1 Yoona 3:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ Ma a̱nia wa, konyan wa ya a̱son ma̱ng nyia̱ a̱ka̱tuk nyia̱ a̱ nchi̱ri̱ng, ku tak nang gu ngyet a̱si̱ A̱ta̱nyeang wa. Mat A̱ta̱nyeang ka mi̱ nnyia̱ a̱ka̱tuk nyia̱ neet gbangbang. Kyang ku mbyia̱ bai Yesu hu a̱ni huhwa hu; da̱nian gu ka bi̱ri̱m nta̱m A̱ta̱nyeang na.

1 Yoona 3:8 Iomraidhean Croise

Matyu 12:28

A̱wot ka̱ n ma nkhai á̱ka̱tuk ntswá ba̱ ghwut ma̱ á̱niet ma̱ng chet A̱za̱za̱rak Ntswa A̱gwaza hwa, ku tak nang Tyok A̱gwaza hu mbai da̱ nyin.

Matyu 13:38

A̱wot a̱byin kikya yet kidee swanta hu. A̱tan zwá wu wa yet kidee mman Tyok Ma A̱gwaza tswazwa na. A̱wot ja̱m ji ja si̱ yet kidee mman A̱ta̱nyeang na.

Matyu 4:3

Di̱n jen a̱ja, A̱ta̱nyeang ka si̱ bai da̱ a̱vwuo Yesu, ka̱ si̱ nyia̱, “Ka̱nang a yet Nggwon A̱gwaza kya chi̱k, tyia̱ nfang nani na̱ bwuak á̱ tyia̱ burodi, a yaa.”

Ma̱rkut 1:24

“Yesu a̱tyu Na̱za̱ra̱t, yihwa mbyia̱ a nda̱u nzi̱t a̱nia? A bai a tyak ma̱ng a̱nzi̱t waa?! N dyen a̱tyu nang a yet a̱ni; a yet A̱za̱za̱rak Nggwon A̱gwaza wa!”

Luka 10:18

Yesu si̱ nwuak ba shim nyia̱, “A̱tsak a̱lyiat, n di nyi swuo chet A̱ta̱nyeang ka, a̱wot ka̱ si̱ neet Ma A̱gwaza tswazwa a̱ ba̱ kwa ma a̱nggang nang a̱mya̱ra̱m nza a̱ni!

Yoona 12:31

Ma̱nini kya nang á̱ na nyia̱ á̱niet mi̱ swanta ba shi̱ri̱ya, a̱wot á̱ bu vwuong A̱ta̱nyeang swanta kani.

Yoona 16:11

“A̱wot a̱ bu na tyiet mba tazwa nyia̱ shi̱ri̱ya. Mat á̱ wa ka̱n nyia̱ A̱ta̱nyeang swanta ka shi̱ri̱ya.

Yoona 8:44

“Nyin, nyi yet mman A̱ta̱nyeang nia; kikya yet a̱tyia̱ nyin wu. A̱wot nyi fa nyi khwi kyang hu nang A̱ta̱nyeang ka chat a̱ni. Neet gbangbang, A̱ta̱nyeang ka ka̱ yet a̱gwam á̱ka̱tuk ntswá wu a̱ni, ka̱ yet a̱tyu hyaai á̱niet wa. Da̱ nka, ka̱ lyiat a̱tsatsak a̱lyiat bah. A̱mgba̱m jen nang ka̱ mbwoi a̱ka̱laa na a̱ni, ka̱ ni̱ nyia̱ kyang hu myim nka wa a̱ni. Mat, ka̱ yet a̱tyu bwoi a̱ka̱laa wa, ma̱ng a̱tyia̱ á̱niet bwoi a̱ka̱laa.

A̱romawa 16:20

A̱gwaza a̱ nwuat swat nyinyang a̱ni, na tyia̱ nyi shai A̱ta̱nyeang ka ma̱ng a̱ti̱tak nyin ba. Yok A̱tyoli nzi̱t wu Yesu Kristi, a̱ fa̱k shok nyin.

A̱fisawa 2:2

Nyi ni̱ khwi a̱ka̱tuk nyia̱ swanta wuni ma̱nang á̱kum á̱niet swanta ka a̱ni. Nyi si̱ khwi A̱ta̱nyeang ka̱ yet a̱gwam á̱ka̱tuk ntswá ba̱ nyia̱ tyok mi̱ kyai tswazwa hu a̱ni. Kikya yet a̱ka̱tuk ntswa ji̱ ni̱ nyia̱ nta̱m mi̱ nfwuo á̱niet ba̱ lak khwi A̱gwaza a̱ni.

A̱kolosiyawa 2:15

A̱wot da̱ a̱team a̱khwu wu wa nang A̱gwaza ngya̱weap nkyang nzwang á̱gwam ma̱ng ntyok á̱ka̱tuk ntswá. Kristi si̱ tyia̱ mba nsum kpa̱sai, nang nggu nswuo chet mba da̱ a̱team a̱khwu wu a̱ni.

1 Timoti 3:16

Kyang ku nshya̱ di̱ niat di̱ tyiet nwuak a̱chuchuk nzi̱t hu a̱ni, shi za̱m. Huhwa yet: Yesu ku chyok a̱ bai mi̱ vam A̱tyubishyi. A̱za̱za̱rak Ntswa ku tak nang nggu ngyet a̱tsatsak wa. A̱wot á̱za̱za̱rak a̱yaata̱m tswá A̱gwaza si̱ li ngguu. Á̱ ku shei A̱sham Nkhang nggu ka, á̱ kai a̱mgba̱m nnwap mi̱ bibyin swanta hu. A̱mgba̱m á̱niet mi̱ swanta ba si̱ nwuak a̱chuchuk da̱ nggu. A̱wot á̱ si̱ kyiak gu á̱ nat ndyo Ma A̱gwaza tswazwa mami a̱kyenkyai shi nggu wu.

Ibriniyawa 2:14

Mat a̱nia, nang mman A̱gwaza na ngyet á̱nietbishyi bya ba̱ byia̱ vam ma̱ng a̱sok a̱ni, ma a̱nia wa nang Nggwon A̱gwaza ka mbai a̱ni, ka̱ byia̱ vam ma̱ng a̱sok. Mat di̱ yet a̱tyubishyi hwa ma̱nyin nhu nang ka̱ nkhwu. A̱wot mat a̱khwu Nggwon kikya ma̱nyin ka nang ka̱ na nswuo chet A̱ta̱nyeang, ka̱ byia̱ chet tyei á̱nietbishyi ba̱ kwi a̱ni.

Ibriniyawa 9:26

Ki̱ Kristi wa nyia̱ a̱nia, si̱ a̱ kwi á̱ nchi̱ri̱ng neet di̱n tsa swanta hu. Da̱ a̱kwonu a̱kya, ma̱ninika a̱ tyai a̱pyia̱ nggu a̱ka̱nyiung kya za̱m di̱ nche ngaan jini. Da̱nian gu ka chi a̱ ti̱n a̱ka̱tuk nyia̱, mat nang gu nkhwu, a̱ si̱ neap a̱pyia̱ nggu gu yet za̱nang a̱ni.

2 Bitut 2:4

Ma a̱nia wa, ku a̱yaata̱m tswá A̱gwaza ba, ba̱ ku nyia̱ a̱ka̱tuk nyia̱ wu a̱ni, A̱gwaza ku ghwon mba bah. Da̱ a̱kwonu a̱kya, a̱ si̱ la̱p ba, a̱ si̱ ta mba ma̱ a̱tsuung mbwong sang sangba̱p ku yet a̱gbi̱ri̱ng ndyin a̱ni. Á̱ ba̱ng ba a̱ja á̱ nfwuong mam shi̱ri̱ya hu.

1 Yoona 1:2

A̱tyu wuni a̱ yet a̱tsak Nswuan a̱ni, á̱ ku tyai nzi̱t nggu kpa̱sai. Zi̱ si̱ li ngguu, zi̱ si̱ lyiat tazwa nggu. Zi̱ si̱ shei ma̱ng a̱nyin nang nggu wa ngyet swuan sang sangba̱p ji, a̱ ni̱ shya̱ ma̱ng A̱tyia̱ wu a̱ni. Nggu wa nang á̱ ba̱ tyai nzi̱t ndyo.

1 Yoona 3:10

Ma̱ninika, zi̱ lyen si̱sak nang á̱ na nfi̱k á̱tsatsak mman A̱gwaza na a̱ni, ma̱ng á̱si̱ ba ba̱ yet mman A̱ta̱nyeang na a̱ni: Kuzang a̱yin da̱ a̱ nyia̱ tsotswat a̱ni bah, a̱wot a̱ si̱ lak chat á̱niet khwi á̱ghyang a̱ni, a̱tyu a̱wa yet a̱si̱ A̱gwaza wa bah.

1 Yoona 3:5

A̱wot nyi lyen nang Yesu mbai da̱nian gu ka chi a̱ka̱tuk nyia̱ nzi̱t wu wa. Mat nggu ma̱ a̱pyia̱ nggu, a̱ byia̱ a̱ka̱tuk nyia̱ bah.

1 Yoona 5:19

Zi̱ lyen nang zi̱ ngyet mman A̱gwaza nia, a̱wot a̱mgba̱m swanta hu shya̱ mbwak tyok A̱ta̱nyeang hwa.

Yahuda 1:6

A̱wot n bu chat n jhyung nyin a̱yaata̱m tswá A̱gwaza ba, ba̱ ku lak ba̱ng a̱vwuo yong tyok nang A̱gwaza ku nang mba a̱ni. Ba̱ si̱ ghwon a̱tsatsak a̱vwuo yong tyok mba wu nang á̱ nsak ba a̱ni. A̱gwaza ku la̱p mba ma̱ng a̱nyanyang. A̱ si̱ nyim ba mi̱ jaru ji̱ byia̱ lyin a̱ni. Á̱ sak ba a̱ja á̱ nfwuong mam nang A̱gwaza na nnyia̱ mba shi̱ri̱ya a̱ni.

Tyai Á̱zanson 20:10

A̱wot A̱ta̱nyeang ka̱ laai mba a̱ni, á̱ si̱ ta̱bat kaa, á̱ ta mami a̱gba̱ndang a̱nga̱ngak tswa ndong sang sangba̱p ku ya nang long sa̱lfa a̱ni; a̱vwuo ka nang á̱ ka̱n nta a̱ka̱tuk nyam a̱yit ji ma̱ng a̱ta̱m bwoi a̱ka̱laa a̱kwonu nggu a̱ni. A̱jawa ba̱ na nswuo a̱bung ba̱t a̱ta̱mam ma̱ng a̱tyetuk, si̱ nat sang sangba̱p.

Tyai Á̱zanson 20:15

Konyan wa da̱nang á̱ lyuut a̱lyoot nggu ka mami Ta̱ka̱da Nswuan hu a̱ni bah; á̱ na ta gu mami a̱gba̱ndang tswa a̱nga̱ngak ndong sang sangba̱p.