1 Yoona 4:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ A̱wot A̱gwaza tak kpa̱sai nang gu nchat zi̱t ba̱t, di̱ si̱sak nang gu nta̱m ma̱ng Nggwon nggu ka nang gu byia̱ ma̱nyin ka a̱ni, ka̱ si̱ bai mi̱ swanta hu, da̱nian zi̱ ka shya̱ swuan sang sangba̱p ji da̱ a̱vwuo nka kya.

1 Yoona 4:9 Iomraidhean Croise

Ma̱rkut 12:6

A̱mgba̱m ma̱ng a̱nia, a̱tyu byia̱ a̱byin wu byia̱ nggwon nang gu nsak fwuo a̱ni, a̱ si̱ ta̱m nka a̱ngaan ma̱ng a̱di̱dam nyia̱, ‘Ba̱ na nwuak nggwon nung ka shi!’

Luka 4:18

“Tswa A̱gwaza ji shya̱ da̱ nung; mat A̱gwaza khai nung n shei A̱sham Nkhang ka da̱ a̱vwuo á̱kunak. A̱ si̱ ta̱m nung n shei ma̱ng á̱niet ba̱ shya̱ mi̱ khwo a̱ni, nang á̱ nkai mba á̱ ghwon; n bu nshei á̱niet a̱fi̱fan nang ba̱ na nshya̱ nwuan a̱vwuo; a̱wot n bu nshei á̱niet á̱ ya̱shuk a̱ni, nang á̱ na nkai mba á̱ ghwon;

Yoona 10:10

A̱tang wu ni̱ bai da̱nian gu ka nyiin, gu hyaat. Nung, n bai n nwuak á̱niet ba a̱jhyem swuan, ba̱ shya̱ nji gba̱mgbam!

Yoona 14:6

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

Yoona 3:16

“Mat A̱gwaza ku fa̱k da̱ á̱niet mi̱ swanta ba ba̱t. Huhwa si̱ tyia̱ a̱ si̱ neap Nggwon nang gu byia̱ ma̱nyin ka a̱ni; da̱nian konyan wa nwuak fwuo da̱ nka a̱ni, a̱ na khwu bah, a̱wot a̱ na shya̱ swuan sang sangba̱p ja.

Yoona 3:18

Kuzang a̱yin wa nwuak fwuo di̱ nggwon A̱gwaza ka, á̱ na nyia̱ gu shi̱ri̱ya bah. A̱wot a̱tyu a̱ lak nwuak fwuo da̱ nka a̱ni, á̱ wa ka̱n faat gu shi̱ri̱ya. Mat a̱ lak nwuak fwuo da̱ Nggwon A̱gwaza ka, ma̱nyin ka.

Yoona 5:23

Da̱nian a̱mgba̱m á̱niet ba ba̱ ka nwuak Nggwon ka shi, ma̱ cha̱chaat nang ba̱ nnwuat A̱tyia̱ wu a̱ ta̱m ma̱ng a̱nka a̱ni.

Yoona 6:29

Yesu si̱ nwuak mba shim nyia̱, “Ta̱m huni hwa nang A̱gwaza chat nyi nyia̱; nyi nwuak fwuo da̱ a̱tyu nang gu ta̱m ndyo a̱ni.”

Yoona 6:51

Nung gwa ngyet kyayak swuan ku chyok neet Ma A̱gwaza tswazwa ka a̱ni. Konyan wa ya kyayak a̱hwa a̱ na shya̱ swuan sang sangba̱p. Kyayak a̱hwa nang n na nwuak a̱nyuu a̱ni; ku na yet nam vam nung hu hwa, nang n na neap da̱nian a̱mgba̱m á̱niet mi̱ swanta ba, ba̱ ka shya̱ swuan ji.”

Yoona 6:57

Ma̱nang A̱tyia̱ wu a̱ yet a̱tyu nswuan wu nta̱m nung a̱ni; ma a̱nia wa nang n swuan da̱nian A̱tyia̱ wu. A̱wot ma a̱nia wa, konyan wa kyiak nung nang kyayak gu a̱ni, a̱ na swuan da̱nian nung.

Yoona 8:29

A̱wot a̱tyu a̱ ta̱m nung a̱ni, a̱ shya̱ dundung ma̱ng a̱nung. Mat kuzang jen n ni̱ nyia̱ kyang hu nang gu chat a̱ni.”

Yoona 8:42

Yesu si̱ nyia̱ ma̱ng a̱mba a̱ni, “Ka̱ a̱tsatsak a̱lyiat wa nang A̱gwaza wa yet A̱tyia̱ nyin wu; si̱ nyi fa̱k da̱ nung. Mat, n ghwut neet da̱ a̱vwuo A̱gwaza kya; n shya̱ a̱ji ma̱ninika. N bai a̱ji da̱nian a̱pyia̱ nung bah, A̱gwaza wa ta̱m nung.

Yoona 9:3

Huhwa Yesu si̱ nyia̱ ma̱ng a̱mba, “A̱ka̱tuk nyia̱ nggu ma̱ng á̱ka̱tuk á̱niet mbyin nggu wa mbyia̱ nang gu ngyet a̱tyu a̱fi̱fan bah. A̱ yet a̱tyu a̱fi̱fan wu da̱nian á̱ ka tak si̱sak ji nang Tyok A̱gwaza hu nnyia̱ ta̱m da̱ nggu a̱ni.

A̱romawa 8:32

Mat nang A̱gwaza nnwai vwuong ma̱ng Nggwon nggu ka nang gu byia̱ ma̱nyin ka a̱ni, a̱wot a̱ si̱ neap ka nang za̱nang a̱ni da̱nian zi̱t a̱mgba̱m; a̱tsak a̱lyiat, ku fa za̱m, A̱gwaza na nang zi̱t kuzang kyang meang!

Ibriniyawa 1:5

Mat A̱gwaza ka̱n mak hyia̱ ma̱ng a̱ta̱m tswa a̱ghyang kyang nang gu hyia̱ ma̱ng Yesu a̱ni bah, mat A̱gwaza ku nyia̱, “A yet nggwon nung kya, N ma ngyet A̱tyia̱ ang wa a̱fwun.” A̱gwaza si̱ bu nyia̱, “N na ngyet a̱tyia̱ nggu wu. Nggu meang, a̱ na yet nggwon nung.”

1 Yoona 3:16

Si̱sak nang zi̱ ndyen kyang nang a̱tsak chat wu yet a̱ni, jija ji: Yesu tak zi̱t chat nggu hu di̱ si̱sak nang gu nnwuak swuan nggu ji da̱nian nzi̱t a̱ni. Ma a̱nia wa, ku myim nzi̱t meang zi̱ ma nwuak swuan nzi̱t ji da̱nian á̱niet khwi á̱ghyang.

1 Yoona 4:10

A̱ni wa nang a̱tsatsak chat wu ndi: Nzi̱t bya chat A̱gwaza wu bah. A̱wot nggu wa chat zi̱t a̱ si̱ ta̱m ma̱ng Nggwon nggu ka nang za̱nang a̱ni, ka̱ ka chi a̱ka̱tuk nyia̱ nzi̱t wu.

1 Yoona 4:16

Nzi̱t, zi̱ lyen si̱sak ji nang A̱gwaza nchat zi̱t ba̱t a̱ni. A̱wot zi̱ si̱ nwuak fwuo da̱ nggu ma̱ng si̱sak ji nang gu nchat nzi̱t a̱ni. A̱gwaza yet chat hwa. A̱wot a̱tyu a̱ chat á̱niet a̱ni, a̱ swan di̱ mun á̱pyia̱ ma̱ng A̱gwaza. A̱gwaza si̱ ma mun a̱pyia̱ ma̱ng a̱nggu.

1 Yoona 5:11

A̱wot a̱lyiat na A̱gwaza tak zi̱t a̱ni ni̱nia yet: A̱gwaza nang nzi̱t swuan sang sangba̱p. A̱wot swuan jini nang á̱ shyat di̱ mun á̱pyia̱ ma̱ng Nggwon nggu kikya.

1 Yoona 5:13

N dyuut nyin nkyang nani, nyin á̱niet ba nyi nwuak a̱chuchuk di̱ chet a̱lyoot Nggwon A̱gwaza ka a̱ni, da̱nian nyi ka lyen za̱m nang nyi mbyia̱ swuan sang sangba̱p ji.