3 Yoona 1:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Nung Yoona, n gyet a̱niet khwop a̱niet a̱ni, nung gwa n dyuut wusika jini, ta̱m dyo da̱ a̱vwuo Gayut, a̱gi̱ngi̱ng a̱kpa̱ndang nung wu nang n chat mami a̱chuchuk a̱ni.

3 Yoona 1:1 Iomraidhean Croise

Nta̱m A̱yaata̱m 11:30

Nang ba̱ ku ntung nkyayak na a̱ni, ba̱ si̱ tyia̱ na bwak Ba̱nabat ma̱ng Sha̱wulu. Ba̱ si̱ nwuak a̱yaakwak a̱son sot á̱niet khwi ba̱ shya̱ Urusha̱lima a̱ni.

Nta̱m A̱yaata̱m 19:29

Á̱ si̱ labeang bah, a̱mgba̱m á̱niet ma̱ a̱keang A̱fisut ba si̱ doot jhya̱! Ba̱ si̱ kwak Gayut ma̱ng Ari̱sta̱kut, ba̱ ku yet á̱kpa̱ndang a̱chyet Bulut neet Ma̱kidoniya a̱ni. Ba̱ si̱ nat ma̱ng a̱mba mi̱ a̱gba̱ndang gaat wu a̱ shya̱ nta nang á̱niet a̱keang A̱fisut ba ni̱ ntung a̱ni.

Nta̱m A̱yaata̱m 20:4

Á̱niet ma̱ a̱di̱di̱t ku shya̱ ma̱ a̱chyet ka dundung ma̱ng Bulut. Bibya ku yet: Suba̱ta̱rat a̱fai Burut a̱ ku neet Bi̱riya a̱ni, ma̱ng Ari̱sta̱kut mbeang Sa̱kundut ba̱ ku yet á̱niet Ta̱solonika bya, ma̱ng Gayut a̱tyu Da̱rba, ma̱ng Timoti, Tikikut, ma̱ng Ta̱rofimut; a̱mgba̱m mba ba̱ ku yet á̱niet fam a̱byin A̱siya bya.

A̱romawa 16:23

Gayut, a̱tyu a̱ ku san nung mbwak nfeang a̱ si̱ nwuak nung a̱vwuo kwai; a̱wot a̱ si̱ bu nwuak á̱kum sot á̱niet khwi ka tutu nang ba̱ ntung a̱ni, mun a̱ byat nyin. A̱rastut, a̱tyu a̱ ni̱ sak kurum a̱keang hu a̱ni, mbeang Ka̱watut a̱na̱nyiuk nzi̱t a̱ghyang, ba̱ mun á̱ byat nyin.

1 A̱korontiyawa 1:14

N gwai A̱gwaza mat n nyia̱ a̱yin ba̱ptisman ma̱ nyin bah; mi̱ Ki̱ri̱but wa ma̱ng Gayut nang n ku nyia̱ mba ndyo.

1 Bitut 5:1

Mat a̱nia, n gba nyin, nyin nyi yet á̱niet khwop á̱niet ma̱ á̱niet khwi ba a̱ni. Nung meang n gyet a̱niet khwop a̱niet wa, a̱ ku li swuo a̱bung Kristi hu a̱ni. A̱wot n na mun shya̱ a̱kyenkyai shi nggu wu di̱n jen nang gu na mbai a̱ tyai a̱pyia̱ nggu kpa̱sai mi̱ swanta hu a̱ni.

1 Yoona 3:18

Da̱ a̱kwonu a̱kya, nyin mman nung, nyi yok shei chat á̱ghyang nyin hu ma̱ng a̱nu kya bah. Nyi tak chat á̱ghyang nyin hu di̱ nyia̱ á̱tsatsak nta̱m wa ma̱ng a̱chuchuk.

3 Yoona 1:2

A̱kpa̱ndang nung wu nang n chat a̱ni, n tyia̱ fwuo da̱ A̱gwaza a shya̱ ma̱ng a̱ka̱nka̱ra̱ng vam, a̱wot kuzang kyang naat cha̱chaat da̱ a̱vwuo ang, ma̱nang nwuak a̱chuchuk ang hu meang nnaat cha̱chaat a̱ni.