1 Yoona 5:3 - A̠lyiat A̠gwaza na di̠n Tyap: A̠li̠ka̠uli A̠fai

³ Ki̱ zi̱ chat A̱gwaza, ku fa nang zi̱ na nkhwi doka nggu ji. A̱wot doka nggu ji vwuo a̱khwu bah.

1 Yoona 5:3 Iomraidhean Croise

Matyu 23:4

Ba̱ ni̱ nyap á̱kum á̱niet ka ba̱ khwi mba a̱ni, ma̱ng a̱kpi̱di̱dyi̱k doká mba ji, ji̱ swuo chet á̱niet ba, ba̱ nyia̱ ta̱m ma̱ng a̱nji a̱ni. A̱wot mba, ba̱ ni̱ lak neap ga̱swuong jhyung ba̱ mbeang mba di̱ ghyuai nji hu.

Yoona 14:15

“Ka̱nang nyi chat nung, ku myim nyi khwi doká nung ji.

Yoona 15:10

Ka̱ nyi khwi doká nung ji; huhwa na tak nang nyi nchat nung. Ma̱ cha̱chaat nang n khwi doká A̱tyia̱ nung ji, n si̱ ntak si̱sak nang n chat gu a̱ni.

Yoona 15:14

“A̱wot nyi yet á̱kpa̱ndang nung bya, ka̱nang nyi khwi doka ji nang n nwuak nyin a̱ni.

A̱romawa 7:12

A̱mgba̱m ma̱ng a̱nia, doka ji ma̱ a̱pyia̱ nji, ji̱ yet a̱za̱za̱rak wa. A̱wot nkyang na ji̱ shei a̱ni, na̱ yet á̱za̱za̱rak, á̱tsatsak, ma̱ng a̱tan.

A̱romawa 7:22

N chat doka A̱gwaza ji ma̱ng a̱mgba̱m fwuo nung hu.

Ibriniyawa 8:10

“Nung, A̱gwaza, n si̱ nyia̱, ‘La̱p A̱li̱ka̱uli a̱fai huni nang n na nda̱p ma̱ng á̱niet Isi̱rela ba a̱ni, mi̱ njen chobai ji, n na tyia̱ doká nung ji mi̱ nfwuo mba na, n bu ndyuut jii mi̱ nfwuo mba na. N na gyet A̱gwaza mba. Mba meang, ba̱ ma ngyet á̱niet nung.

1 Yoona 2:3

Ki̱ zi̱ khwi doka A̱gwaza ji, a̱ni wa zi̱ na nnwuak a̱chuchuk nang zi̱ ndyen nggu.

2 Yoona 1:6

A̱tsatsak chat wu fa, zi̱ khwi doka nang A̱gwaza tak ma̱ng a̱nzi̱t a̱ni. Ma̱nang a ka̱n fa̱k neet di̱ tsa nwuo khwi Kristi hu a̱ni; doka jini, jija yet zi̱ ya a̱son ma̱ng chat á̱ghyang.