1 Yoona 3:3 - A̠lyiat A̠gwaza na di̠n Tyap: A̠li̠ka̠uli A̠fai

³ A̱wot konyan wa tyia̱ fwuo di̱ Kristi, a̱ ni̱ ja̱u a̱pyia̱ nggu, ma̱nang Kristi nja̱u a̱pyia̱ nggu a̱ni.

1 Yoona 3:3 Iomraidhean Croise

Matyu 5:48

Mat a̱nia, ku yet ta hwa nyi yet á̱tsatsak á̱niet, ma̱nang A̱tyia̱ nyin wu a̱ shya̱ tswazwa ka ngyet a̱tsatsak a̱ni.”

Luka 6:36

Ku yet ta hwa nyi yet á̱niet fwuong kunak; ma̱nang A̱gwaza a̱ yet a̱tyia̱ nyin wu nfwuong kunak a̱ni.

Yoona 17:19

Mat bibya mbyia̱ n ja̱u a̱pyia̱ nung di̱ nyia̱ ta̱m, da̱nian mba mameang á̱ ka ja̱u mbaa ba̱ nyia̱ ta̱m shansham mami a̱chuchuk.

Nta̱m A̱yaata̱m 15:9

Nzi̱t A̱yahudawa ba ma̱ng Nnwap na̱ nwai yet A̱yahudawa a̱ni; A̱gwaza khai a̱yin bah. A̱ chi a̱ka̱tuk nyia̱ mba wu, mat ba̱ nwuak fwuo da̱ nggu meang.

A̱romawa 15:12

A̱wot Ishaya a̱ta̱m a̱kwonu A̱gwaza si̱ bu hyia̱ nyia̱, “A̱ka̱mbwon ka̱ na ya gado tyok a̱gwam Da̱wuda a̱ni, na bai. Ka̱ na nyia̱ tyok tazwa Nnwap na̱ nwai yet A̱yahudawa a̱ni. A̱wot na̱ na tyia̱ fwuo da̱ a̱ka̱mbwon a̱kya.”

2 A̱korontiyawa 7:1

Nyin á̱niet khwi Yesu ba nang n chat a̱ni, mat nang A̱gwaza ka̱n nda̱p nkyang nani a̱ sak a̱ni, si̱ zi̱ ghwon a̱ka̱tuk nyia̱ a̱ tyei nzi̱t a̱na̱ndyung mi̱ nvam nzi̱t na ma̱ng tswá nzi̱t ji a̱ni. A̱wot yok zi̱ ntyia̱ a̱lyia̱, zi̱ yet á̱za̱za̱rak á̱niet, mat zi̱ fwuong a̱wun A̱gwaza.

A̱kolosiyawa 1:5

Nwuak fwuo nyin hu ma̱ng chat á̱ghyang nyin hu tak nang nyi ntyia̱ fwuo di̱n zwá nang A̱gwaza sak nyin dyo a̱mali nggu ka tswazwa a̱ni. Nyi ku mi̱ ntyia̱ fwuo di̱ si̱ huni neet di̱n jen nang nyi ku ntsa fa̱k a̱chuchuk a̱lyiat wu, a̱ yet A̱sham Nkhang ka a̱ni.

2 A̱ta̱solonikawa 2:16

Ma̱ninika, yok A̱tyoli nzi̱t, Yesu Kristi ma̱ a̱pyia̱ nggu, ma̱ng A̱gwaza a̱ yet A̱tyia̱ nzi̱t wu a̱ni, a̱ chat zi̱t a̱wot mat shok nggu ji, a̱ si̱ tyei nzi̱t gba̱gbak ku nwai tyiai a̱ni, a̱wot a̱ si̱ tyia̱ nzi̱t zi̱ ntyia̱ fwuo da̱ nggu;

Titut 3:7

Mat shok gu ja mbyia̱ A̱gwaza si̱ ntak kpa̱sai nang gu nkyiak zi̱t á̱tsotswat á̱niet sang a̱bun a̱zaghyi nggu. Zi̱ si̱ yet á̱niet ya gado swuan sang sangba̱p nang zi̱ ntyia̱ fwuo a̱ni.

Ibriniyawa 12:14

Nyi kwan ba̱t, nyi li nang nyi swan swat nyinyang ma̱ng konyan. A̱wot nyi bu kwan nyi swan a̱za̱za̱rak nswat. Mat á̱ mbyia̱ a̱tyu a̱ na li A̱gwaza a̱ni bah, si̱ nang gu yet a̱za̱za̱rak.

Ibriniyawa 6:18

A̱gwaza ka̱n dyiat tazwa nkyang nfeang nani; ni̱nia yet a̱li̱ka̱uli ma̱ng shyishyi nggu ji. Na̱ si̱ mi̱n shyak bah, mat ku si̱ mi̱n tyia̱ A̱gwaza a̱ bwuo la bah. A̱ nyia̱ a̱li̱ka̱uli ma̱ng shyishyi, da̱nian a̱ ka tyia̱ nzi̱t gba̱gbak zi̱ ntyia̱ fwuo ba̱t ma̱ng gbang a̱lyia̱ di̱ san ku shya̱ á̱zanson nzi̱t a̱ni, nzi̱t á̱niet zi̱ tyong naat da̱ a̱vwuo A̱gwaza di̱ chat a̱vwuo ta̱kup a̱ni.

Ibriniyawa 7:26

Yesu wa yet tangka̱i a̱gba̱ndang pris nang zi̱ chat a̱ beang nzi̱t a̱ni. Mat, a̱ yet a̱za̱za̱rak, a̱ si̱ sang a̱bun. A̱wot da̱ nggu, a̱ byia̱ a̱ka̱tuk nyia̱ bah. Á̱ wa ka̱n khap gu zan ma̱ng á̱niet a̱ka̱tuk nyia̱ ba. A̱gwaza si̱ ta̱ngam ngguu, a̱ si̱ nwuak gu a̱gba̱ndang a̱vwuo shi tswazwa.

Yakubu 4:8

Nyi shyei nat kpa̱mkpaan ma̱ng A̱gwaza. Nggu meang, a̱ na shyei a̱ bai kpa̱mkpaan ma̱ng a̱nyin. Nyin á̱niet a̱ka̱tuk nyia̱, nyi swan a̱za̱za̱rak nswat. Nyin á̱niet nyi khwi A̱gwaza ma̱ng nfwuo nfeang a̱ni, nyi jaat a̱mgba̱m nfwuo nyin na na̱ tyia̱ za̱za̱rak.

1 Bitut 1:15

Da̱ a̱kwonu a̱kya, ku yet ta hwa nyi swan a̱za̱za̱rak swat ma̱nang A̱gwaza a̱ khai nyin ngyet a̱za̱za̱rak a̱ni.

1 Bitut 1:3

Yok á̱ dyep A̱gwaza, a̱ yet A̱tyia̱ A̱tyoli nzi̱t wu, Yesu Kristi a̱ni. Mat si̱sak nang gu nfa̱k kunak nzi̱t ba̱t, a̱ si̱ tyia̱ á̱ si̱ bu byin zi̱t a̱ka̱feang, zi̱ si̱ shya̱ swuan swai; mat nang A̱gwaza nta̱ngam Yesu Kristi ma̱ng swuan ma̱ á̱niet ba̱ ka̱n kwi a̱ni. Si̱ huni nwuak zi̱t chet tyia̱ fwuo ku yet a̱chet a̱ni.

2 Bitut 1:4

A̱wot mat nang A̱gwaza nshi a̱ si̱ bu swak ma̱ng yet a̱tan a̱ni, a̱ si̱ nyia̱ nzi̱t a̱cha̱chet ma̱ng á̱tsatsak a̱li̱ka̱uli nggu ba. Á̱tsatsak a̱li̱ka̱uli bani bya na tyia̱ nyi nyia̱ a̱tan nang A̱gwaza a̱ni. A̱wot nyi shot a̱ka̱tuk nshyuo á̱nietbishyi mi̱ swanta, ji̱ byian za̱kwa nyin ji a̱ni.

2 Bitut 3:14

Mat a̱nia, nyin á̱niet khwi Yesu ba nang n chat a̱ni, nang nyi swan nfwuong a̱tuk a̱kya a̱ni, nyi kwan ba̱t á̱ shya̱ nyin nang nyi swan swat nyinyang ku yet a̱za̱za̱rak a̱ni. Nyi ghwon a̱ka̱tuk nyia̱, nyi yet á̱niet sang a̱bun a̱zaghyi A̱gwaza.

1 Yoona 2:6

Á̱niet ba ba̱ tak nyia̱ ba̱ shya̱ ndung ma̱ng A̱gwaza a̱ni, ku yet ta hwa ba̱ swan ma̱nang Yesu nswan a̱ni.

1 Yoona 4:17

A̱wot nang zi̱ nswan di̱ mun á̱pyia̱ ma̱ng A̱gwaza a̱ni, zi̱ mban a̱tsatsak chat á̱ghyang. A̱jawa zi̱ na fa̱k a̱wun a̱tuk shi̱ri̱ya A̱gwaza ka bah. A̱wot zi̱ na yong a̱zaghyi A̱gwaza mi̱ gbang a̱lyia̱, mat zi̱ swan swat mun á̱pyia̱ ma̱ng a̱nggu mi̱ swanta hu ma̱nang Yesu ku nswan a̱ni.