3 Yoona 1:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ A̱kpa̱ndang nung wu nang n chat a̱ni, a ka̱n beang á̱niet khwi nzi̱t ba, ba̱ yet á̱niet tyiet ba̱ chong á̱ shei A̱sham nkhang ka a̱ni, ku nang ba̱ ngyet á̱nietchen bya da̱ a̱vwuo ang a̱ni. Beang huni tak nang a ngyet a̱tsotswat a̱tyu khwi Yesu wa.

3 Yoona 1:5 Iomraidhean Croise

Matyu 24:45

“A̱tsotswat a̱khwo a̱ byia̱ mumwang a̱ni, nggu wa nang a̱tyoli nggu wu ni̱ tyei gu yet a̱kwak a̱son á̱kum á̱khwo ka. A̱wot a̱ bu ka̱u mba nkyayak ma̱ cha̱chaat njen wu.

Matyu 25:16

“A̱khwo wu a̱ ku san gumaat kurum tsuon ji a̱ni, a̱ si̱ nwuo a̱bwuang ma̱ng kurum hu. A̱ si̱ shya̱ kpangti̱n gumaat kurum tsuon jhyáng tazwa.

Luka 12:42

A̱wot A̱tyoli Yesu si̱ nwuak gu shim nyia̱, “A̱tsotswat a̱khwo a̱ byia̱ mumwang a̱ni; nggu wa nang a̱tyoli nggu wu ni̱ tyia̱ gu ta̱m kwak a̱son á̱kum á̱khwo ka, a̱wot a̱ bu ka̱u mba nkyayak ma̱ a̱cha̱chaat njen wu.

Nta̱m A̱yaata̱m 1:15

Di̱n jen a̱ja, Bitut si̱ doot a̱ yong ma̱ a̱ka̱wa̱tyia̱ á̱niet khwi ba. (Á̱niet ba̱ ku shya̱ a̱ja a̱ni, ku tat chyi ma̱ng nswak nfeang.)

A̱romawa 12:13

Nyi ka̱u nkyang nang nyi byia̱ a̱ni ma̱ng á̱niet khwi A̱gwaza ba̱ sang a̱ni. A̱wot nyi yet á̱niet saai á̱nietchen mbwak nfeang ma̱ a̱ka̱sa nyin na kuzang jen.

A̱ga̱la̱tiyawa 6:10

Mat a̱nia, kuzang jen ki̱ zi̱ shya̱ a̱wat, ku myim zi̱ nyia̱ a̱mgba̱m á̱niet ba a̱tan nta̱m. Á̱niet ba nang zi̱ na beang swak a̱ni, bibya yet á̱niet khwi Kristi ba.

A̱kolosiyawa 3:17

A̱wot nang nyi ngyet á̱niet ba̱ yet á̱ghyi A̱tyoli Yesu bya a̱ni, a̱mgba̱m kuzang kyang nang nyi lyiat nyi si̱ nyia̱ a̱ni, nyi ni̱ nyia̱ kyang ku myim gu wa a̱ni. Nyi ya a̱son ma̱ng gwai A̱gwaza mat Yesu a̱ yong da̱ a̱kwonu nzi̱t a̱ni.

Ibriniyawa 13:2

Nyi bu ya a̱son ma̱ng saai á̱nietchen mbwak nfeang ma̱ a̱ka̱sa nyin na. Mat á̱ghyang á̱niet ba̱ ku nyia̱ a̱nia a̱ni, ba̱ ku saai a̱yaata̱m tswá A̱gwaza di̱ mi̱ lyen.

3 Yoona 1:10

Mat a̱nia, ki̱ n mbai da̱ a̱vwuo nyin, n na tyai á̱ka̱tuk nkyang nang Diyotari̱fi̱t nyia̱ a̱ni kpa̱sai, ma̱ng á̱ka̱tuk a̱hyiak nang gu mbat nzi̱t a̱ni. A̱wot si̱ a̱hwa maai gu bah, a̱ bu ni̱ lak san á̱na̱nyiuk ba, ba̱ yet á̱niet tyiet ba̱ chong á̱ shei A̱sham nkhang ka a̱ni. A̱wot kyang ku swak a̱nia ma̱ng yet a̱ka̱tuk a̱ni, huhwa yet; a̱ bu ni̱ vwuong á̱niet khwi ba ba̱ chat san á̱niet tyiet bani a̱ni. A̱ bu ni̱ chat a̱ fi̱n á̱niet khwi a̱bya ba̱ chat beang á̱niet tyiet ba a̱ni, á̱ ghwut ndyo mami sot á̱niet khwi ji.

3 Yoona 1:3

N shya̱ ma̱ng a̱gwai za̱m, mat nang n fa̱k á̱niet tyiet á̱ghyang mbai, ba̱ si̱ tak ma̱ng a̱nung si̱sak ji a nnyia̱ tsotswat di̱ khwi a̱chuchuk tyiet Kristi hu, a̱wot a si̱ ya a̱son di̱ khwi a̱chuchuk a̱wa a̱ni.