3 Yoona 1:2 - A̠lyiat A̠gwaza na di̠n Tyap: A̠li̠ka̠uli A̠fai

² A̱kpa̱ndang nung wu nang n chat a̱ni, n tyia̱ fwuo da̱ A̱gwaza a shya̱ ma̱ng a̱ka̱nka̱ra̱ng vam, a̱wot kuzang kyang naat cha̱chaat da̱ a̱vwuo ang, ma̱nang nwuak a̱chuchuk ang hu meang nnaat cha̱chaat a̱ni.

3 Yoona 1:2 Iomraidhean Croise

Matyu 9:12

Nang Yesu nfa̱k a̱nia a̱ni, a̱ si̱ nyia̱ ma̱ng a̱mba, “Á̱niet ba̱ swan ka̱nka̱ra̱ng a̱ni chat a̱tyu kan bah, si̱ á̱niet nzwán bya.”

A̱filibiyawa 2:27

A̱tsak a̱lyiat, a̱ ku nyia̱ ma̱ng zwan ba̱t á ngyei a̱ na khwu. A̱wot A̱gwaza si̱ fa̱k kunak gu, ma̱ng a̱nung meang, kalak swuo a̱bung nung hu ku swak si̱sak nang n swuo a̱bung ka ma̱nini a̱ni.

A̱filibiyawa 2:4

Konyan ma̱ nyin gu ni̱ ngyok chat mi̱ kyang ku na myim nggu ma̱ nyin gu wa a̱ni bah. A̱wot da̱ a̱kwonu a̱kya, a̱ bu chat kyang ku na myim á̱ghyang á̱niet a̱ni meang.

2 A̱ta̱solonikawa 1:3

Á̱niet khwi Yesu ba nang n chat a̱ni, ku yet ta hwa, ku myim zi̱ gwai A̱gwaza kuzang jen da̱nian nyin, mat nang nyi mban di̱ nwuak fwuo di̱ Yesu, nyi si̱ bu mban di̱ chat á̱ghyang hu a̱ni.

2 A̱ta̱solonikawa 2:13

Á̱niet khwi Yesu ba nang n chat a̱ni, ku yet ta hwa zi̱ gwai A̱gwaza da̱nian nyin kuzang jen. Zi̱ gwai nang A̱gwaza nchat nyin, a̱wot a̱ ku khai nyin, nyin bya nyi tsa shya̱ swuan sang sangba̱p ji. Mat A̱za̱za̱rak Ntswa ja̱u nyin nyi ka yet á̱za̱za̱rak á̱niet, mat nwuak a̱chuchuk nyin hu da̱ a̱tsatsak a̱lyiat wu.

Yakubu 5:12

Nyin á̱niet khwi Yesu ba, kyang ku yet a̱ swak a̱ni, huhwa yet; nyi yok kyiak shyishyi nyia̱, “N shyi da̱ a̱lyoot Ma A̱gwaza tswazwa” bah; ku “N shyi da̱ a̱lyoot a̱byin” bah; ku ma̱ng kuzang tangka̱i shyishyi hwa. Nyi yok “Ii” nyin wu, a̱ yet “Ii,” a̱wot “Kaai” nyin wu, a̱ yet “Kaai,” kalak nyi na nyia̱ a̱ka̱tuk nyia̱, a̱wot A̱gwaza a̱ nyia̱ nyin shi̱ri̱ya.

1 Bitut 4:8

Kyang ku swak a̱mgba̱m a̱ni, huhwa yet; nyi ya a̱son ma̱ng chat á̱ghyang nyin ba̱t. Mat chat hu ni̱ chi a̱ka̱tuk nyia̱ ma̱ a̱di̱di̱t.

2 Bitut 3:18

Da̱ a̱kwonu a̱kya, nyi ya a̱son ma̱ng mban hwa mami shok ma̱ng lyen A̱tyoli Yesu Kristi A̱tyusan nzi̱t wu. Yok a̱kyenkyai shi a̱ yet si̱ nggu ma̱nini, ba̱ng si̱ nat sang sangba̱p! Samba̱rka!

3 Yoona 1:1

Nung Yoona, n gyet a̱niet khwop a̱niet a̱ni, nung gwa n dyuut wusika jini, ta̱m dyo da̱ a̱vwuo Gayut, a̱gi̱ngi̱ng a̱kpa̱ndang nung wu nang n chat mami a̱chuchuk a̱ni.

Tyai Á̱zanson 2:9

N dyen swuo a̱bung nyin hu ma̱ng kunak nyin hu. A̱mgba̱m ma̱ng a̱nia, nyi byia̱ zwá! N dyen tyam nang á̱niet ba lak li nyin tyam nyin a̱ni. Ba̱ kyiak pyipyia̱ mba nang á̱tsatsak A̱yahudawa bya a̱ni. A̱wot A̱yahudawa bya ba̱ yet bah; ba̱ yet sot tutu a̱tung A̱ta̱nyeang ja.