1 Yoona 5:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Konyan wa nwuak a̱chuchuk nyia̱ Yesu wa yet Kristi, a̱tyu nang A̱gwaza kup gu tyok a̱ni, a̱tyu a̱wa yet nggwon A̱gwaza kya. Konyan wa chat A̱tyia̱ wu, a̱ na chat mman nggu na meang.

1 Yoona 5:1 Iomraidhean Croise

Matyu 16:16

Siman Bitut si̱ nwuak gu shim nyia̱, “Nwan wa yet Kristi a̱tyu nang A̱gwaza kup gu tyok a̱ni. A bu yet Nggwon A̱gwaza a̱ shya̱ mi̱ swuan a̱ni.”

Luka 7:5

Mat, a̱ chat A̱yahudawa ba ba̱t. A̱ si̱ bu nok zi̱t tutu a̱tung!”

Yoona 1:3

Jija ku yet vak hu nang A̱gwaza ku nnyia̱ kuzang kyang a̱ni. Á̱ mbyia̱ kyang nyiung nang A̱gwaza ku nyia̱ mi̱ swanta hu da̱ ma̱ng a̱nji a̱ni bah.

Yoona 15:23

Konyan wa lak li nung, a̱ lak li A̱tyia̱ nung wu wa oo!

Yoona 3:3

Yesu si̱ nyia̱ ma̱ng a̱nggu, “Yok n tak ma̱ng a̱nwan a̱tsatsak a̱lyiat, ka̱ a byin ang a̱ka̱feang bah, a si̱ mi̱n di Tyok A̱gwaza hu lili bah za̱m.”

Yoona 6:69

A̱wot ma̱ninika, zi̱ nwuak a̱chuchuk, zi̱ si̱ lyen nang nwan wa ngyet A̱za̱za̱rak A̱tyu a̱ neet da̱ a̱vwuo A̱gwaza a̱ni!”

Yoona 8:42

Yesu si̱ nyia̱ ma̱ng a̱mba a̱ni, “Ka̱ a̱tsatsak a̱lyiat wa nang A̱gwaza wa yet A̱tyia̱ nyin wu; si̱ nyi fa̱k da̱ nung. Mat, n ghwut neet da̱ a̱vwuo A̱gwaza kya; n shya̱ a̱ji ma̱ninika. N bai a̱ji da̱nian a̱pyia̱ nung bah, A̱gwaza wa ta̱m nung.

Nta̱m A̱yaata̱m 8:36

Nang ba̱ nshya̱ da̱ a̱chyet ka ndung a̱ni, ba̱ si̱si̱ shya̱ a̱sa̱khwot. A̱jawa a̱tyu Ha̱basha wu si̱ nyia̱ ma̱ng Filibut, “Di a̱sa̱khwot nia na! Yihwa na nvwong á̱ nyia̱ nung ba̱ptisman ji?”

Yakubu 1:18

A̱gwaza shim a̱ nwuak zi̱t swuan sang sangba̱p ji, mat a̱tsatsak a̱lyiat nggu wu. Da̱nian a̱ ka khap zi̱t a̱ sak zan da̱nian a̱pyia̱ nggu, da̱ a̱vwuo ka̱ yet a̱ swak a̱ni. A̱wot zi̱ ka vwuon ma̱ zan mi̱ nkyang nang gu nyia̱ mi̱ swanta hu a̱ni.

1 Bitut 1:3

Yok á̱ dyep A̱gwaza, a̱ yet A̱tyia̱ A̱tyoli nzi̱t wu, Yesu Kristi a̱ni. Mat si̱sak nang gu nfa̱k kunak nzi̱t ba̱t, a̱ si̱ tyia̱ á̱ si̱ bu byin zi̱t a̱ka̱feang, zi̱ si̱ shya̱ swuan swai; mat nang A̱gwaza nta̱ngam Yesu Kristi ma̱ng swuan ma̱ á̱niet ba̱ ka̱n kwi a̱ni. Si̱ huni nwuak zi̱t chet tyia̱ fwuo ku yet a̱chet a̱ni.

1 Yoona 2:10

A̱tyu a̱ chat á̱na̱nyiuk nggu ba ba̱ yet á̱niet khwi Yesu a̱ni, a̱ swan mami sai hu hwa. Da̱ nggu, a̱ na yet jat a̱kwa a̱yin bah.

1 Yoona 2:29

Mat nang zi̱ ndyen nang Kristi ngyet a̱tsotswat wa a̱ni, zi̱ bu lyen konyan wa nyia̱ tsotswat, a̱ yet a̱tsatsak nggwon A̱gwaza wa.

1 Yoona 3:14

Ki̱ zi̱ chat á̱niet khwi á̱ghyang, ku tak nang zi̱ wa ka̱n shot a̱khwu, zi̱ si̱ shya̱ swuan. A̱wot a̱tyu da̱ a̱ chat a̱tyu khwi a̱ghyang a̱ni bah, a̱ ni̱ swan swat a̱khwu hwa.

1 Yoona 3:17

Ka̱ a̱yin byia̱ zwá a̱pyia̱ nggu, a̱ si̱ li a̱ghyang a̱niet nang gu shya̱ mi̱ kunak, a̱wot a̱ si̱ lak fa̱k kunak gu; á̱ na nyia̱ ni á̱ ndyen nang chat A̱gwaza hu nshya̱ ma̱ a̱nggu?

1 Yoona 3:9

Á̱niet ba̱ yet á̱tsatsak mman A̱gwaza a̱ni, ba̱ ni̱ ya a̱son ma̱ng nyia̱ a̱ka̱tuk nyia̱ nchi̱ri̱ng bah, mat za̱kwa mba ji tai si̱ A̱gwaza. Mat a̱nia, ba̱ si̱ mi̱n gya a̱son mi̱ nyia̱ a̱ka̱tuk nyia̱ bah. Mat á̱ byin mba neet Ma A̱gwaza tswazwa, ba̱ yet á̱tsatsak mman A̱gwaza nia.

1 Yoona 4:2

A̱ni wa nang zi̱ na nfi̱k ka̱ ba̱ lyiat da̱ a̱kwonu A̱za̱za̱rak Ntswa A̱gwaza wu wa: Konyan wa kyiak a̱pyia̱ nggu nang a̱ta̱m a̱kwonu A̱gwaza a̱ni, a̱ si̱ shim nang Yesu Kristi mbai ma̱ng vam nang a̱tyubishyi a̱ni mi̱ swanta hu, a̱tyu a̱wa byia̱ A̱za̱za̱rak tswa A̱gwaza wa.

1 Yoona 4:20

Konyan wa tak nyia̱, “N chat A̱gwaza,” a̱wot a̱ si̱ lak li á̱niet khwi á̱ghyang, a̱tyu a̱wa bwoi a̱ka̱laa nia. Mat ka̱ zi̱ lak chat á̱niet nang zi̱ nwuan a̱ni, zi̱ na nyia̱ ni zi̱ nchat A̱gwaza da̱nang zi̱ ka̱n di a̱ni bah?

1 Yoona 4:7

Nyin á̱kpa̱ndang nung ba nang n chat a̱ni, yok zi̱ ya a̱son ma̱ng chat á̱ghyang, mat A̱gwaza wa nang zi̱t chet zi̱ chat á̱ghyang. Konyan wa chat á̱ghyang á̱niet, a̱tyu a̱wa tak nang gu ngyet a̱tsak nggwon A̱gwaza kya, a̱ si̱ bu lyen A̱gwaza.

1 Yoona 5:18

Zi̱ lyen nang konyan wa yet nggwon A̱gwaza a̱ ya a̱son mi̱ nyia̱ a̱ka̱tuk nyia̱ nchi̱ri̱ng bah, mat Yesu a̱ yet a̱tsak Nggwon A̱gwaza ka a̱ni, chok gu, kalak A̱ta̱nyeang ka ka̱ du tyia̱ nggu swuo a̱bung.

1 Yoona 5:4

Mat kuzang nggwon A̱gwaza byia̱ chet hu, ku maai nang ka̱ na nswuo chet swanta hu a̱ni. Nwuak fwuo nzi̱t hu di̱ Yesu hwa na tyia̱ zi̱ nswuo chet swanta hu.

1 Yoona 5:5

Nggu a̱nyan wa maai a̱ swuo chet swanta hu? Si̱ ma̱ a̱tyu a̱ nwuak a̱chuchuk nang Yesu wa ma̱nyin nggu ngyet Nggwon A̱gwaza ka a̱ni.