2 Yoona 1:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ Nyi ta̱bam, kalak nyi du lyin zang ta̱m nang nyi nyia̱ ba̱t da̱nian A̱gwaza a̱ni. Nyi kwan ba̱t da̱nian konyan gu ka san a̱jhyem zang ta̱m nggu ji da̱ a̱vwuo A̱gwaza.

2 Yoona 1:8 Iomraidhean Croise

Matyu 24:4

Yesu si̱ nwuak ba shim nyia̱, “Nyi ta̱bam, kalak a̱yin a̱ du laai nyin!

Ma̱rkut 13:23

“A̱wot nyi chok pyipyia̱ nyin! N ka̱n tak ma̱ng a̱nyin kuzang nkyang lap!

Ma̱rkut 13:9

“A̱wot nyin, nyi chok pyipyia̱ nyin. Mat á̱ na tyia̱ nyin mbwak sot a̱cha̱chet a̱yaakwak a̱son A̱yahudawa; a̱wot á̱ tsot nyin mi̱ á̱tutu a̱tung A̱yahudawa ba; á̱ nyia̱ nyin shi̱ri̱ya a̱zaghyi á̱gwam ma̱ng a̱yaagwomna mat shei A̱sham Nkhang nung ka. Huhwa nyi na byia̱ a̱wat nyi shei nkhang nung na a̱zaghyi mba.

Luka 19:19

“A̱jawa a̱tyoli wu si̱ nyia̱ ma̱ng a̱nggu, ‘Ku yet a̱sham! Nwan, n na ntyia̱ ang a nyia̱ tyok tazwa a̱ka̱keang a̱fwuon.’

Luka 21:8

Yesu si̱ nwuak ba shim nyia̱, “Nyi ta̱bam kalak a̱yin a̱ du laai nyin. Mat á̱niet ma̱ a̱di̱di̱t na bai ba̱ hyia̱ nyia̱ ba̱ byia̱ tyok da̱ a̱lyoot tyok nung; ba̱ bu nyia̱ bibya yet Kristi wu; a̱wot ba̱ bu hyia̱ nang jen ji nnyia̱ nang swanta hu na ntyak a̱ni! A̱wot nyi yok nwuak a̱chuchuk da̱ mba bah.

Yoona 4:36

A̱tyu a̱ chak yak hu a̱ni, á̱ na tan gu zang. A̱wot a̱ na tung yak hu, a̱ shya̱ zang swuan sang sangba̱p. Da̱nian a̱tyu a̱ chyui yak hu a̱ni, ma̱ng a̱tyu a̱ chak a̱ni; ba̱ ka gwai dundung.

1 A̱korontiyawa 15:8

Di̱ ngaan hu, a̱ si̱ tyai a̱pyia̱ nggu kpa̱sai da̱ a̱vwuo nung. N si̱ ndi nggu, ku nang á̱ nyia̱ á̱ ku byin nung ma̱ a̱bya̱bya̱ njen a̱ni.

1 A̱korontiyawa 3:14

Ki̱ ta̱m nok hu nang gu nyia̱ a̱ni yong mi̱ chet di̱ kuntyin hu, a̱tyu nok a̱wa na shya̱ zang.

1 A̱korontiyawa 3:8

A̱tyu chyui zwá yak wu ma̱ng a̱tyu tyei a̱sa̱khwot wu, ba̱ nyia̱ ta̱m hu ndung ma̱ng a̱di̱dam a̱nyiung. A̱wot konyan ma̱ a̱mba na san zang ma̱ cha̱chaat ma̱ng ta̱m hu nang gu nyia̱ a̱ni.

A̱ga̱la̱tiyawa 3:4

Swuo a̱bung hu nang nyi ka̱n swuo ba̱t a̱ni, ku yet a̱buk kyang waa? A̱tsak a̱lyiat, n ba̱ng fwuo nung hu; swuo a̱bung nyin hu ku yet a̱buk kyang wa da̱ a̱vwuo nyin bah.

A̱ga̱la̱tiyawa 4:11

Si̱ a̱hwa tyia̱ n byia̱ a̱fi̱fa tazwa nyin! Ku li á ngyei n byian a̱pyia̱ nung kya jen nang n tang a̱lahyia̱ di̱ nyia̱ nta̱m ma̱ng a̱nyin a̱ni!

A̱filibiyawa 3:16

A̱wot ku yet ta hwa, zi̱ yong chi̱k di̱ kyang nang A̱gwaza ka̱n tak nzi̱t a̱ni.

Ibriniyawa 10:32

Nyi nyia̱ a̱di̱dam tazwa jen ji ka̱n swak a̱ni, nang nyi ku nsan tyiet tazwa Kristi, a̱wot á̱ghyi nyin ba si̱ tat a̱ni. Nyi jhyung si̱sak ji nyi ku ngyong tsotswat, ku nang nyi ku nkwan ba̱t ma̱ng swuo a̱bung a̱ni.

Ibriniyawa 10:35

Mat a̱nia, nyi yok ghwon tyia̱ fwuo nyin hu ma̱ng nwuak a̱chuchuk da̱ A̱gwaza bah. Nyi jhyung a̱gba̱mgbam zang nang á̱ na tan nyin a̱ni.

Ibriniyawa 12:15

Nyi cham á̱pyia̱ nyin. Nyi yong mi̱ chet. Nyi li nang a̱yin ma̱ nyin bwuok lilyim, a̱ si̱ lyin shok A̱gwaza ji bah. Nyi ta̱bam, kalak a̱yin ma̱ nyin a̱ li nang a̱ni̱nan a̱tyin a̱gba̱za̱zai a̱kwon ka̱ laai a̱ ghwut. Ka̱ si̱ tyia̱ á̱niet khwi ma̱ a̱di̱di̱t swuo a̱bung a̱ni, a̱wot ka̱ byian a̱tan swat á̱niet khwi á̱ghyang ma̱ng lyen nka hu.

Tyai Á̱zanson 3:11

N chobai ma̱ninika! Nyi ba̱ng a̱chuchuk tyiet nyin wu gi̱ngi̱ng, kalak a̱ghyang a̱niet wa si̱ ba̱ ta̱wap bung tyok ji, ji̱ yet zang nyin ji a̱ni.