2 Yoona 1:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ Ma̱ninika, n naai ang a̱yang a̱li, ku yet ta hwa zi̱ chat á̱ghyang. Doka jini nang n dyuut ang ndyo a̱ni, ji̱ yet swai ja bah. Doka jini ja nang zi̱ za byia̱ neet di̱ tsa nwuo khwi Kristi hu.

2 Yoona 1:5 Iomraidhean Croise

Yoona 15:12

Doka nung ji nang n nwuat nyin a̱ni, jija yet; nyi chat á̱ghyang nyin, ma̱ cha̱chaat di̱ si̱sak nang n chat nyin a̱ni.

Yoona 15:17

Doka ji nang n nwuak nyin a̱ni, ji ja yet; nyi chat á̱ghyang nyin.

A̱ga̱la̱tiyawa 5:22

A̱wot ntangka̱i za̱kwá nang A̱za̱za̱rak Ntswa wu nnwuat a̱ni, jija yet, chat á̱ghyang, fwuo sai, swat nyinyang, nyap fwuo, fwuong kunak, yet a̱tan, yet a̱tsotswat,

A̱fisawa 5:2

Nyi swan swat chat á̱ghyang, nyi khwi kidee Kristi ji. A̱ chat zi̱t, a̱ si̱ bu nwuak a̱pyia̱ nggu. A̱ si̱ khwu da̱nian nzi̱t, nang za̱nang á̱ fwui ji̱ byia̱ swam nyinyang nang A̱gwaza chat a̱ni.

1 A̱ta̱solonikawa 4:9

Da̱ a̱lyiat chat á̱ghyang na, zi̱ na chat zi̱ lyuut nyin ndyo bah. Mat nyin ma̱ á̱pyia̱ nyin, A̱gwaza wa ka̱n tyiet nyin, nyi ka chat á̱ghyang.

Ibriniyawa 13:1

Nyin á̱niet khwi Yesu ba, nyi ya a̱son mi̱ chat á̱ghyang nyin nang á̱na̱nyiuk a̱ni.

1 Bitut 4:8

Kyang ku swak a̱mgba̱m a̱ni, huhwa yet; nyi ya a̱son ma̱ng chat á̱ghyang nyin ba̱t. Mat chat hu ni̱ chi a̱ka̱tuk nyia̱ ma̱ a̱di̱di̱t.

2 Bitut 1:7

A̱wot nyi khwi A̱gwaza di̱n vak ku myim gu a̱ni ma̱nyin hu bah, nyi mbeang fa̱k da̱ á̱na̱nyiuk nyin ba, ba̱ yet á̱niet khwi a̱ni mameang. Nyi fa̱k da̱ á̱na̱nyiuk ba̱ yet á̱niet khwi a̱ni ma̱nyin mba bah, nyi mbeang chat konyan mameang.

1 Yoona 3:11

A̱lyiat nang nyi ku fa̱k neet di̱n tsa hu a̱ni ni̱nia yet: Ku yet ta hwa zi̱ chat á̱ghyang nzi̱t.

1 Yoona 3:23

A̱wot doka A̱gwaza jija ji: Ku yet ta hwa, zi̱ nwuak fwuo da̱ a̱lyoot Nggwon nggu ka, Yesu Kristi, a̱wot zi̱ bu chat á̱ghyang nzi̱t, ma̱nang gu ka̱n nwuak zi̱t doka ji a̱ni.

1 Yoona 4:20

Konyan wa tak nyia̱, “N chat A̱gwaza,” a̱wot a̱ si̱ lak li á̱niet khwi á̱ghyang, a̱tyu a̱wa bwoi a̱ka̱laa nia. Mat ka̱ zi̱ lak chat á̱niet nang zi̱ nwuan a̱ni, zi̱ na nyia̱ ni zi̱ nchat A̱gwaza da̱nang zi̱ ka̱n di a̱ni bah?

2 Yoona 1:1

Nung Yoona, n gyet a̱niet khwop a̱niet a̱ni, nung gwa n dyuut nyin wusika jini, n ta̱m ndyo da̱ a̱vwuo nyin, a̱yang a̱li ma̱ng mman nggu na nang A̱gwaza khai a̱ni. Mami a̱chuchuk n chat nyin ba̱t; nung gwa ma̱nyin nung bah, a̱wot ma̱ng a̱mgba̱m á̱niet ba ba̱ lyen a̱chuchuk A̱gwaza wu a̱ni.