1 Yoona 3:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ Konyan wa swan ndung ma̱ng Kristi, a̱ na ya a̱son ma̱ng nyia̱ a̱ka̱tuk nyia̱ a̱ nchi̱ri̱ng bah. A̱wot konyan wa ya a̱son ma̱ng nyia̱ a̱ka̱tuk nyia̱ a̱ nchi̱ri̱ng, a̱ ka̱n fi̱k Kristi wu bah; di̱ tangka̱i a̱yin a̱hwa a̱ lyen a̱tyu Kristi yet a̱ni bah.

1 Yoona 3:6 Iomraidhean Croise

2 A̱korontiyawa 3:18

Mat a̱nia, a̱mgba̱m nzi̱t nang á̱ ka̱n khwuk nzi̱t a̱toot a̱wa ma̱ a̱ghyi nzi̱t ba a̱ni, zi̱ byia̱ a̱wat zi̱ li zi̱ bu tak shi A̱gwaza hu kpa̱sai. A̱wot A̱gwaza wu, a̱ yet A̱za̱za̱rak Ntswa wu a̱ni, a̱ ni̱ tyia̱ zi̱ li nang nggu a̱ni kuzang jen. Mat nang nggu nshai za̱kwa nzi̱t ji zi̱ ka tai nggu ma̱ng a̱kyenkyai shi nggu wu a̱ni.

2 A̱korontiyawa 4:6

Mat A̱gwaza wa ku hyia̱ nyia̱, “Yok sai hu, ku sai mi̱ ndyin hu!” Nggu wa bu tyia̱ sai huni ku sai mi̱ nfwuo nzi̱t na, mat zi̱ ka lyen a̱kyenkyai shi A̱gwaza wu ma̱ a̱ghyi Yesu Kristi ba, a̱ ya á̱ghyi ma̱ mya̱myat a̱myat nang á̱ nwuan a̱ni.

1 Yoona 2:28

Ma̱ninika, mman nung na na̱ yet á̱niet khwi Yesu nang n chat a̱ni, nyi ya a̱son ma̱ng byia̱ a̱meang di̱ mun á̱pyia̱ nyin hu ndung ma̱ng Kristi. Da̱nian jen ji nang gu na mbwuok a̱ bai a̱ni, nyi ka gbang a̱lyia̱, a̱wot nyi bu fa̱k nsum yong a̱zaghyi nggu bah.

1 Yoona 2:3

Ki̱ zi̱ khwi doka A̱gwaza ji, a̱ni wa zi̱ na nnwuak a̱chuchuk nang zi̱ ndyen nggu.

1 Yoona 2:4

Ka̱ a̱yin tak nyia̱, “N dyen A̱gwaza,” a̱wot a̱ si̱ lak khwi doka A̱gwaza ji, a̱tyu a̱wa yet a̱tyu bwoi a̱ka̱laa wa. A̱wot a̱ swan swat lyen a̱chuchuk A̱gwaza wu bah.

1 Yoona 3:2

Á̱kpa̱ndang nung ba nang n chat a̱ni, nang zi̱ ngyet mman A̱gwaza nia ma̱nini a̱ni, ma̱ng a̱nia á̱ ka̱n tyai tangka̱i á̱niet nang zi̱ na yet a̱ni bah. A̱wot zi̱ lyen za̱m nang ka̱ Kristi ba̱ bwuok a̱ bai, zi̱ na tai nggu. Mat zi̱ na li nggu ma̱ cha̱chaat ma̱nang gu ndi a̱ni.

1 Yoona 3:9

Á̱niet ba̱ yet á̱tsatsak mman A̱gwaza a̱ni, ba̱ ni̱ ya a̱son ma̱ng nyia̱ a̱ka̱tuk nyia̱ nchi̱ri̱ng bah, mat za̱kwa mba ji tai si̱ A̱gwaza. Mat a̱nia, ba̱ si̱ mi̱n gya a̱son mi̱ nyia̱ a̱ka̱tuk nyia̱ bah. Mat á̱ byin mba neet Ma A̱gwaza tswazwa, ba̱ yet á̱tsatsak mman A̱gwaza nia.

1 Yoona 4:8

Ma a̱nia wa, a̱tyu da̱ a chat á̱ghyang á̱niet a̱ni bah, a̱ lyen A̱gwaza bah. Mat A̱gwaza wu yet a̱tyu chat á̱niet wa.

1 Yoona 5:18

Zi̱ lyen nang konyan wa yet nggwon A̱gwaza a̱ ya a̱son mi̱ nyia̱ a̱ka̱tuk nyia̱ nchi̱ri̱ng bah, mat Yesu a̱ yet a̱tsak Nggwon A̱gwaza ka a̱ni, chok gu, kalak A̱ta̱nyeang ka ka̱ du tyia̱ nggu swuo a̱bung.

3 Yoona 1:11

Nwan Gayut, a̱kpa̱ndang nung nang n chat a̱ni, yok khwi a̱ka̱tuk za̱kwa wuni bah. Da̱ a̱kwonu a̱kya, khwi a̱tan za̱kwa wu wa. Mat a̱tyu a̱ nyia̱ a̱tan nkyang a̱ni, ku tak nang gu ngyet a̱si̱ A̱gwaza wa. Ma a̱nia wa, a̱tyu a̱ ma nyia̱ á̱ka̱tuk nkyang a̱ni, ku tak nang gu ndyen A̱gwaza bah, ku ma̱ chunchwiit.