2 Yoona 1:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Nung Yoona, n gyet a̱niet khwop a̱niet a̱ni, nung gwa n dyuut nyin wusika jini, n ta̱m ndyo da̱ a̱vwuo nyin, a̱yang a̱li ma̱ng mman nggu na nang A̱gwaza khai a̱ni. Mami a̱chuchuk n chat nyin ba̱t; nung gwa ma̱nyin nung bah, a̱wot ma̱ng a̱mgba̱m á̱niet ba ba̱ lyen a̱chuchuk A̱gwaza wu a̱ni.

2 Yoona 1:1 Iomraidhean Croise

Luka 1:3

A̱tyoli Tiyofulut, nung mameang, n di ku myim n ta̱bam n zop kuzang nkyang tazwa Yesu, neet di̱n jen nang nkhang nani ntsa a̱ni. Da̱nian n ka ndyuut ang naa, n bu nta̱bam n fang ang naa ma̱nang na̱ ndi cha̱chaat a̱ni.

Yoona 8:32

Nyi na lyen a̱chuchuk wu, a̱wot a̱chuchuk wu na tyia̱ nyi yet á̱sa̱t á̱niet.”

Nta̱m A̱yaata̱m 11:30

Nang ba̱ ku ntung nkyayak na a̱ni, ba̱ si̱ tyia̱ na bwak Ba̱nabat ma̱ng Sha̱wulu. Ba̱ si̱ nwuak a̱yaakwak a̱son sot á̱niet khwi ba̱ shya̱ Urusha̱lima a̱ni.

A̱romawa 16:13

Nyi mun byiat Rufot, a̱tyu nang A̱gwaza ku kyiak gu yet a̱tsatsak a̱tyu khwi nggu a̱ni. Mbeang a̱yang byin nggu wu nang n fa̱k da̱ nggu a̱ni, a̱ bu yet a̱yang wa da̱ a̱vwuo nung.

A̱ga̱la̱tiyawa 2:14

Jen nang n di ba̱ nwai khwi a̱chuchuk a̱ shya̱ ma̱ A̱sham Nkhang ka shansham a̱ni, n si̱ ntak ma̱ng Bitut kpa̱sai ghyuap nggu hu a̱zaghyi a̱mgba̱m á̱niet khwi ba nyia̱, “Nang a ngyet a̱tyu A̱yahudawa a̱ni, a̱mgba̱m ma̱ng a̱nia, a khwi doká A̱yahudawa ji bah. A̱wot a swan ya tangka̱i kyayak nang Nnwap na̱ nwai yet A̱yahudawa ya a̱ni. Ka̱ a nyia̱ a̱nia, yihwa mbyia̱ nang a ntyei Nnwap na̱ nwai yet A̱yahudawa a̱ni na̱ khwi doká A̱yahudawa ji?

A̱ga̱la̱tiyawa 2:5

A̱wot zi̱ si̱ lak mba ndyo, ku da̱ a̱banjen ma̱ chunchwiit zi̱ ku shim mba ndyo bah. Zi̱ ku nyia̱ a̱nia zi̱ ka chok a̱chuchuk A̱sham Nkhang Yesu wu, da̱nian nyi ka khwi nka shansham.

A̱ga̱la̱tiyawa 3:1

Kwot, nyin A̱ga̱la̱tiyawa, á̱bwuon á̱niet! A̱nyan wa nyia̱ nyin nkut na, a̱ si̱ laai nyin? Mat, á̱ ku tyai kyang nang a̱khwu Kristi ka fa a̱ni da̱ a̱vwuo nyin kpa̱sai, á ngyei nyi wa ku li a̱khwu nggu ka da̱ a̱team a̱khwu wu ma̱ng á̱ghyi nyin.

A̱ga̱la̱tiyawa 5:7

Di̱n jen nang nyi ku nnwuo khwi Kristi hu a̱ni, nyi si̱ ya a̱son shansham ba̱t. A̱wot di̱ yong huni, a̱nyan wa vwuong nyin khwi a̱tsak a̱lyiat wu?

A̱kolosiyawa 1:5

Nwuak fwuo nyin hu ma̱ng chat á̱ghyang nyin hu tak nang nyi ntyia̱ fwuo di̱n zwá nang A̱gwaza sak nyin dyo a̱mali nggu ka tswazwa a̱ni. Nyi ku mi̱ ntyia̱ fwuo di̱ si̱ huni neet di̱n jen nang nyi ku ntsa fa̱k a̱chuchuk a̱lyiat wu, a̱ yet A̱sham Nkhang ka a̱ni.

1 Timoti 2:4

Nggu wa chat a̱mgba̱m á̱niet ba ba̱ shya̱ swuan sang sangba̱p, a̱wot ba̱ fi̱k a̱chuchuk wu.

Ibriniyawa 10:26

Á̱kpa̱ndang nung ba nang nchat a̱ni, ki̱ zi̱ ya a̱son ma̱ng nyia̱ a̱ka̱tuk nyia̱ ma̱ng shim nzi̱t, nang zi̱ ka̱n san zi̱ si̱ lyen a̱chuchuk tyiet wu a̱ni, á̱ bu na mbyia̱ za̱nang jhyang nang á̱ na neap ji̱ chi a̱ka̱tuk nyia̱ nzi̱t wu a̱ni bah.

1 Bitut 1:2

Neet gbangbang, A̱gwaza a̱ yet A̱tyia̱ a̱ni, lyen nyin a̱ si̱ khai nyin. A̱wot A̱za̱za̱rak Ntswa wu si̱ jaat nyin, nyi si̱ tyia̱ za̱za̱rak. Mat a̱nia, nyi si̱ khwi Yesu. A̱wot á̱ si̱ shum nyin ma̱ng a̱sok Yesu Kristi na, á̱ ka jaat nyin. Yok A̱gwaza a̱ fa̱k shok nyin, a̱ nang nyin swat nyinyang gba̱mgbam.

1 Bitut 5:1

Mat a̱nia, n gba nyin, nyin nyi yet á̱niet khwop á̱niet ma̱ á̱niet khwi ba a̱ni. Nung meang n gyet a̱niet khwop a̱niet wa, a̱ ku li swuo a̱bung Kristi hu a̱ni. A̱wot n na mun shya̱ a̱kyenkyai shi nggu wu di̱n jen nang gu na mbai a̱ tyai a̱pyia̱ nggu kpa̱sai mi̱ swanta hu a̱ni.

1 Bitut 5:13

Á̱niet khwi ba ba̱ yet á̱na̱nyiuk nyin ba nang A̱gwaza khai ba̱ shya̱ Babila a̱ni, mbeang Ma̱rkut, nggwon nung ka mami nwuak a̱chuchuk, ba̱ byat nyin.

1 Yoona 2:21

N dyuut nyin dyo, mat nyi lyen za̱m nang a̱chuchuk wu nvwuon ma̱ng a̱ka̱laa na. N dyuut nyin ndyo mat nyi chyi chuchuk wu wa bah.

1 Yoona 3:18

Da̱ a̱kwonu a̱kya, nyin mman nung, nyi yok shei chat á̱ghyang nyin hu ma̱ng a̱nu kya bah. Nyi tak chat á̱ghyang nyin hu di̱ nyia̱ á̱tsatsak nta̱m wa ma̱ng a̱chuchuk.

2 Yoona 1:13

Mman á̱na̱nyiuk a̱nap ang na nang A̱gwaza khai a̱ni, na̱ byat ang.

2 Yoona 1:5

Ma̱ninika, n naai ang a̱yang a̱li, ku yet ta hwa zi̱ chat á̱ghyang. Doka jini nang n dyuut ang ndyo a̱ni, ji̱ yet swai ja bah. Doka jini ja nang zi̱ za byia̱ neet di̱ tsa nwuo khwi Kristi hu.

3 Yoona 1:1

Nung Yoona, n gyet a̱niet khwop a̱niet a̱ni, nung gwa n dyuut wusika jini, ta̱m dyo da̱ a̱vwuo Gayut, a̱gi̱ngi̱ng a̱kpa̱ndang nung wu nang n chat mami a̱chuchuk a̱ni.