2 Yoona 1:3 - A̠lyiat A̠gwaza na di̠n Tyap: A̠li̠ka̠uli A̠fai

³ Yok A̱gwaza a̱ yet A̱tyia̱ a̱ni, ma̱ng Yesu Kristi a̱ yet Nggwon A̱tyia̱ ka a̱ni, gu fa̱k shok ma̱ng kunak zi̱t, a̱wot a̱ nang nzi̱t swat nyinyang; nzi̱t, zi̱ swan swat nwuak a̱chuchuk ma̱ng chat á̱ghyang a̱ni.

2 Yoona 1:3 Iomraidhean Croise

A̱romawa 1:7

N dyuut nyin wusika jini a̱mgba̱m nyin nyi shya̱ Rom a̱ni. Nyin bya nang A̱gwaza wu chat ba̱t, a̱wot a̱ si̱ yorong nyin nyi yet á̱za̱za̱rak á̱niet ngguu. Yok A̱gwaza a̱ yet A̱tyia̱ nzi̱t a̱ni, ma̱ng A̱tyoli Yesu Kristi, a̱ fa̱k shok nyin, a̱wot a̱ nang nyin swat nyinyang.

A̱ga̱la̱tiyawa 5:6

Mat, jen nang zi̱ nnwuak fwuo di̱ Yesu Kristi a̱ni, tyia̱ mi̱ chen ku nwai tyia̱ mi̱ chen, ku byia̱ nzi̱t kpangti̱n bah. Kyang ku yet a̱ swak a̱ni, huhwa yet; nwuak fwuo nzi̱t hu di̱ Kristi. Ku tyei nzi̱t zi̱ chat A̱gwaza ma̱ng á̱ghyang á̱niet.

1 Timoti 1:14

A̱wot A̱tyia̱ nzi̱t wu ku nyia̱ nung shok gba̱mgbam. A̱ si̱ bu tyia̱ nung nwuak fwuo, n bu nchat á̱niet mat nang n mmun á̱pyia̱ ma̱ng Kristi Yesu a̱ni.

1 Timoti 1:2

N dyuut ang wusika jini, n bu byiat ang Timoti a̱tsatsak nggwon nung di̱ nwuak fwuo di̱ Yesu. Yok A̱gwaza a̱ yet A̱tyia̱ a̱ni, ma̱ng Yesu Kristi nzi̱t, gu fa̱k shok nyin, a̱ fa̱k kunak nyin, a̱ nang nyin swat nyinyang.

2 Timoti 1:13

Ba̱ng kidee a̱chuchuk tyiet ji nang a shya̱ da̱ a̱vwuo nung a̱ni shansham. Ku yet kidee nang a na khwi a̱ni. A̱wot a yong di̱ nwuak a̱chuchuk da̱ nhu. A mban di̱ chat nang a shya̱ di̱ mun á̱pyia̱ ma̱ng Kristi Yesu a̱ni.

1 Yoona 4:10

A̱ni wa nang a̱tsatsak chat wu ndi: Nzi̱t bya chat A̱gwaza wu bah. A̱wot nggu wa chat zi̱t a̱ si̱ ta̱m ma̱ng Nggwon nggu ka nang za̱nang a̱ni, ka̱ ka chi a̱ka̱tuk nyia̱ nzi̱t wu.

2 Yoona 1:1

Nung Yoona, n gyet a̱niet khwop a̱niet a̱ni, nung gwa n dyuut nyin wusika jini, n ta̱m ndyo da̱ a̱vwuo nyin, a̱yang a̱li ma̱ng mman nggu na nang A̱gwaza khai a̱ni. Mami a̱chuchuk n chat nyin ba̱t; nung gwa ma̱nyin nung bah, a̱wot ma̱ng a̱mgba̱m á̱niet ba ba̱ lyen a̱chuchuk A̱gwaza wu a̱ni.