1 Yoona 5:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ A̱lama wu wa yet, A̱za̱za̱rak Ntswa A̱gwaza wu, a̱sa̱khwot na, ma̱ng a̱sok na, nkyang tat nani tak kyang nyiung hwa.

1 Yoona 5:8 Iomraidhean Croise

Matyu 28:19

Mat a̱nia, nyi nat nyi si̱ tyia̱ a̱mgba̱m á̱niet kuzang nwap mi̱ swanta hu ba̱ yet mman ta̱m ba̱ khwi nung. Nyi nyia̱ mba ba̱ptisman mami a̱lyoot A̱tyia̱, ma̱ng Nggwon, ma̱ng A̱za̱za̱rak Ntswa wu.

Ma̱rkut 14:56

Á̱niet ma̱ a̱di̱di̱t si̱ nwuat ta̱fwat bwoi a̱ka̱laa di̱ Yesu. A̱wot ta̱fwat mba ji si̱ nat kankang.

Yoona 15:26

“A̱wot n na ntyia̱ A̱tyu Beang gu bai da̱ a̱vwuo nyin. A̱ na neet da̱ a̱vwuo A̱tyia̱. Nggu wa yet A̱za̱za̱rak Ntswa a̱ shei a̱chuchuk wu a̱ni. Nggu, a̱ na neet da̱ a̱vwuo A̱tyia̱ kya. Nggu wa na tak nyin kpa̱sai tazwa nung.

Yoona 19:34

Huhwa a̱tyo nyiung mami á̱niet nzwang ba si̱ nwuan Yesu, a̱ si̱ ti̱p da̱ a̱beam tsi̱ntsa̱u ma̱ng zwang ji. Mi̱ di̱ yong a̱hwa, a̱sok ma̱ng a̱sa̱khwot si̱ kin ghwut.

Nta̱m A̱yaata̱m 15:15

“A̱wot ghwon a̱ka̱tuk nyia̱ Nnwap na̱ nwai yet A̱yahudawa a̱ni; si̱ huni ku bai cha̱chaat ma̱ng á̱lyiat nang a̱yaata̱m a̱kwonu A̱gwaza ba ku mi̱ nshei á̱zanson a̱ni. Ma̱nang á̱ ndyuut a̱ni,

A̱romawa 8:16

A̱wot A̱za̱za̱rak Ntswa wu ma̱ a̱pyia̱ nggu, mun dundung ma̱ng tswá nzi̱t ji. A̱ si̱ tak nang zi̱ ngyet á̱tsatsak mman A̱gwaza bya.

2 A̱korontiyawa 1:22

A̱wot a̱ si̱ kpaat nzi̱t a̱timi nang zi̱ ngyet á̱niet guu a̱ni, mat nang gu nnang nzi̱t A̱za̱za̱rak Ntswa wu mi̱ nfwuo nzi̱t na a̱ni. A̱za̱za̱rak Ntswa wu wa yet a̱kwonu nang gu ntsa a̱ nwuat zi̱t a̱ni; ku tak nang nggu na nka̱u nzi̱t á̱kum nkyang nang gu la̱p a̱ sak nzi̱t ndyo a̱ni.

Ibriniyawa 13:12

Ma̱ a̱nia wa, nang Yesu ku nswuo a̱bung ka, a̱ si̱ khwu a̱ma̱nta a̱nu nwuai a̱keang ka, da̱nian gu ka jaat a̱ka̱tuk nyia̱ á̱niet wu ma̱ng a̱sok nggu na, ba̱ tyia̱ a̱za̱za̱rak.

Ibriniyawa 6:4

Tangka̱i á̱niet ba̱ ka̱n shya̱ sai A̱gwaza hu mi̱ nfwuo mba na, ba̱ si̱ san a̱tan za̱nang ji̱ neet Ma A̱gwaza tswazwa, a̱wot A̱za̱za̱rak Ntswa wu si̱ nyia̱ ta̱m ma̱ng a̱mba,

1 Bitut 3:21

A̱sa̱khwot a̱nia ku yet kidee ba̱ptisman ja. Ma̱nini ni̱nia san nyin, na̱ yet a̱si̱ kwi a̱lyuk mi̱ vam nia bah. A̱wot na̱ yet kidee nwuak shim hwa da̱ A̱gwaza neet mami a̱za̱za̱rak nfwuo. Na̱ san nyin mat doot Yesu Kristi ma̱ á̱niet ba̱ ka̱n kwi a̱ni.

1 Yoona 5:9

Mat nang zi̱ nwuak a̱chuchuk di̱ sheda nang a̱tyubishyi tak zi̱t a̱ni, a̱tsak a̱lyiat zi̱ na nwuak a̱chuchuk di̱ a̱gba̱ndang sheda nang A̱gwaza tak zi̱t a̱ni a̱ swaak. A̱wot A̱gwaza nwuak sheda tazwa Nggwon nggu ka.