1 Yoona 4:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ A̱yaata̱m bwoi a̱ka̱laa a̱bya yet á̱si̱ swanta bya, ba̱ yet á̱si̱ A̱gwaza bya bah. Huhwa mbyia̱ nang ba̱ ni̱ ndyiat kyang ku myim á̱nietbishyi mi̱ swanta a̱ni. A̱wot á̱niet mi̱ swanta ba meang, si̱ ma fwuong mbaa.

1 Yoona 4:5 Iomraidhean Croise

Luka 16:8

“A̱tyu nzwá wu si̱ chyin byia̱k nggu ji ji̱ sang a̱chuchuk wu a̱ni; mat nang gu ndi si̱sak ji nang byia̱k ji nnyia̱ mumwang da̱ a̱bwuang wu a̱ni. “A̱tsak a̱lyiat, á̱niet swanta bani byia̱ mumwang di̱ nyia̱ nta̱m ma̱ng á̱ghyang a̱ swak á̱niet ba̱ shya̱ mi̱ sai hu a̱ni.

Yoona 17:14

N si̱ ntak ma̱ng a̱mba A̱lyiat ang na. A̱wot á̱niet mi̱ swanta ba si̱ lak li mbaa, mat ba̱ yet á̱niet mi̱ swanta bya bah; ma̱nang nung n nwai ngyet a̱tyu mi̱ swanta wu a̱ni.

Yoona 17:16

Ba̱ yet á̱si̱ mi̱ swanta bya bah, ma̱nang nung n nwai ngyet a̱tyu mi̱ swanta wu a̱ni.

Yoona 3:31

“Nggu a̱tyu a̱ bai a̱ neet Ma A̱gwaza tswazwa ka a̱ni, a̱ shi a̱ swak konyan. Nggu a̱tyu a̱ shya̱ a̱byin ka a̱ni, a̱ lyiat a̱lyiat nkyang na̱ shya̱ a̱byin a̱ni. Nggu a̱tyu a̱ bai a̱ neet Ma A̱gwaza tswazwa ka a̱ni, [[a̱ shi a̱ swak konyan.]]

Yoona 8:23

Huhwa Yesu si̱ nyia̱ ma̱ng a̱mba a̱ni, “Nyin, nyi shya̱ a̱byin kya a̱ji. A̱wot nung, n neet Ma A̱gwaza tswazwa kya. Nyin, nyi yet á̱niet mi̱ swanta bya. A̱wot nung, n gyet a̱tyu mi̱ swanta wuni wa bah.

2 Timoti 4:3

Mat jen na bai nang á̱niet na ndak fa̱k a̱tsatsak tyiet a̱ni. Da̱ a̱kwonu a̱kya, ba̱ khwi shyuo nfwuo mba na. Ma̱nang a̱fufwuo mba ba nsweang a̱ni, ba̱ na khwi á̱niet tyiet nang ba̱ chat a̱ni.

Tyai Á̱zanson 12:9

A̱gba̱ndang a̱ka̱tuk nzwuo a̱ byia̱ nfeap na a̱ni, a̱ yet a̱khwukhwop nzwak gbangbang a̱wa, nang á̱ ngyei A̱ta̱nyeang, á̱ bu ngyei nggu, “Sha̱tan”; a̱tyu a̱ laai a̱mgba̱m á̱niet swanta ba a̱ni. Á̱ si̱ yuut gu ma̱ng a̱ka̱tuk a̱yaata̱m tswá nggu ba neet Ma A̱gwaza tswazwa á̱ ta a̱byin mi̱ swanta hu.