2 Yoona 1:2 - A̠lyiat A̠gwaza na di̠n Tyap: A̠li̠ka̠uli A̠fai

² N chat nyin mat a̱chuchuk wu nang a̱mgba̱m zi̱t lyen a̱ni. A̱wot zi̱ na lyen a̱chuchuk wuni si̱ nat sang sangba̱p.

2 Yoona 1:2 Iomraidhean Croise

Yoona 14:16

Nung mameang, n na naai da̱ a̱vwuo A̱tyia̱. Nggu meang, a̱ na ta̱m ma̱ng nyin a̱tyu a̱ na beang nyin a̱ni; gu shya̱ dundung ma̱ng a̱nyin ba̱ng si̱ nat sang sangba̱p.

Yoona 15:7

Ka̱ nyi ta̱meet da̱ nung, a̱wot a̱lyiat nung na si̱ shya̱ mi̱ fwuo nyin na; nyi doot nyi lyip kuzang kyang nang nyi chat a̱ni, á̱ na shim á̱ nyia̱ nyin ndyo.

1 A̱korontiyawa 9:23

N ni̱ nyia̱ kuzang kyang, mat shei A̱sham Nkhang hwa, da̱nian n ka nshya̱ a̱kwonu nung mami a̱li̱ba̱rka shei nka hu.

2 A̱korontiyawa 4:5

Nyi fa̱k, zi̱ chong kat shei nyin a̱lyiat tazwa á̱pyia̱ nzi̱t bah. Zi̱ shei nang Yesu Kristi wa ngyet A̱tyoli wu, a̱wot nzi̱t ma̱ á̱pyia̱ nzi̱t zi̱ yet á̱khwo nyin bya da̱nian Yesu.

A̱kolosiyawa 3:16

Nyi ni̱ nyia̱ a̱di̱dam tazwa A̱sham Nkhang Kristi ka mi̱ nfwuo nyin na kuzang jen. Nyi ni̱ ntyiet tsa bu ngba á̱ghyang nyin ma̱ng a̱mgba̱m mumwang nang A̱gwaza ka̱u nyin a̱ni. Nyi ni̱ ngwai A̱gwaza mi̱ nfwuo nyin na. Nyi bwom bubwom Za̱bura, bubwom dyep A̱gwaza, ma̱ng bubwom A̱za̱za̱rak Ntswa ghyang.

2 Timoti 1:5

N jhyung a̱tsatsak nwuak fwuo ang wu da̱ Yesu, ma̱nang a̱yang a̱khwop ang wu Luwit, mbeang a̱yang byin ang wu Yunit ku nnwuak fwuo da̱ nggu a̱ni. A̱wot n dyen nang a na ngya a̱son a mbeang di̱ nwuak fwuo ang hu da̱ Yesu.

2 Bitut 1:12

Mat a̱nia, n na jhyung nyin nkyang nani nchi̱ri̱ng, ku nang nyi ndyen naa, nyi si̱ bu yong mi̱ chet di̱ nwuak a̱chuchuk di̱ tyiet nang á̱ ka̱n tyiet nyin a̱ni.

1 Yoona 1:8

Ki̱ zi̱ tak nyia̱ zi̱ nyia̱ a̱ka̱tuk nyia̱ bah, zi̱ laai pyipyia̱ nzi̱t hwa. A̱wot zi̱ byia̱ a̱chuchuk bah.

1 Yoona 2:14

N dyuut nyin dyo, nyin mman na, mat nyi lyen A̱tyia̱ wu. N dyuut nyin ndyo, nyin nyi yet a̱yaatat a̱ghyi a̱ni, mat nyi lyen nggu a̱tyu a̱ nshya̱ neet di̱n tsa swanta hu a̱ni. N dyuut nyin dyo, mat nyi byia̱ chet, a̱wot a̱lyiat A̱gwaza na shya̱ mi̱ fwuo nyin na. Nyi si̱ bu swuo chet A̱ta̱nyeang ka.

1 Yoona 2:17

A̱wot swanta hu ma̱ng a̱mgba̱m shyuo nvam ji na tyak. A̱wot konyan wa nyia̱ kyang nang A̱gwaza chat a̱ni, a̱ na swuan ba̱ng si̱ nat sang sangba̱p.