1 Yoona 5:12 - A̠lyiat A̠gwaza na di̠n Tyap: A̠li̠ka̠uli A̠fai

¹² Konyan wa byia̱ Nggwon A̱gwaza ka, a̱ byia̱ swuan. A̱wot konyan wa da̱ a̱ byia̱ Nggwon A̱gwaza ka a̱ni bah, a̱ byia̱ swuan bah.

1 Yoona 5:12 Iomraidhean Croise

Ma̱rkut 16:16

Konyan wa nwuak fwuo da̱ nung, a̱wot á̱ si̱ nyia̱ nggu ba̱ptisman, a̱ na shya̱ san. A̱wot konyan wa ma ndak nwuak fwuo da̱ nung, á̱ na faat gu shi̱ri̱ya a̱khwu.

Yoona 1:12

A̱mgba̱m ma̱ng a̱nia, á̱niet ba̱ san guu, ba̱ si̱ nwuak fwuo da̱ nggu a̱ni; á̱ nang ba tyok ma̱ng a̱wat ba̱ yet mman A̱gwaza.

Yoona 3:15

Da̱nian konyan wa nwuak fwuo da̱ nggu a̱ni, a̱ na shya̱ swuan sang sangba̱p ji.

Yoona 3:36

Konyan wa nwuak fwuo di̱ Nggwon A̱gwaza ka, a̱ byia̱ swuan sang sangba̱p. A̱wot konyan wa lak khwi Nggwon A̱gwaza ka, a̱ si̱ mi̱n shya̱ swuan bah. A̱wot mwai lyen A̱gwaza hu ni̱ swan tazwa gu.”

Yoona 5:24

“N tak nyin a̱tsatsak a̱lyiat; kuzang a̱yin wa fwuong a̱lyiat nung na, a̱wot a̱ si̱ nwuak fwuo da̱ a̱tyu a̱ ta̱m nung a̱ni; a̱ byia̱ swuan sang sangba̱p. Á̱ na nyia̱ gu shi̱ri̱ya bah. A̱wot a̱ wa ka̱n shot a̱khwu, a̱ si̱ shya̱ swuan.

1 A̱korontiyawa 1:30

A̱gwaza wa tyia̱ nyi si̱ mun á̱pyia̱ ndung ma̱ng Kristi Yesu. A̱gwaza si̱ bwuak Kristi a̱ ntyia̱ mumwang nggu nang a̱tyubishyi a̱ni, da̱nian zi̱ ka shya̱ kpangti̱n. Kristi si̱ tyia̱ zi̱ yet á̱tsotswat ma̱ng A̱gwaza. A̱ si̱ jaat zi̱t zi̱ yet a̱za̱za̱rak. A̱wot a̱ si̱ ti̱n zi̱t ma̱ a̱ka̱tuk nyia̱.

A̱ga̱la̱tiyawa 2:20

Á̱ ka̱n kpang za̱kwa a̱ka̱tuk nyia̱ nung ji da̱ a̱team a̱khwu ndung ma̱ng Kristi. Ma̱ninika, n swan swat a̱pyia̱ nung hwa bah. A̱wot n swan swat Kristi hwa. A̱wot n swan mi̱ vam mi̱ swanta huni di̱ nwuak fwuo di̱ khwi Nggwon A̱gwaza. Kikya chat nung, ka̱ si̱ nwuak a̱pyia̱ nka da̱nian nung.

Ibriniyawa 3:14

Mat ki̱ zi̱ nyia̱ tsotswat si̱ nat sangba̱p swuan nzi̱t ji, zi̱ si̱ yong mi̱ chet di̱ nwuak fwuo da̱ A̱gwaza, ma̱nang zi̱ ku ntsa nwuak fwuo hu a̱ni; a̱mgba̱m nzi̱t, zi̱ na yet á̱kpa̱ndang ta̱m zi̱ ya gado dundung ma̱ng Kristi.

2 Yoona 1:9

Konyan wa mbeang a̱ si̱ shyak tyiet Kristi hu, a̱wot a̱ si̱ bwuok lilyim di̱ khwi tyiet a̱hwa, a̱tyu a̱wa byia̱ a̱meang ma̱ng A̱gwaza bah. A̱wot a̱tyu a̱ ya a̱son di̱ khwi tyiet Kristi hu a̱ni, a̱ byia̱ a̱meang ma̱ng A̱tyia̱ wu bi̱ri̱ng ma̱ng Nggwon nggu ka.