1 Yoona 5:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ Huhwa nang zi̱ ndi a̱lama a̱tat a̱ tak nang Yesu ngyet Nggwon A̱gwaza kya a̱ni:

1 Yoona 5:7 Iomraidhean Croise

Matyu 17:5

Neet nang Bitut ni̱ shya̱ da̱ a̱lyiat na, a̱kyenkyai á̱ni̱nian a̱ghyang si̱ kin neet ma̱ vwuu, a̱ ba̱ kup baa! A̱wot a̱nwuat si̱ kin ghwut a̱ neet ma̱ á̱ni̱nian ba nyia̱, “Nggwon nung kya ka nang nfa̱k da̱ nka ba̱t a̱ni! Kikya nyi na myiai a̱fufwuo, nyi fwuong!”

Matyu 18:16

A̱wot ka̱ a̱ si̱ lak fa̱k a̱lyiat ang na, nat ndung ma̱ng a̱tyo nyiung ku á̱niet a̱feang ma̱ á̱niet khwi ba ma̱ng a̱nwan, nyi bu bwuok nat nyi si̱ shya̱ nggu. Mat A̱lyiat A̱gwaza na nyia̱, ‘Kuzang kyang nang á̱niet a̱feang ku a̱tat shim nang ku ngyet a̱tsak a̱lyiat, ba̱ si̱ nnwuak sheda a̱ni, ku yong a̱nia.’

Matyu 28:19

Mat a̱nia, nyi nat nyi si̱ tyia̱ a̱mgba̱m á̱niet kuzang nwap mi̱ swanta hu ba̱ yet mman ta̱m ba̱ khwi nung. Nyi nyia̱ mba ba̱ptisman mami a̱lyoot A̱tyia̱, ma̱ng Nggwon, ma̱ng A̱za̱za̱rak Ntswa wu.

Yoona 1:1

Neet nang A̱gwaza ka̱n nyia̱ swanta hu bah, nang Swang A̱lyiat nshya̱, ji̱ ku shya̱ dundung ma̱ng A̱gwaza. A̱wot Swang A̱lyiat ji ku yet A̱gwaza wa.

Yoona 10:30

Nung ma̱ng A̱tyia̱ nung wu, zi̱ yet kyang nyiung hwa.”

Yoona 12:28

A̱tyia̱, nwuak a̱lyoot ang ka shi!” A̱nwuat si̱ kin ghwut a̱ neet Ma A̱gwaza tswazwa nyia̱, “N mi̱ nkai nwuak a̱lyoot nung ka shi. A̱wot n bu na nwuak ka shi hu mbeang!”

Yoona 14:17

Nggu wa yet a̱chuchuk A̱za̱za̱rak Ntswa wu, nang á̱niet mi̱ swanta ba lak san hu a̱ni. Mat ba̱ si̱ mi̱n ndi nggu bah. Da̱ mba, ba̱ si̱ mi̱n dyen gu bah. A̱wot nyin, nyi lyen nggu, mat a̱ swan dundung ma̱ng a̱nyin, a̱ si̱ bu shya̱ mi̱ nfwuo nyin na.

Yoona 15:26

“A̱wot n na ntyia̱ A̱tyu Beang gu bai da̱ a̱vwuo nyin. A̱ na neet da̱ a̱vwuo A̱tyia̱. Nggu wa yet A̱za̱za̱rak Ntswa a̱ shei a̱chuchuk wu a̱ni. Nggu, a̱ na neet da̱ a̱vwuo A̱tyia̱ kya. Nggu wa na tak nyin kpa̱sai tazwa nung.

Yoona 5:26

Ma̱nang A̱tyia̱ wu ma̱ a̱pyia̱ nggu ngyet a̱tyin swuan a̱ni; ma a̱nia wa nang nggu nwuak Nggwon nggu ka, ka̱ nwuat swuan ji ma̱ cha̱chaat.

Yoona 8:18

Nung, n nwuak sheda tazwa a̱pyia̱ nung. A̱wot A̱tyia̱ wu a̱ ta̱m nung a̱ni; nggu wa mameang, a̱ nwuak sheda tazwa nung.”

Yoona 8:54

Yesu si̱ nwuak mba shim nyia̱, “Ki̱ n nwuak a̱pyia̱ nung shi, shi nung hu na tyak kyang bah. A̱tyia̱ nung wu, nggu wa nwuat nung shi hu; a̱tyu nang nyi nyia̱ nggu wa yet A̱gwaza nyin wu a̱ni.

Nta̱m A̱yaata̱m 2:33

Ma̱ninika, á̱ nwuak Yesu shi. Á̱ si̱ sak gu da̱ a̱vwuo a̱gba̱ndang shi a̱zayak A̱gwaza, a̱ nyia̱ tyok dundung ma̱ng a̱nggu tswazwa. A̱wot A̱tyia̱ wu si̱ bu nang Yesu A̱za̱za̱rak Ntswa wu nang gu nyia̱ a̱li̱ka̱uli a̱ na ta̱m a̱ni. A̱wot Yesu meang, si̱ nang nzi̱t A̱za̱za̱rak ntswa gba̱mgbam; ma̱nang nyi ndi, nyi si̱ bu nfa̱k a̱fwun a̱ni.

Nta̱m A̱yaata̱m 5:32

Nzi̱t bya ku li ma̱ng á̱ghyi. Zi̱ si̱ bu yet á̱niet ba, ba̱ shei kyang hu nang A̱gwaza nyia̱ a̱ni; a̱wot ma a̱nia wa, A̱za̱za̱rak Ntswa wu nang A̱gwaza nwuak á̱niet ba ba̱ khwi á̱lyiat nggu na a̱ni.”

2 A̱korontiyawa 13:14

Yok shok A̱tyoli Yesu Kristi ji, ma̱ng chat A̱gwaza hu, ma̱ng mun á̱pyia̱ A̱za̱za̱rak Ntswa hu, ba̱ shya̱ dundung ma̱ng a̱nyin a̱mgba̱m.

1 Yoona 1:1

Zi̱ shei nyin nkhang tazwa A̱tyu a̱ yet A̱lyiat Nswuan a̱ nshya̱ neet gbangbang a̱ni. Nggu wa nang zi̱ fa̱k, zi̱ si̱ bu li nggu ma̱ng a̱ghyi nzi̱t ba. Zi̱ si̱ bu byiam nggu ma̱ng mbwak nzi̱t na a̱ni.

1 Yoona 5:6

Yesu Kristi bai mi̱ swanta hu, a̱wot á̱ si̱ nyia̱ nggu ba̱ptisman ma̱ng a̱sa̱khwot. A̱wot a̱ si̱ nwuak a̱sok nggu na da̱ a̱team a̱khwu wu. A̱ ku bai ma̱ng a̱sa̱khwot nia ma̱nyin na bah. A̱ ku bai ma̱ng a̱sa̱khwot nia ma̱ng a̱sok. A̱wot A̱za̱za̱rak Ntswa wu wa tak ma̱ng a̱nzi̱t nang nkyang nani ngyet a̱chuchuk, mat nang nggu wa ntak á̱niet ba a̱chuchuk wu a̱ni.

1 Yoona 5:8

A̱lama wu wa yet, A̱za̱za̱rak Ntswa A̱gwaza wu, a̱sa̱khwot na, ma̱ng a̱sok na, nkyang tat nani tak kyang nyiung hwa.

Tyai Á̱zanson 19:13

A̱ si̱ kup a̱junjung a̱toot nang á̱ zwup ma̱ a̱sok a̱ni! A̱lyoot tyok nggu ka yet, “Swang A̱lyiat A̱gwaza.”