱pyia̱ nzi̱t bah. Zi̱ shei nang Yesu Kristi wa ngyet A̱tyoli wu, a̱wot nzi̱t ma̱ á̱pyia̱ nzi̱t zi̱ yet á̱khwo nyin bya da̱nian Yesu.

A̱filibiyawa 2:9

Mat a̱nia, A̱gwaza si̱ mbeang gu shi, a̱ si̱ sak gu da̱ a̱vwuo ka̱ swak ma̱ng shi a̱ni. A̱wot A̱gwaza si̱ nwuak gu a̱lyoot tyok ka̱ swak kuzang a̱lyoot ma̱ng shi a̱ni;

A̱kolosiyawa 1:24

A̱wot ma̱ninika, n gwai n swuo a̱bung da̱ a̱mgba̱m nkyang nang Kristi chat n swuo a̱bung da̱nian nggu a̱ni. A̱wot n gya a̱son ma̱ng swuo a̱bung huni mi̱ vam nung hu, da̱nian n ka beang vam nggu hu; huhwa yet á̱niet khwi nggu ba.

3 Yoona 1:8

Mat a̱nia, ku yet ta hwa zi̱ beang á̱niet a̱bya, zi̱ ka yet á̱kpa̱ndang ta̱m dundung ma̱ng a̱mba nang ba̱ ni̱ ntyiet a̱chuchuk wu a̱ni.

Tyai Á̱zanson 2:3

N dyen nang nyi ngbang a̱lyia̱, nyi si̱ nyap fwuo, nyi si̱ swuo a̱bung da̱nian nung. Nyi si̱ yong mi̱ chet di̱ nwuak a̱chuchuk nyin hu.