3 Yoona 1:3 - A̠lyiat A̠gwaza na di̠n Tyap: A̠li̠ka̠uli A̠fai

³ N shya̱ ma̱ng a̱gwai za̱m, mat nang n fa̱k á̱niet tyiet á̱ghyang mbai, ba̱ si̱ tak ma̱ng a̱nung si̱sak ji a nnyia̱ tsotswat di̱ khwi a̱chuchuk tyiet Kristi hu, a̱wot a si̱ ya a̱son di̱ khwi a̱chuchuk a̱wa a̱ni.

3 Yoona 1:3 Iomraidhean Croise

Nta̱m A̱yaata̱m 1:15

Di̱n jen a̱ja, Bitut si̱ doot a̱ yong ma̱ a̱ka̱wa̱tyia̱ á̱niet khwi ba. (Á̱niet ba̱ ku shya̱ a̱ja a̱ni, ku tat chyi ma̱ng nswak nfeang.)

1 A̱korontiyawa 13:6

A̱tyu chat á̱niet ni̱ fwuong nyinyang nwai nyia̱ tsotswat bah. Da̱ a̱kwonu a̱kya, a̱ ni̱ fa̱k nyinyang ka̱ á̱ nyia̱ a̱chuchuk wu.

A̱ga̱la̱tiyawa 6:10

Mat a̱nia, kuzang jen ki̱ zi̱ shya̱ a̱wat, ku myim zi̱ nyia̱ a̱mgba̱m á̱niet ba a̱tan nta̱m. Á̱niet ba nang zi̱ na beang swak a̱ni, bibya yet á̱niet khwi Kristi ba.

A̱filibiyawa 1:4

Kuzang jen ki̱ n naai A̱gwaza, n ni̱ naai da̱nian a̱mgba̱m nyin, ma̱ng a̱lyia̱ sai.

2 Yoona 1:2

N chat nyin mat a̱chuchuk wu nang a̱mgba̱m zi̱t lyen a̱ni. A̱wot zi̱ na lyen a̱chuchuk wuni si̱ nat sang sangba̱p.

2 Yoona 1:4

N gwai za̱m nang n shya̱ mman ang na na̱ khwi a̱chuchuk ma̱ cha̱chaat di̱ si̱sak ji nang A̱gwaza a̱ yet A̱tyia̱ nzi̱t wu ntak zi̱t zi̱ nyia̱ a̱ni.

3 Yoona 1:10

Mat a̱nia, ki̱ n mbai da̱ a̱vwuo nyin, n na tyai á̱ka̱tuk nkyang nang Diyotari̱fi̱t nyia̱ a̱ni kpa̱sai, ma̱ng á̱ka̱tuk a̱hyiak nang gu mbat nzi̱t a̱ni. A̱wot si̱ a̱hwa maai gu bah, a̱ bu ni̱ lak san á̱na̱nyiuk ba, ba̱ yet á̱niet tyiet ba̱ chong á̱ shei A̱sham nkhang ka a̱ni. A̱wot kyang ku swak a̱nia ma̱ng yet a̱ka̱tuk a̱ni, huhwa yet; a̱ bu ni̱ vwuong á̱niet khwi ba ba̱ chat san á̱niet tyiet bani a̱ni. A̱ bu ni̱ chat a̱ fi̱n á̱niet khwi a̱bya ba̱ chat beang á̱niet tyiet ba a̱ni, á̱ ghwut ndyo mami sot á̱niet khwi ji.

3 Yoona 1:2

A̱kpa̱ndang nung wu nang n chat a̱ni, n tyia̱ fwuo da̱ A̱gwaza a shya̱ ma̱ng a̱ka̱nka̱ra̱ng vam, a̱wot kuzang kyang naat cha̱chaat da̱ a̱vwuo ang, ma̱nang nwuak a̱chuchuk ang hu meang nnaat cha̱chaat a̱ni.

3 Yoona 1:4

Kuzang jen nang n fa̱k mman nung na khwi a̱chuchuk wu, ku ni̱ tyia̱ nung a̱lyia̱ sai a̱ swak kuzang kyang.

3 Yoona 1:5

A̱kpa̱ndang nung wu nang n chat a̱ni, a ka̱n beang á̱niet khwi nzi̱t ba, ba̱ yet á̱niet tyiet ba̱ chong á̱ shei A̱sham nkhang ka a̱ni, ku nang ba̱ ngyet á̱nietchen bya da̱ a̱vwuo ang a̱ni. Beang huni tak nang a ngyet a̱tsotswat a̱tyu khwi Yesu wa.