1 Yoona 4:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ Nzi̱t, zi̱ lyen si̱sak ji nang A̱gwaza nchat zi̱t ba̱t a̱ni. A̱wot zi̱ si̱ nwuak fwuo da̱ nggu ma̱ng si̱sak ji nang gu nchat nzi̱t a̱ni. A̱gwaza yet chat hwa. A̱wot a̱tyu a̱ chat á̱niet a̱ni, a̱ swan di̱ mun á̱pyia̱ ma̱ng A̱gwaza. A̱gwaza si̱ ma mun a̱pyia̱ ma̱ng a̱nggu.

1 Yoona 4:16 Iomraidhean Croise

Yoona 6:69

A̱wot ma̱ninika, zi̱ nwuak a̱chuchuk, zi̱ si̱ lyen nang nwan wa ngyet A̱za̱za̱rak A̱tyu a̱ neet da̱ a̱vwuo A̱gwaza a̱ni!”

Yoona 9:3

Huhwa Yesu si̱ nyia̱ ma̱ng a̱mba, “A̱ka̱tuk nyia̱ nggu ma̱ng á̱ka̱tuk á̱niet mbyin nggu wa mbyia̱ nang gu ngyet a̱tyu a̱fi̱fan bah. A̱ yet a̱tyu a̱fi̱fan wu da̱nian á̱ ka tak si̱sak ji nang Tyok A̱gwaza hu nnyia̱ ta̱m da̱ nggu a̱ni.

1 A̱korontiyawa 2:9

Ma a̱nia wa A̱lyiat A̱gwaza nang á̱ lyuut a̱ni nhyia̱, nyia̱, “Á̱ ka̱n di ma̱ng á̱ghyi bah, da̱ mba, á̱ ka̱n fa̱k ma̱ng a̱fufwuo bah; a̱wot a̱yin ka̱n dam mi̱ fwuo nggu hu kyang nang A̱gwaza jhyi a̱ sak da̱nian á̱niet ba̱ chat gu a̱ni bah.”

1 Yoona 3:1

Nyi dam si̱sak ji nang A̱tyia̱ nzi̱t wu nchat zi̱t a̱tsatsak chat a̱ni, mat a̱ kyiak zi̱t nang mman nggu a̱ni. A̱tsak a̱lyiat mman nggu ni̱nia nang zi̱ yet. A̱mgba̱m ma̱ng yet mman A̱gwaza nzi̱t hu, á̱niet mi̱ swanta ba fi̱k nang zi̱ ngyet mman nggu nia bah, mat si̱sak nang ba̱ ndyen nggu a̱ni bah.

1 Yoona 3:16

Si̱sak nang zi̱ ndyen kyang nang a̱tsak chat wu yet a̱ni, jija ji: Yesu tak zi̱t chat nggu hu di̱ si̱sak nang gu nnwuak swuan nggu ji da̱nian nzi̱t a̱ni. Ma a̱nia wa, ku myim nzi̱t meang zi̱ ma nwuak swuan nzi̱t ji da̱nian á̱niet khwi á̱ghyang.

1 Yoona 3:24

A̱mgba̱m á̱niet ba ba̱ khwi doka nggu ji a̱ni, ba̱ ni̱ byia̱ a̱meang di̱ mun á̱pyia̱ ma̱ng Yesu. Nggu meang, a̱ si̱ byia̱ a̱meang di̱ mun á̱pyia̱ ma̱ng a̱mba. A̱wot si̱sak ji nang zi̱ ndyen nang gu nswan swat mun a̱pyia̱ ma̱ng a̱nzi̱t a̱ni, huhwa yet: A̱za̱za̱rak Ntswa nggu wu nang gu ka̱n nang nzi̱t a̱ni, swan mi̱ nfwuo nzi̱t na.

1 Yoona 4:7

Nyin á̱kpa̱ndang nung ba nang n chat a̱ni, yok zi̱ ya a̱son ma̱ng chat á̱ghyang, mat A̱gwaza wa nang zi̱t chet zi̱ chat á̱ghyang. Konyan wa chat á̱ghyang á̱niet, a̱tyu a̱wa tak nang gu ngyet a̱tsak nggwon A̱gwaza kya, a̱ si̱ bu lyen A̱gwaza.