1 Yoona 5:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ Yesu Kristi bai mi̱ swanta hu, a̱wot á̱ si̱ nyia̱ nggu ba̱ptisman ma̱ng a̱sa̱khwot. A̱wot a̱ si̱ nwuak a̱sok nggu na da̱ a̱team a̱khwu wu. A̱ ku bai ma̱ng a̱sa̱khwot nia ma̱nyin na bah. A̱ ku bai ma̱ng a̱sa̱khwot nia ma̱ng a̱sok. A̱wot A̱za̱za̱rak Ntswa wu wa tak ma̱ng a̱nzi̱t nang nkyang nani ngyet a̱chuchuk, mat nang nggu wa ntak á̱niet ba a̱chuchuk wu a̱ni.

1 Yoona 5:6 Iomraidhean Croise

Matyu 26:28

Di, a̱sa̱khwot sum a̱na̱p na yet kidee a̱sok nung nia. Na̱ yet a̱si̱ nang nda̱p a̱li̱ka̱uli, nang á̱ neap na̱ yet za̱nang chi a̱ka̱tuk nyia̱ á̱niet ma̱ a̱di̱di̱t a̱ni.

Matyu 3:16

Nang Yoona ntyak nyia̱ Yesu ba̱ptisman ji a̱ni, mi̱ di̱ ghwut Yesu hu ma̱ a̱sa̱khwot na, Ma A̱gwaza tswazwa ka si̱ kin khwuk, a̱ si̱ li A̱za̱za̱rak Ntswa A̱gwaza wu gu chorop a̱ neet tswazwa nang a̱bwa a̱ni, a̱ ba̱ swan da̱ Yesu.

Ma̱rkut 14:24

Yesu si̱ nyia̱ ma̱ng a̱mba, “Di, kidee a̱sok nung nia na! Na̱ yet a̱si̱ nang n da̱p a̱li̱ka̱uli, nang á̱ neap na̱ yet za̱nang chi a̱ka̱tuk nyia̱ da̱nian á̱niet ma̱ a̱di̱di̱t a̱ni.

Luka 22:20

Ma a̱nia wa nang ba̱ ngya kyayak hu á̱ tyak a̱ni, Yesu si̱ ta̱ngam a̱kashyi a̱sa̱khwot nsum a̱na̱p a̱ghyang. A̱ si̱ nyia̱, “A̱kashyi a̱sa̱khwot nsum a̱na̱p wuni, yet kidee la̱p a̱li̱ka̱uli a̱fai nang A̱gwaza la̱p ma̱ng á̱niet nggu ba a̱ni. “Ma a̱nia wa, a̱sok nung na nang n neap na̱ yet za̱nang da̱nian nyin a̱ni; ni̱nia yet vak nang A̱gwaza ntyia̱ la̱p a̱li̱ka̱uli hu si̱ nnwuo nyia̱ ta̱m a̱ni.

Yoona 14:17

Nggu wa yet a̱chuchuk A̱za̱za̱rak Ntswa wu, nang á̱niet mi̱ swanta ba lak san hu a̱ni. Mat ba̱ si̱ mi̱n ndi nggu bah. Da̱ mba, ba̱ si̱ mi̱n dyen gu bah. A̱wot nyin, nyi lyen nggu, mat a̱ swan dundung ma̱ng a̱nyin, a̱ si̱ bu shya̱ mi̱ nfwuo nyin na.

Yoona 14:6

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

Yoona 15:26

“A̱wot n na ntyia̱ A̱tyu Beang gu bai da̱ a̱vwuo nyin. A̱ na neet da̱ a̱vwuo A̱tyia̱. Nggu wa yet A̱za̱za̱rak Ntswa a̱ shei a̱chuchuk wu a̱ni. Nggu, a̱ na neet da̱ a̱vwuo A̱tyia̱ kya. Nggu wa na tak nyin kpa̱sai tazwa nung.

Yoona 16:13

Mat a̱nia, ka̱ A̱za̱za̱rak Ntswa a̱ yet a̱chuchuk a̱ni bai, a̱ na kwak nyin a̱son di̱ kuzang a̱chuchuk. A̱lyiat a̱pyia̱ nggu nia gu na lyiat bah. A̱ na lyiat kyang nang gu fwuong wa a̱ni. A̱wot a̱ bu na tak ma̱ng a̱nyin nkyang na̱ na bai á̱zanson a̱ni.

Yoona 3:5

Yesu si̱ nwuak gu shim nyia̱, “Yok, n tak ma̱ng a̱nwan a̱tsatsak a̱lyiat; ka̱ á̱ byin a̱yin ma̱ng a̱sa̱khwot ma̱ng A̱za̱za̱rak Ntswa bah, a̱ si̱ mi̱n nwuo Tyok A̱gwaza hu bah.

Yoona 4:10

Yesu si̱ nwuak gu shim nyia̱, “Ka a wa lyen za̱nang A̱gwaza, a̱wot a si̱ bu lyen a̱tyu a̱ nyia̱ a nang gu a̱sa̱khwot na gu swuo a̱ni; si̱ a na lyip gu, a̱wot gu nang ang a̱sa̱khwot nswuan.”

Yoona 4:14

Da̱ a̱kwonu a̱kya, a̱sa̱khwot nang n na nang nggu a̱ni, a̱ bu si̱ mi̱n mak fa̱k mashyi bah. A̱sa̱khwot na nang n na nnang nggu a̱ni; na̱ na yet nnang a̱sa̱khwot na̱ hyai á̱ ghwut. A̱wot na̱ bu na nwuak gu swuan sang sangba̱p.”

Yoona 6:55

“Nam vam nung hu yet a̱tsatsak kyayak wa. A̱sok nung na mameang, si̱ yet a̱tsatsak kyang swuo wa.

Nta̱m A̱yaata̱m 8:36

Nang ba̱ nshya̱ da̱ a̱chyet ka ndung a̱ni, ba̱ si̱si̱ shya̱ a̱sa̱khwot. A̱jawa a̱tyu Ha̱basha wu si̱ nyia̱ ma̱ng Filibut, “Di a̱sa̱khwot nia na! Yihwa na nvwong á̱ nyia̱ nung ba̱ptisman ji?”

A̱romawa 3:25

A̱gwaza ku neap Yesu kpa̱sai a̱ yet za̱nang a̱ ka chi a̱ka̱tuk nyia̱ nzi̱t wu. A̱gwaza na tak kpa̱sai nang gu nkyiak á̱niet ba ba̱ yet á̱tsotswat ba̱ sang a̱bun a̱zaghyi nggu di̱n vak nwuak a̱chuchuk mba hu nang Yesu Kristi neap swuan nggu ji, ji̱ yet za̱nang da̱nian nzi̱t a̱ni; ma̱ng si̱sak nang gu nnwuak a̱sok nggu na, a̱ si̱ khwu da̱ a̱team a̱khwu wu a̱ni. Za̱nang jini tak nang A̱gwaza nfaat shi̱ri̱ya nggu ji tsotswat, nang gu mbwuok lilyim a̱ si̱ tyia̱ á̱niet ba, ba̱ nyia̱ a̱ka̱tuk nyia̱ gbangbang a̱ni, si̱ swuo a̱bung bah.

A̱fisawa 1:7

A̱gwaza fa̱k kunak zi̱t, a̱ si̱ nyia̱ nzi̱t shok gba̱mgbam. A̱ si̱ san nzi̱t ma̱ng a̱sok Nggwon nggu na, zi̱ ka yet á̱sa̱t á̱niet, a̱wot a̱ si̱ chi a̱ka̱tuk nyia̱ nzi̱t wu.

A̱kolosiyawa 1:4

Mat zi̱ ka̱n fa̱k si̱sak nang nyi nnwuak fwuo di̱ Kristi Yesu; ma̱ng si̱sak nang nyi nchat a̱mgba̱m á̱niet khwi A̱gwaza ba a̱ni.

1 Timoti 3:16

Kyang ku nshya̱ di̱ niat di̱ tyiet nwuak a̱chuchuk nzi̱t hu a̱ni, shi za̱m. Huhwa yet: Yesu ku chyok a̱ bai mi̱ vam A̱tyubishyi. A̱za̱za̱rak Ntswa ku tak nang nggu ngyet a̱tsatsak wa. A̱wot á̱za̱za̱rak a̱yaata̱m tswá A̱gwaza si̱ li ngguu. Á̱ ku shei A̱sham Nkhang nggu ka, á̱ kai a̱mgba̱m nnwap mi̱ bibyin swanta hu. A̱mgba̱m á̱niet mi̱ swanta ba si̱ nwuak a̱chuchuk da̱ nggu. A̱wot á̱ si̱ kyiak gu á̱ nat ndyo Ma A̱gwaza tswazwa mami a̱kyenkyai shi nggu wu.

Titut 3:5

a̱ si̱ san zi̱t, mat a̱tsotswat ta̱m nang zi̱ nnyia̱ wa a̱ni bah. Da̱ a̱kwonu a̱kya, mat fa̱k kunak gu hwa nang gu nsan zi̱t. A̱ si̱ san nzi̱t ma̱ng jaat nang gu jaat nzi̱t ma̱ng A̱za̱za̱rak Ntswa a̱ni. Da̱ a̱nia wa, á̱ si̱ mbyin zi̱t a̱ka̱feang á̱ si̱ nang zi̱t swuan swai.

Ibriniyawa 10:29

Ka̱ a̱nia wa, swuo a̱bung hu na yet a̱ka̱tuk a̱ swak di̱ tangka̱i á̱niet ba̱ jhyuai Nggwon A̱gwaza ka a̱ni. A̱wot á̱si̱ ba ba̱ bwuak a̱sok nggu na, na̱ kpaat la̱p a̱li̱ka̱uli a̱fai nang A̱gwaza njaat nzi̱t zi̱ si̱ tyia̱ za̱za̱rak a̱ni; á ngyei a̱sok nggu na yet a̱buk kyang na̱ si̱ bu yet a̱za̱za̱rak bah. A̱wot ma̱ng tangka̱i á̱niet ba̱ fwoi ba̱ si̱ nyia̱ A̱za̱za̱rak Ntswa A̱gwaza wu lihyat, a̱tyu a̱ fa̱k shok zi̱t a̱ni, ba̱ na mun á̱ swuo a̱bung!

Ibriniyawa 12:24

Nyi ka̱n bai da̱ a̱vwuo Yesu, a̱tyu a̱ yong da̱ a̱ka̱wa̱tyia̱ á̱nietbishyi ma̱ng A̱gwaza da̱ a̱kwonu la̱p a̱li̱ka̱uli a̱fai hu a̱ni. A̱wot a̱sok nggu na nang á̱ koot á̱ si̱ ya̱sang a̱ni, ni̱nia chi a̱ka̱tuk nyia̱. Na̱ si̱ swak a̱sok Habila na̱ tak tan a̱ka̱tuk ma̱ng a̱ka̱tuk mi̱ yet a̱ni.

Ibriniyawa 13:20

Yok A̱gwaza, a̱ nwuat swat nyinyang a̱ni, nggu wa ku ta̱ngam Yesu, a̱ yet A̱tyoli nzi̱t wu a̱ni, ma̱ng swuan ma̱ á̱niet ba̱ ka̱n kwi a̱ni. Yesu a̱ bu yet a̱gba̱ndang a̱tyu chok zón seap wu a̱ni, a̱wot a̱ si̱ tsa nyia̱ ta̱m la̱p a̱li̱ka̱uli sang sangba̱p ma̱ng a̱sok nggu na.

Ibriniyawa 9:14

Ka̱ a̱nia wa, nyi dam nyi lii, si̱sak nang a̱sok Kristi na nswak si̱ nzón ma̱ng nyák ma̱ za̱nzan a̱ni. Na̱ na jaat a̱di̱dam mi̱ nfwuo nzi̱t na, zi̱ ka ghwon a̱ka̱tuk nyia̱ nzi̱t wu, da̱nian zi̱ ka kwok ntong a̱zaghyi A̱gwaza a̱ byia̱ swuan a̱ni. Mat chet A̱za̱za̱rak Ntswa sang sangba̱p hwa, Kristi si̱ nwuak a̱pyia̱ nggu da̱ a̱vwuo A̱gwaza, a̱ si̱ yet a̱tsatsak za̱nang, da̱nian a̱ ka chi a̱ka̱tuk nyia̱ nzi̱t wu a̱mgba̱m.

Ibriniyawa 9:7

A̱wot mi̱ a̱gba̱ndang pris wu wa ma̱nyin nggu ni̱ nwuo ma̱ A̱vwuo ka̱ Swak ma̱ng yet A̱za̱za̱rak hu a̱ni. A̱ ni̱ nwuo a̱ka̱nyiung kya ma̱ a̱lyia̱, a̱ neap A̱gwaza za̱náng a̱sok nzón ma̱ng á̱si̱ a̱yaaka̱la̱di. Da̱nian a̱ ka chi a̱ka̱tuk nyia̱ a̱pyia̱ nggu ma̱ng á̱si̱ nang á̱niet ba nyia̱ di̱ mi̱n shim ba a̱ni.

1 Bitut 1:2

Neet gbangbang, A̱gwaza a̱ yet A̱tyia̱ a̱ni, lyen nyin a̱ si̱ khai nyin. A̱wot A̱za̱za̱rak Ntswa wu si̱ jaat nyin, nyi si̱ tyia̱ za̱za̱rak. Mat a̱nia, nyi si̱ khwi Yesu. A̱wot á̱ si̱ shum nyin ma̱ng a̱sok Yesu Kristi na, á̱ ka jaat nyin. Yok A̱gwaza a̱ fa̱k shok nyin, a̱ nang nyin swat nyinyang gba̱mgbam.

1 Bitut 3:21

A̱sa̱khwot a̱nia ku yet kidee ba̱ptisman ja. Ma̱nini ni̱nia san nyin, na̱ yet a̱si̱ kwi a̱lyuk mi̱ vam nia bah. A̱wot na̱ yet kidee nwuak shim hwa da̱ A̱gwaza neet mami a̱za̱za̱rak nfwuo. Na̱ san nyin mat doot Yesu Kristi ma̱ á̱niet ba̱ ka̱n kwi a̱ni.

1 Yoona 1:7

A̱wot ki̱ zi̱ swan mami sai hu, ma̱nang A̱gwaza ngyet sai hu a̱ni, zi̱ si̱ byia̱ mun á̱pyia̱ ma̱ng á̱ghyang. A̱wot a̱sok Yesu a̱ yet Nggwon nggu ka a̱ni, si̱ kwi na̱ si̱ jaat nzi̱t a̱mgba̱m a̱ka̱tuk nyia̱ nzi̱t wu.

1 Yoona 4:10

A̱ni wa nang a̱tsatsak chat wu ndi: Nzi̱t bya chat A̱gwaza wu bah. A̱wot nggu wa chat zi̱t a̱ si̱ ta̱m ma̱ng Nggwon nggu ka nang za̱nang a̱ni, ka̱ ka chi a̱ka̱tuk nyia̱ nzi̱t wu.

Tyai Á̱zanson 1:5

Byat hu si̱ bu neet da̱ a̱vwuo Yesu Kristi. Nggu wa yet a̱tsotswat a̱tyu a̱ nwuak sheda tazwa nkyang nani a̱ni. Nggu wa si̱ bu yet a̱tyu nang A̱gwaza tsa ta̱ngam ma̱ng swuan ma̱ á̱niet ba̱ ka̱n kwi a̱ni. Nggu wa bu nyia̱ tyok tazwa a̱mgba̱m á̱gwam swanta ba. Yok a̱mgba̱m a̱kyenkyai shi a̱ yet si̱ ngguu. Mat a̱ chat zi̱t, a̱ si̱ ti̱n zi̱t ma̱ a̱ka̱tuk nyia̱ nzi̱t wu, di̱ nwuak a̱sok nggu na da̱nian zi̱t.

Tyai Á̱zanson 5:9

A̱wot ba̱ si̱ bwom a̱bwom a̱fai nyia̱: “Nwan wa maai a san ta̱ka̱da hu nang á̱ kut di̱n shan ji a̱ni, a bu ghwok a̱yaatimi ba, a̱wot a fang huu! Mat nwan wa á̱ ku faat, a̱wot a̱sok ang nia yet zang a nsan á̱niet da̱nian A̱gwaza a̱ni; á̱niet mi̱ kuzang nwap, a̱lyem, ma̱ng kuzang a̱byin!

Tyai Á̱zanson 7:14

A̱jawa n si̱ nyia̱ ma̱ng a̱nggu, “A̱tyoli, nwan wa lyen.” Huhwa gu nyia̱ ma̱ng a̱nung, “Á̱niet bani bya kwí di̱n jen a̱gba̱ndang swuo a̱bung ji. Ba̱ si̱ kwi a̱junjung a̱yaatoot mba ba ma̱ng a̱sok Fi̱ng A̱nfwuk na. Huhwa tyia̱ a̱yaatoot mba ba nsai.