1 Yoona 4:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ A̱wot nyin mman nung na nang n chat a̱ni, nyi yet mman A̱gwaza nia. Nyi wa ka̱n swuo chet a̱yaata̱m á̱niet tyiet a̱ka̱laa a̱bya. Mat A̱za̱za̱rak tswa wu a̱ shya̱ ma̱ nyin a̱ni, a̱ byia̱ chet a̱ lan tswa ji ji̱ shya̱ mi̱ swanta hu a̱ni.

1 Yoona 4:4 Iomraidhean Croise

Yoona 12:31

Ma̱nini kya nang á̱ na nyia̱ á̱niet mi̱ swanta ba shi̱ri̱ya, a̱wot á̱ bu vwuong A̱ta̱nyeang swanta kani.

Yoona 14:30

“N bu si̱ mi̱n dyiat ma̱ng a̱nyin a̱jojoot a̱lyiat bah, mat A̱ta̱nyeang swanta kani, ka̱ chobai. A̱mgba̱m ma̱ng a̱nia, ka̱ si̱ mi̱n nyia̱ tyok tazwa nung bah.

Yoona 16:11

“A̱wot a̱ bu na tyiet mba tazwa nyia̱ shi̱ri̱ya. Mat á̱ wa ka̱n nyia̱ A̱ta̱nyeang swanta ka shi̱ri̱ya.

Yoona 17:23

N na swan dundung ma̱ng a̱mba; nwan mameang, a ma nswan dundung ma̱ng a̱nung. Yok ba̱ mun á̱pyia̱ za̱m, ku na tyia̱ á̱niet ma̱ a̱di̱di̱t mi̱ swanta hu ba̱ lyen nang nwan wa nta̱m nung; a̱wot ba̱ bu lyen nang a nchat ba ma̱ cha̱chaat nang a nchat nung a̱ni.

A̱romawa 8:31

Mi̱ yihwa zi̱ na hyia̱ di̱ nkyang na̱ shya̱ a̱zaghyi nzi̱t ka a̱ni? Ki̱ A̱gwaza shya̱ dundung ma̱ng a̱nzi̱t, a̱nyan wa maai a̱ nyia̱ na̱nvan ma̱ng a̱nzi̱t?

A̱romawa 8:37

A̱mgba̱m ma̱ng a̱nia, á̱ mbyia̱ kyang ku na vwuong A̱gwaza chat zi̱t a̱ni bah. A̱mgba̱m ma̱ng á̱ka̱tuk nkyang nani, zi̱ swuo chet na ma̱ za̱nzan, mat Kristi a̱tyu a̱ chat zi̱t a̱ni.

1 A̱korontiyawa 2:12

A̱wot zi̱ ka̱n san a̱di̱dam á̱niet swanta wuni bah. Da̱ a̱kwonu a̱kya, zi̱ ka̱n san A̱za̱za̱rak Ntswa A̱gwaza wa. Ku tak zi̱t a̱sham nkyang nang A̱gwaza ka̱n nang zi̱t ma̱ sa̱t mat shok nggu ji a̱ni.

1 A̱korontiyawa 6:13

Á̱ ni̱ nyia̱, “Á̱ nyia̱ kyayak da̱nian a̱fa kya. A̱fa ka meang, á̱ nyia̱ nka da̱nian kyayak hwa.” (Si̱ huni yet a̱tsak a̱lyiat wa. A̱mgba̱m ma̱ng a̱nia, A̱gwaza na bwuk ma̱ng kyayak hu ma̱ng a̱fa ka). A̱wot nyi si̱ mi̱n fa nyia̱, A̱gwaza nyia̱ nvam nzi̱t na da̱nian a̱shi̱shi̱k nyia̱ bah. Nvam nzi̱t na á̱ nyia̱ naa da̱nian zi̱ ka nwuak A̱gwaza shi hwa. A̱wot A̱gwaza wa chok nvam nzi̱t na.

2 A̱korontiyawa 4:4

A̱ta̱nyeang ka ka̱ yet a̱gwaza swanta wuni a̱ni, a̱ tyia̱ lyin mi̱ nfwuo á̱niet ba̱ nwai nwuak a̱chuchuk wu a̱ni. Ba̱ si̱ mi̱n di a̱sai a̱kyenkyai shi A̱sham Nkhang wu bah. Ba̱ si̱ lak fi̱k a̱lyiat nani tazwa a̱kyenkyai shi Kristi, a̱tyu a̱ tai A̱gwaza ma̱ cha̱chaat a̱ni.

2 A̱korontiyawa 6:16

Yihwa mun A̱li Nwuat Za̱nang A̱gwaza ma̱ng tutu ghwughwu a̱gwaza sang swuan? Mat zi̱ bya yet A̱li Nwuat Za̱nang A̱gwaza ka. Ma̱nang A̱gwaza wu nhyia̱ a̱ni, nyia̱, “Nung, A̱gwaza, n nyia̱ ‘N na swan dundung ma̱ng a̱mba, a̱wot n chong ma̱ a̱ka̱wa̱tyia̱ mba. N na gyet A̱gwaza mba. A̱wot mba meang, ba̱ na yet á̱niet nung.’

A̱fisawa 2:2

Nyi ni̱ khwi a̱ka̱tuk nyia̱ swanta wuni ma̱nang á̱kum á̱niet swanta ka a̱ni. Nyi si̱ khwi A̱ta̱nyeang ka̱ yet a̱gwam á̱ka̱tuk ntswá ba̱ nyia̱ tyok mi̱ kyai tswazwa hu a̱ni. Kikya yet a̱ka̱tuk ntswa ji̱ ni̱ nyia̱ nta̱m mi̱ nfwuo á̱niet ba̱ lak khwi A̱gwaza a̱ni.

A̱fisawa 3:17

Da̱nian Kristi gu ka shya̱ a̱vwuo nswat mi̱ fwuo nyin na, mat nwuak fwuo nyin hu da̱ nggu. N bu naai A̱gwaza gu tyia̱ nyi mbeang chet di̱ chat gu hu ma̱ng á̱ghyang nyin, nang a̱kwon ka̱ byia̱ á̱ni̱nan ba̱ nwuo ma̱ tsuung mi̱ chet a̱byin a̱ni, ku nang a̱li nang á̱ nok di̱ kuntyin ku byia̱ chet a̱ni.

A̱fisawa 6:10

Di̱ ngaan hu, nyi yong mi̱ chet da̱ A̱gwaza ma̱ng a̱gba̱ndang chet nggu wu.

1 Yoona 2:1

Mman nung na na̱ yet á̱niet khwi Yesu nang n chat a̱ni, n dyuut nyin a̱lyiat nani da̱nian nyi ka nyia̱ a̱ka̱tuk bah. A̱wot ka̱ a̱yin nyia̱ a̱ka̱tuk nyia̱, zi̱ byia̱ a̱tsotswat a̱tyu beang a̱ yong da̱ a̱kwonu nzi̱t da̱ a̱vwuo A̱tyia̱ a̱ni. Nggu wa yet Yesu Kristi.

1 Yoona 2:13

N dyuut nyin dyo, nyin nyi yet a̱yaatyia̱ nyi tat a̱ghyi di̱ nwuak fwuo di̱ Yesu a̱ni, mat nyi lyen Kristi, a̱tyu a̱ nshya̱ neet di̱n tsa swanta hu a̱ni. N dyuut nyin dyo, nyin á̱niet nyi yet nfi̱ng di̱ nwuak fwuo di̱ Yesu a̱ni, mat nyi wa ka̱n swuo chet A̱ta̱nyeang ka.

1 Yoona 3:20

Ku nang nfwuo nzi̱t na nkpaat zi̱t, na̱ si̱ bat zi̱t a̱bun, zi̱ lyen nang A̱gwaza nshi a̱ swak si̱sak nang zi̱ nfwuong mi̱ nfwuo nzi̱t na a̱ni. A̱wot a̱ si̱ lyen kuzang kyang.

1 Yoona 3:24

A̱mgba̱m á̱niet ba ba̱ khwi doka nggu ji a̱ni, ba̱ ni̱ byia̱ a̱meang di̱ mun á̱pyia̱ ma̱ng Yesu. Nggu meang, a̱ si̱ byia̱ a̱meang di̱ mun á̱pyia̱ ma̱ng a̱mba. A̱wot si̱sak ji nang zi̱ ndyen nang gu nswan swat mun a̱pyia̱ ma̱ng a̱nzi̱t a̱ni, huhwa yet: A̱za̱za̱rak Ntswa nggu wu nang gu ka̱n nang nzi̱t a̱ni, swan mi̱ nfwuo nzi̱t na.

1 Yoona 4:13

Si̱sak ji nang zi̱ na nfi̱k nang zi̱ mun á̱pyia̱ ma̱ng A̱gwaza a̱ni, jija ji: A̱gwaza tak kpa̱sai nang gu mun a̱pyia̱ ma̱ng a̱nzi̱t. A̱wot nzi̱t meang, zi̱ mun á̱pyia̱ ma̱ng a̱nggu di̱ si̱sak ji nang gu ka̱n nnang nzi̱t A̱za̱za̱rak Ntswa nggu wu a̱ni.

1 Yoona 4:16

Nzi̱t, zi̱ lyen si̱sak ji nang A̱gwaza nchat zi̱t ba̱t a̱ni. A̱wot zi̱ si̱ nwuak fwuo da̱ nggu ma̱ng si̱sak ji nang gu nchat nzi̱t a̱ni. A̱gwaza yet chat hwa. A̱wot a̱tyu a̱ chat á̱niet a̱ni, a̱ swan di̱ mun á̱pyia̱ ma̱ng A̱gwaza. A̱gwaza si̱ ma mun a̱pyia̱ ma̱ng a̱nggu.

1 Yoona 4:6

A̱wot nzi̱t, zi̱ yet á̱niet A̱gwaza bya. Á̱niet ba̱ lyen A̱gwaza a̱ni, ni̱ myiai a̱fufwuo ba̱ fa̱k kyang nang zi̱ lyiat a̱ni. Ma a̱nia wa, á̱niet da̱ ba̱ lyen A̱gwaza a̱ni bah, ba̱ ni̱ fa̱k kyang nang zi̱ lyiat a̱ni bah. A̱nia wa nang zi̱ na ndyen ka̱ a̱yin ni̱ lyiat a̱ si̱ tyiet cha̱chaat da̱ a̱kwonu A̱za̱za̱rak Ntswa a̱ tyai a̱chuchuk a̱ni, ma̱ng si̱ ji ji̱ yet si̱ laai á̱niet a̱ni.

1 Yoona 5:19

Zi̱ lyen nang zi̱ ngyet mman A̱gwaza nia, a̱wot a̱mgba̱m swanta hu shya̱ mbwak tyok A̱ta̱nyeang hwa.

1 Yoona 5:4

Mat kuzang nggwon A̱gwaza byia̱ chet hu, ku maai nang ka̱ na nswuo chet swanta hu a̱ni. Nwuak fwuo nzi̱t hu di̱ Yesu hwa na tyia̱ zi̱ nswuo chet swanta hu.

Tyai Á̱zanson 12:11

A̱wot á̱niet khwi Yesu ba si̱ ya Sha̱tan mi̱ zwang ji, mat chet a̱sok Fi̱ng A̱nfwuk hu ma̱ng sheda mba hu tazwa a̱lyiat A̱gwaza. Mat ba̱ chat swuan mba ji shansham bah; a̱wot da̱ mba ba̱ fwuong a̱wun a̱khwu bah.