2 Yoona 1:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Konyan wa mbeang a̱ si̱ shyak tyiet Kristi hu, a̱wot a̱ si̱ bwuok lilyim di̱ khwi tyiet a̱hwa, a̱tyu a̱wa byia̱ a̱meang ma̱ng A̱gwaza bah. A̱wot a̱tyu a̱ ya a̱son di̱ khwi tyiet Kristi hu a̱ni, a̱ byia̱ a̱meang ma̱ng A̱tyia̱ wu bi̱ri̱ng ma̱ng Nggwon nggu ka.

2 Yoona 1:9 Iomraidhean Croise

Matyu 11:27

“A̱tyia̱ nung wu, tyia̱ nung kuzang kyang mbwak. Á̱ mbyia̱ a̱tyu a̱ lyen Nggwon ka a̱tsatsak lyen a̱ni bah, si̱ ma̱ A̱tyia̱ wu. A̱wot á̱ bu mbyia̱ a̱tyu a̱ lyen A̱tyia̱ wu a̱tsatsak lyen a̱ni bah, si̱ ma̱ Nggwon ka. Ma a̱nia wa, á̱niet nang Nggwon ka khai a̱ni, bibya ka̱ na tyai mba A̱tyia̱ wu kpa̱sai, ba̱ lyen gu.”

Luka 10:22

Yesu si̱ bu nyia̱, “A̱tyia̱ nung wu wa ka̱n tyia̱ nung a̱mgba̱m kuzang kyang mbwak. Á̱ mbyia̱ a̱tyu a̱ lyen Nggwon ka shansham a̱ni bah; si̱ ma̱ A̱tyia̱ nung wu wa ma̱nyin gu. Da̱ mba, á̱ mbyia̱ a̱tyu a̱ lyen A̱tyia̱ nung wu a̱ni bah; si̱ mi̱ Nggwon kikya ma̱nyin ka, mbeang á̱niet ba nang Nggwon ka khai ka̱ tyai mba A̱tyia̱ wu a̱ni.”

Yoona 14:6

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

Yoona 15:6

Konyan wa da̱ a̱ ta̱meet da̱ nung a̱ni bah, a̱ tai bwak a̱kwon nang á̱ ni̱ tyap á̱ ji̱p ku khwot a̱ni. Á̱nietbishyi ni̱ tung ntangka̱i a̱khwot mbwak a̱kwon a̱nia á̱ ntyia̱ long. Long hu ku ya na a̱mgba̱m.

Yoona 5:23

Da̱nian a̱mgba̱m á̱niet ba ba̱ ka nwuak Nggwon ka shi, ma̱ cha̱chaat nang ba̱ nnwuat A̱tyia̱ wu a̱ ta̱m ma̱ng a̱nka a̱ni.

Yoona 8:31

A̱jawa Yesu si̱ lyiat ma̱ng A̱yahudawa ba, ba̱ ku nwuak fwuo da̱ nggu a̱ni, a̱ si̱ nyia̱, “Ka̱ nyi wa khwi a̱lyiat nang n tyiet nyin a̱ni, si̱ nyin bya chi̱k yet mman nung na.

Nta̱m A̱yaata̱m 2:42

A̱mgba̱m á̱niet khwi ba si̱ ntyia̱ a̱lyia̱ di̱ khwi tyiet nang a̱yaata̱m Yesu ba tyiet mba a̱ni. Ba̱ si̱ mun á̱pyia̱ ma̱ng ya nkyayak dundung ma̱ng á̱ghyang mba, (mbeang ya nkyayak a̱di̱dam a̱khwu Yesu hu,) ba̱ si̱ bu naai A̱gwaza á̱ nchi̱ri̱ng.

A̱kolosiyawa 3:16

Nyi ni̱ nyia̱ a̱di̱dam tazwa A̱sham Nkhang Kristi ka mi̱ nfwuo nyin na kuzang jen. Nyi ni̱ ntyiet tsa bu ngba á̱ghyang nyin ma̱ng a̱mgba̱m mumwang nang A̱gwaza ka̱u nyin a̱ni. Nyi ni̱ ngwai A̱gwaza mi̱ nfwuo nyin na. Nyi bwom bubwom Za̱bura, bubwom dyep A̱gwaza, ma̱ng bubwom A̱za̱za̱rak Ntswa ghyang.

Titut 2:10

Ba̱ bu yok kpa bwak. Da̱ a̱kwonu a̱kya, ba̱ nyia̱ tsotswat, ba̱ ka tak á̱niet ba shisham A̱lyiat A̱gwaza A̱tyusan nzi̱t wu kpa̱sai mami kuzang kyang.

Ibriniyawa 3:14

Mat ki̱ zi̱ nyia̱ tsotswat si̱ nat sangba̱p swuan nzi̱t ji, zi̱ si̱ yong mi̱ chet di̱ nwuak fwuo da̱ A̱gwaza, ma̱nang zi̱ ku ntsa nwuak fwuo hu a̱ni; a̱mgba̱m nzi̱t, zi̱ na yet á̱kpa̱ndang ta̱m zi̱ ya gado dundung ma̱ng Kristi.

Ibriniyawa 6:1

Mat a̱nia, zi̱ yok ya a̱son ma̱ng a̱tyin tyiet tazwa Kristi kuzang jen bah. Da̱ a̱kwonu a̱kya, yok zi̱ kwan zi̱ yet á̱niet tat á̱ghyi di̱ fi̱k A̱lyiat A̱gwaza na. A̱tsak a̱lyiat, zi̱ chat zi̱ bu tsa ma̱ng a̱tsatsak a̱tyin tyiet bah. Tyiet huni yet si̱ ku myim á̱niet ba̱ nghwon nta̱m a̱ka̱tuk nyia̱, ba̱ sii nwuak fwuo da̱ A̱gwaza a̱ni.

1 Yoona 1:3

A̱lyiat Nswuan a̱nia, nang zi̱ ka̱n di zi̱ si̱ bu fa̱k a̱ni, ni̱nia nang zi̱ shei nyin, da̱nian nyi ka mun á̱pyia̱ ma̱ng a̱nzi̱t. A̱wot zi̱ mun á̱pyia̱ dundung ma̱ng A̱tyia̱ nzi̱t wu a̱ yet A̱gwaza a̱ni, mbeang Nggwon nggu ka, Yesu Kristi.

3 Yoona 1:9

N wa ka̱n dyuut sot á̱niet khwi ma̱ a̱keang nyin ji wusika. A̱wot Diyotari̱fi̱t ni̱ lak shim tyok nzi̱t hu, mat a̱ ni̱ chat yet a̱kwak a̱son á̱niet khwi.