1 Yoona 3:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Konyan wa nyia̱ a̱ka̱tuk nyia̱ a̱ni, a̱ tyat doka A̱gwaza ja. Mat a̱mgba̱m á̱ka̱tuk nyia̱ yet tyat doka A̱gwaza hwa.

1 Yoona 3:4 Iomraidhean Croise

Matyu 5:19

“Mat a̱nia, ka̱ nyi lak khwi ku a̱bada̱dei doka a̱nyiung mi̱ doka Musa ji, nyi si̱ bu tyiet á̱ghyang á̱niet ba̱ lak khwi nji hu a̱ni, á̱ na kyiak nyin a̱batsatsak a̱chyuang á̱niet nia mi̱ Tyok Ma A̱gwaza tswazwa hu. A̱wot a̱mgba̱m nyin nyi khwi doká jini, nyi si̱ tyiet ji a̱ni, nyin bya á̱ na kyiak nyin nang a̱cha̱chet á̱niet a̱ni mi̱ Tyok Ma A̱gwaza tswazwa hu.

Nta̱m A̱yaata̱m 23:3

Huhwa Bulut si̱ nyia̱ ma̱ a̱gba̱ndang pris wu, “A̱gwaza na lwi ang mut, nwan a̱bubuk a̱tyu shyuo a̱niet! Zang tangka̱i a̱tyu shi̱ri̱ya hwa nang a yet, a̱wot nwan ma̱ a̱pyia̱ ang a but doka nang a ntyia̱ á̱ si̱ lwi nung a̱nia a̱ni!”

A̱romawa 3:20

Mat á̱ mbyia̱ a̱tyu nang A̱gwaza na tak kpa̱sai a̱ kyiak gu nang a̱tsotswat a̱yin a̱ sang a̱bun a̱zaghyi nggu, di̱n vak khwi doka hu a̱ni bah. A̱wot ta̱m hu nang doka ji nyia̱ a̱ni, huhwa yet; ku tak a̱tyubishyi nang gu ngyet a̱tyu a̱ka̱tuk nyia̱ wa.

A̱romawa 4:15

Á̱niet ba̱ kwan ba̱ khwi doka ji, a̱wot ba̱ si̱ nwai khwi nji cha̱chaat a̱ni, A̱gwaza ni̱ mwai lyen ma̱ng a̱mba, a̱wot á̱ nyep ntangka̱i á̱niet a̱nia. (Mi̱ vak hu nang a̱tyubishyi na nwai tyat doka a̱ni, huhwa yet a̱ byia̱ doka ji bah!)

2 A̱korontiyawa 12:21

A̱tsak a̱lyiat, n bu nfwuong a̱wun, mat ki̱ n bu mbai da̱ a̱vwuo nyin, A̱gwaza nung wu na ghyuai nung a̱zaghyi nyin, n fa̱k nsum di̱ kyang nang nyi nyia̱ a̱ni. A̱wot n na nfa̱k a̱lyia̱ ya ba̱t, mat á̱ghyang á̱niet ma̱ a̱di̱di̱t ma̱ nyin ka̱n ghwon a̱khwukhwop a̱ka̱tuk za̱kwa mba wu bah. Nyi ka̱n ghwon a̱na̱ndyung nyin wu, nyi si̱ nwuo khwi A̱gwaza bah. A̱na̱ndyung nyin wu wa yet; a̱shi̱shi̱k nyia̱ sang nsum nyin wu nang a̱ka̱la̱m a̱ni.

Yakubu 5:15

Tangka̱i naai á̱niet ba̱ nwuak fwuo da̱ A̱gwaza a̱ni, byia̱ chet ku tyia̱ á̱ choot a̱tyu zwan wu. A̱wot ka̱ a̱ nyia̱ a̱ka̱tuk nyia̱, A̱gwaza na chi nggu ndyo.

1 Yoona 5:17

Kuzang a̱ka̱kpa̱t yet a̱ka̱tuk nyia̱ wa. A̱wot a̱ka̱tuk nyia̱ a̱ghyang nshya̱ da̱ a̱ tyei a̱khwu a̱ni bah.