1 Yoona 4:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ Ma a̱nia wa, a̱tyu da̱ a chat á̱ghyang á̱niet a̱ni bah, a̱ lyen A̱gwaza bah. Mat A̱gwaza wu yet a̱tyu chat á̱niet wa.

1 Yoona 4:8 Iomraidhean Croise

2 A̱korontiyawa 13:11

Nyin á̱niet khwi Yesu ba nang n chat a̱ni, n chat n ngaan wusika nung ji ma̱ng swáng á̱lyiat jini: Yok, nyi yet á̱niet a̱gwai, nyi mban di̱ yet á̱niet tat á̱ghyi di̱ khwi Yesu hu. Nyi tyei á̱ghyang nyin gba̱gbak. Nyi swan swat nyinyang ma̱ng mun á̱pyia̱ ma̱ng á̱ghyang nyin. Mat a̱nia, A̱gwaza a̱ yet a̱tyu chat á̱niet ma̱ng a̱tyu a̱ nwuat swat nyinyang a̱ni, na shya̱ dundung ma̱ng a̱nyin.

A̱fisawa 2:4

A̱mgba̱m ma̱ng a̱nia, A̱gwaza si̱ chat zi̱t ba̱t. A̱wot a̱ si̱ fwuong kunak nzi̱t gba̱mgbam,

Ibriniyawa 12:29

A̱tsak a̱lyiat, A̱gwaza nzi̱t wu li nang long hwa ku ya ma̱ a̱nga̱ngak a̱ngak a̱ni!

1 Yoona 1:5

A̱lyiat na nang zi̱ fa̱k da̱ a̱vwuo Nggwon nggu ka a̱ni, ni̱nia nang zi̱ shei nyin: A̱gwaza yet sai hwa. A̱wot da̱ a̱vwuo nggu lyin nshya̱ bah, ku ma̱ chunchwiit!

1 Yoona 2:4

Ka̱ a̱yin tak nyia̱, “N dyen A̱gwaza,” a̱wot a̱ si̱ lak khwi doka A̱gwaza ji, a̱tyu a̱wa yet a̱tyu bwoi a̱ka̱laa wa. A̱wot a̱ swan swat lyen a̱chuchuk A̱gwaza wu bah.

1 Yoona 2:9

Ka̱ a̱yin tak nyia̱, “N shya̱ mami sai,” a̱wot a̱ si̱ lak li á̱na̱nyiuk nggu ba ba̱ yet á̱niet khwi a̱ni, a̱tyu a̱wa ni̱ shya̱ mi̱ ndyin hwa.

1 Yoona 3:10

Ma̱ninika, zi̱ lyen si̱sak nang á̱ na nfi̱k á̱tsatsak mman A̱gwaza na a̱ni, ma̱ng á̱si̱ ba ba̱ yet mman A̱ta̱nyeang na a̱ni: Kuzang a̱yin da̱ a̱ nyia̱ tsotswat a̱ni bah, a̱wot a̱ si̱ lak chat á̱niet khwi á̱ghyang a̱ni, a̱tyu a̱wa yet a̱si̱ A̱gwaza wa bah.

1 Yoona 3:6

Konyan wa swan ndung ma̱ng Kristi, a̱ na ya a̱son ma̱ng nyia̱ a̱ka̱tuk nyia̱ a̱ nchi̱ri̱ng bah. A̱wot konyan wa ya a̱son ma̱ng nyia̱ a̱ka̱tuk nyia̱ a̱ nchi̱ri̱ng, a̱ ka̱n fi̱k Kristi wu bah; di̱ tangka̱i a̱yin a̱hwa a̱ lyen a̱tyu Kristi yet a̱ni bah.

1 Yoona 4:16

Nzi̱t, zi̱ lyen si̱sak ji nang A̱gwaza nchat zi̱t ba̱t a̱ni. A̱wot zi̱ si̱ nwuak fwuo da̱ nggu ma̱ng si̱sak ji nang gu nchat nzi̱t a̱ni. A̱gwaza yet chat hwa. A̱wot a̱tyu a̱ chat á̱niet a̱ni, a̱ swan di̱ mun á̱pyia̱ ma̱ng A̱gwaza. A̱gwaza si̱ ma mun a̱pyia̱ ma̱ng a̱nggu.

1 Yoona 4:7

Nyin á̱kpa̱ndang nung ba nang n chat a̱ni, yok zi̱ ya a̱son ma̱ng chat á̱ghyang, mat A̱gwaza wa nang zi̱t chet zi̱ chat á̱ghyang. Konyan wa chat á̱ghyang á̱niet, a̱tyu a̱wa tak nang gu ngyet a̱tsak nggwon A̱gwaza kya, a̱ si̱ bu lyen A̱gwaza.