1 Yoona 3:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ Nyin mman nung, nyi yok shim a̱yin a̱ laai nyin bah. A̱tyu a̱ nyia̱ a̱tan a̱ni, ku tak nang gu ngyet a̱tsotswat wa, ma̱nang Kristi ngyet a̱tsotswat a̱ni.

1 Yoona 3:7 Iomraidhean Croise

Matyu 5:20

“A̱wot n tak nyin; ka̱ tsotswat nyin hu swak si̱ A̱fa̱risawa hu ma̱ng á̱niet tyiet doká ba bah, a̱tsak a̱lyiat; nyi si̱ mi̱n mak nwuo Tyok Ma A̱gwaza tswazwa hu bah.

Luka 1:75

mami a̱za̱za̱rak nswat ma̱ng nyia̱ tsotswat a̱zaghyi A̱gwaza si̱ nat a̱mgba̱m swat nzi̱t wu mi̱ swanta hu.

Nta̱m A̱yaata̱m 10:35

Mi̱ kuzang nwap, A̱gwaza ni̱ san á̱niet ba̱ fwuong a̱wun nggu, a̱wot ba̱ si̱ nyia̱ tsotswat a̱ni.

A̱romawa 2:13

Mat fwuong doka ma̱ng a̱fufwuo bya ma̱nyin hu, na tyia̱ nzi̱t zi̱ ngyet á̱tsotswat á̱niet sang a̱bun a̱zaghyi A̱gwaza bah. A̱wot khwi a̱mgba̱m doka huhwa na tyia̱ zi̱ ngyet á̱tsotswat a̱zaghyi A̱gwaza.

1 A̱korontiyawa 6:9

Nyi lyen da̱nang á̱ka̱tuk á̱niet na nshya̱ gado mi̱ Tyok A̱gwaza hu bah, ka̱ni? Nyi yok laai pyipyia̱ nyin bah: Á̱niet ba̱ nyia̱ a̱shi̱shi̱k nyia̱ a̱ni; ku á̱niet khwi nghwughwu a̱yaagwaza sang swuan; ku á̱niet katnaan; ku á̱tyok ba̱ lyiai pyipyia̱ mba nang khám a̱ni da̱ a̱vwuo á̱tyok á̱ghyang; ku á̱tyok ba khwat ma̱ng á̱tyok mbeang á̱nyiuk ba̱ khwat ma̱ng á̱nyiuk a̱ni;

A̱fisawa 5:6

Nyi yok ghwon a̱yin a̱ laai nyin ma̱ng a̱buk ta̱fwat bah, mat a̱ka̱tuk nyia̱ wuni wa ni̱ tyia̱ A̱gwaza a̱ mwai lyen ma̱ng á̱niet ba̱ lak fwuong a̱ni.

A̱fisawa 5:9

Mat sai ku shya̱ mi̱ nfwuo nyin na a̱ni, huhwa tyei kpangti̱n ji̱ yet a̱tan, tsotswat, ma̱ng a̱chuchuk a̱ni.

A̱filibiyawa 1:11

Ma̱nang a̱kwon ni̱ ntyia̱ sum a̱ni, ma a̱nia wa, yok shya̱ san nyin hu ku tyei nyi shya̱ a̱tsotswat za̱kwa, a̱ neet da̱ a̱vwuo Yesu Kristi a̱ni, da̱nian á̱ ka dyep A̱gwaza á̱ nwuak gu shi.

Ibriniyawa 1:8

A̱wot tazwa Nggwon ka, á̱ si̱ nyia̱, “A swan da̱ a̱gba̱ndang chuk tyok ang wu, A̱gwaza, a nyia̱ tyok si̱ nat sang sangba̱p. A nyia̱ tyok hu ma̱ng a̱tsotswat shan tyok wa.

Ibriniyawa 7:2

A̱jawa Ibrahim si̱ nwuak Ma̱lkiza̱dek a̱kpa a̱nyiung ma̱ a̱yaakpa nkyang swak nang gu kwok mi̱ zwang ji a̱ni. A̱lyoot “Ma̱lkiza̱dek” ka fa, “A̱gwam nyia̱ tsotswat.” Á̱ si̱ bu yei nggu “A̱gwam Sa̱lem,” a̱lyoot kani bu fa, “A̱gwam swat nyinyang.”

Yakubu 1:22

Nyi yok fwuong a̱lyiat A̱gwaza na ma̱ng a̱fufwuo bya ma̱nyin ba bah. Ku yet ta hwa, nyi wa nyia̱ ta̱m ma̱ng á̱na, kalak nyi laai á̱pyia̱ nyin kya.

Yakubu 2:19

A kyiak nyia̱ a nwuak a̱chuchuk, mat a nwuak a̱chuchuk nang A̱gwaza a̱nyiung wa nshya̱. Ka a shim nyia̱ a̱nia wa, ku yet a̱sham! Ku á̱ka̱tuk ntswá ba meang, nwuak a̱chuchuk nang A̱gwaza nshya̱. A̱wot ba̱ si̱ tyi̱ri̱m vam a̱zaghyi nggu ma̱ng a̱gba̱ndang a̱wun.

1 Bitut 2:24

Nggu ma̱ a̱pyia̱ nggu, ku kyiak a̱ka̱tuk nyia̱ nzi̱t wu mi̱ vam nggu hu da̱ a̱team a̱khwu; da̱nian zi̱ ka yet nkwom di̱ nyia̱ a̱ka̱tuk nyia̱, a̱wot zi̱ yet a̱chet di̱ nyia̱ a̱tsotswat nta̱m. Mat a̱fi̱fa̱t gu bibya, nang á̱ nchoot nyin.

1 Yoona 2:1

Mman nung na na̱ yet á̱niet khwi Yesu nang n chat a̱ni, n dyuut nyin a̱lyiat nani da̱nian nyi ka nyia̱ a̱ka̱tuk bah. A̱wot ka̱ a̱yin nyia̱ a̱ka̱tuk nyia̱, zi̱ byia̱ a̱tsotswat a̱tyu beang a̱ yong da̱ a̱kwonu nzi̱t da̱ a̱vwuo A̱tyia̱ a̱ni. Nggu wa yet Yesu Kristi.

1 Yoona 2:26

N dyuut nyin a̱lyiat nani n ka ngba nyin, nyi ta̱bam ma̱ng á̱niet ba̱ kwan ba̱ laai nyin nyi teap tyia̱ zan a̱ni.

1 Yoona 2:29

Mat nang zi̱ ndyen nang Kristi ngyet a̱tsotswat wa a̱ni, zi̱ bu lyen konyan wa nyia̱ tsotswat, a̱ yet a̱tsatsak nggwon A̱gwaza wa.

1 Yoona 3:18

Da̱ a̱kwonu a̱kya, nyin mman nung, nyi yok shei chat á̱ghyang nyin hu ma̱ng a̱nu kya bah. Nyi tak chat á̱ghyang nyin hu di̱ nyia̱ á̱tsatsak nta̱m wa ma̱ng a̱chuchuk.

1 Yoona 3:3

A̱wot konyan wa tyia̱ fwuo di̱ Kristi, a̱ ni̱ ja̱u a̱pyia̱ nggu, ma̱nang Kristi nja̱u a̱pyia̱ nggu a̱ni.

1 Yoona 4:17

A̱wot nang zi̱ nswan di̱ mun á̱pyia̱ ma̱ng A̱gwaza a̱ni, zi̱ mban a̱tsatsak chat á̱ghyang. A̱jawa zi̱ na fa̱k a̱wun a̱tuk shi̱ri̱ya A̱gwaza ka bah. A̱wot zi̱ na yong a̱zaghyi A̱gwaza mi̱ gbang a̱lyia̱, mat zi̱ swan swat mun á̱pyia̱ ma̱ng a̱nggu mi̱ swanta hu ma̱nang Yesu ku nswan a̱ni.