2 Yoona 1:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ N gwai za̱m nang n shya̱ mman ang na na̱ khwi a̱chuchuk ma̱ cha̱chaat di̱ si̱sak ji nang A̱gwaza a̱ yet A̱tyia̱ nzi̱t wu ntak zi̱t zi̱ nyia̱ a̱ni.

2 Yoona 1:4 Iomraidhean Croise

1 A̱korontiyawa 13:6

A̱tyu chat á̱niet ni̱ fwuong nyinyang nwai nyia̱ tsotswat bah. Da̱ a̱kwonu a̱kya, a̱ ni̱ fa̱k nyinyang ka̱ á̱ nyia̱ a̱chuchuk wu.

A̱ga̱la̱tiyawa 2:14

Jen nang n di ba̱ nwai khwi a̱chuchuk a̱ shya̱ ma̱ A̱sham Nkhang ka shansham a̱ni, n si̱ ntak ma̱ng Bitut kpa̱sai ghyuap nggu hu a̱zaghyi a̱mgba̱m á̱niet khwi ba nyia̱, “Nang a ngyet a̱tyu A̱yahudawa a̱ni, a̱mgba̱m ma̱ng a̱nia, a khwi doká A̱yahudawa ji bah. A̱wot a swan ya tangka̱i kyayak nang Nnwap na̱ nwai yet A̱yahudawa ya a̱ni. Ka̱ a nyia̱ a̱nia, yihwa mbyia̱ nang a ntyei Nnwap na̱ nwai yet A̱yahudawa a̱ni na̱ khwi doká A̱yahudawa ji?

A̱fisawa 5:2

Nyi swan swat chat á̱ghyang, nyi khwi kidee Kristi ji. A̱ chat zi̱t, a̱ si̱ bu nwuak a̱pyia̱ nggu. A̱ si̱ khwu da̱nian nzi̱t, nang za̱nang á̱ fwui ji̱ byia̱ swam nyinyang nang A̱gwaza chat a̱ni.

A̱fisawa 5:8

Mat di̱n jen ji ji̱ swak a̱ni, nyi ku shya̱ ma̱ a̱gbi̱ri̱ng ndyin. A̱wot ma̱ninika, nyi shya̱ mami a̱kyenkyai sai wa a̱ neet da̱ a̱vwuo A̱gwaza a̱ni. Mat a̱nia, nyi yok swat nyin hu ku tak nang nyi shya̱ mami sai A̱gwaza hu za̱m!

A̱filibiyawa 4:10

N gwai A̱gwaza za̱m, nang nyi bu njhyung nyi beang nung ma̱nini a̱ni. Nyi tak nang nyi ni̱ mbyia̱ fwuo nyi beang nung. A̱tsak a̱lyiat, n dyen nyi ku mi̱ nchat nyi beang nung, a̱wot nyi si̱ shya̱ a̱wat ka bah.

1 Yoona 2:6

Á̱niet ba ba̱ tak nyia̱ ba̱ shya̱ ndung ma̱ng A̱gwaza a̱ni, ku yet ta hwa ba̱ swan ma̱nang Yesu nswan a̱ni.