1 Yoona 3:2 - A̠lyiat A̠gwaza na di̠n Tyap: A̠li̠ka̠uli A̠fai

² Á̱kpa̱ndang nung ba nang n chat a̱ni, nang zi̱ ngyet mman A̱gwaza nia ma̱nini a̱ni, ma̱ng a̱nia á̱ ka̱n tyai tangka̱i á̱niet nang zi̱ na yet a̱ni bah. A̱wot zi̱ lyen za̱m nang ka̱ Kristi ba̱ bwuok a̱ bai, zi̱ na tai nggu. Mat zi̱ na li nggu ma̱ cha̱chaat ma̱nang gu ndi a̱ni.

1 Yoona 3:2 Iomraidhean Croise

Matyu 5:8

A̱gwaza tyei a̱li̱ba̱rka da̱ á̱niet, ba̱ byia̱ a̱za̱za̱rak nfwuo a̱ni. Mat ba̱ na li A̱gwaza.

Luka 17:30

Ma a̱nia wa ku na ndi di̱n jen á̱zanson ji, nang á̱ na ntyai Nggwon A̱tyubishyi kpa̱sai a̱ni.

Luka 20:36

A̱wot da̱ mba, ba̱ bu na kwi bah. Da̱ a̱kwonu a̱kya, ba̱ na li nang a̱yaata̱m tswá A̱gwaza a̱ni. Ba̱ na yet mman A̱gwaza nia. Mat ba̱ na doot ma̱ng swuan ma̱ á̱niet ba̱ ka̱n kwi a̱ni.

Yoona 1:12

A̱mgba̱m ma̱ng a̱nia, á̱niet ba̱ san guu, ba̱ si̱ nwuak fwuo da̱ nggu a̱ni; á̱ nang ba tyok ma̱ng a̱wat ba̱ yet mman A̱gwaza.

Yoona 11:52

(A̱wot A̱yahudawa bya ma̱nyin ba Yesu na khwu da̱nian ba bah. A̱ na khwu da̱nian a̱ ka tung a̱mgba̱m á̱niet ba̱ yet mman A̱gwaza na ba̱ kai swanta hu a̱ni, ba̱ ka mun á̱pyia̱ ba̱ yet kyang nyiung.)

Yoona 17:24

“A̱tyia̱ nung, n chat á̱niet bani nang a nwuak nung a̱ni, ba̱ swan dundung ma̱ng a̱nung di̱n tyan nang a nshya̱ a̱ni, da̱nian ba̱ ka li a̱kyenkyai shi ang wu, nang a ku nwuak nung a̱ni. A ku chat nung neet nang a ka mat swanta hu bah.

A̱romawa 8:16

A̱wot A̱za̱za̱rak Ntswa wu ma̱ a̱pyia̱ nggu, mun dundung ma̱ng tswá nzi̱t ji. A̱ si̱ tak nang zi̱ ngyet á̱tsatsak mman A̱gwaza bya.

A̱romawa 8:18

A̱tsak a̱lyiat, a̱bung ka zi̱ swuo mi̱ jen jini a̱ni, á̱ si̱ mi̱n tyan ka ma̱ng a̱kyenkyai shi wu nang á̱ na tyai nzi̱t ndyo á̱zanson a̱ni bah.

A̱romawa 8:19

A̱mgba̱m nkyang nang A̱gwaza mat mi̱ swanta hu a̱ni, na̱ twei ma̱ng a̱khwu ma̱ng di̱dang na̱ li mam a̱hwa á̱zanson nang A̱gwaza na ntyai tangka̱i á̱niet nang mman nggu na yet a̱ni.

A̱romawa 8:29

A̱tsak a̱lyiat, A̱gwaza ku mi̱ ndyen tangka̱i á̱niet nang á̱niet nggu ba na yet á̱zanson a̱ni. A̱wot a̱ si̱ mi̱ nkhai mba neet gbangbang ba̱ li nang Nggwon nggu ka a̱ni. Da̱nian Nggwon nggu kikya ka̱ ka yet a̱niet khwop wu mami á̱na̱nyiuk ma̱ a̱di̱di̱t, á̱sam ma̱ng á̱nap.

1 A̱korontiyawa 13:12

Ma̱ninika, zi̱ nwuan ghyughyui nang ghwughwu mi̱ ma̱dubi a̱ni. A̱wot jen chobai, zi̱ na li kuzang kyang kpa̱sai, á̱ghyi ma̱ng á̱ghyi. Ma a̱nia wa, a̱mgba̱m nkyang nang n dyen ma̱nini a̱ni, na̱ yet a̱jhyem wa bah. A̱wot jen chobai, n na ndyen kuzang kyang cha̱chaat, di̱ si̱sak ji nang A̱gwaza ndyen nung cha̱chaat a̱ni.

1 A̱korontiyawa 15:49

Ma̱nang zi̱ ngyet ghwughwu a̱tyu nang á̱ nyia̱ ma̱ng mbyin a̱ni; ma a̱nia wa, zi̱ ngyet ghwughwu a̱tyu a̱ neet Ma A̱gwaza tswazwa ka a̱ni.

1 A̱korontiyawa 2:9

Ma a̱nia wa A̱lyiat A̱gwaza nang á̱ lyuut a̱ni nhyia̱, nyia̱, “Á̱ ka̱n di ma̱ng á̱ghyi bah, da̱ mba, á̱ ka̱n fa̱k ma̱ng a̱fufwuo bah; a̱wot a̱yin ka̱n dam mi̱ fwuo nggu hu kyang nang A̱gwaza jhyi a̱ sak da̱nian á̱niet ba̱ chat gu a̱ni bah.”

2 A̱korontiyawa 3:18

Mat a̱nia, a̱mgba̱m nzi̱t nang á̱ ka̱n khwuk nzi̱t a̱toot a̱wa ma̱ a̱ghyi nzi̱t ba a̱ni, zi̱ byia̱ a̱wat zi̱ li zi̱ bu tak shi A̱gwaza hu kpa̱sai. A̱wot A̱gwaza wu, a̱ yet A̱za̱za̱rak Ntswa wu a̱ni, a̱ ni̱ tyia̱ zi̱ li nang nggu a̱ni kuzang jen. Mat nang nggu nshai za̱kwa nzi̱t ji zi̱ ka tai nggu ma̱ng a̱kyenkyai shi nggu wu a̱ni.

2 A̱korontiyawa 4:17

Mat, a̱bung ka nang zi̱ swuo ma̱nini a̱ni, shii bah. A̱wot ka̱ na labeang bah, ka̱ na̱ tyak. A̱mgba̱m ma̱ng a̱nia, a̱bung kani ka̱ tyei nzi̱t a̱kyenkyai shi wu a̱ni, na swak swuo a̱bung nang zi̱ swuo ma̱nini a̱ni ma̱ za̱nzan. A̱wot a̱kyenkyai shi wu na ba̱ng si̱ nat sang sangba̱p!

A̱ga̱la̱tiyawa 3:26

Si̱sak nang nyi nnwuak fwuo di̱ Yesu a̱ni, tyia̱ nyi yet mman A̱gwaza. Mat nyi mun á̱pyia̱ ma̱ng Yesu Kristi.

A̱ga̱la̱tiyawa 4:6

Mat nang nyin ma̱ng a̱nzi̱t ngyet mman nia a̱ni, A̱gwaza si̱ ta̱m ma̱ng A̱za̱za̱rak Ntswa Nggwon nggu wu mi̱ nfwuo nzi̱t na. Nggu wa tyei nang zi̱ ngyei A̱gwaza, “Abba, A̱tyia̱!”

A̱filibiyawa 3:21

Kristi na shyak á̱bobwot nvam nzi̱t nani na̱ tyiai a̱ni, a̱ tyia̱ na na̱ tai vam a̱kyenkyai shi nggu hu. A̱ na nyia̱ si̱ huni mat chet nang gu byia̱ a̱ nnyia̱ tyok tazwa a̱mgba̱m kuzang kyang a̱ni.

A̱kolosiyawa 3:4

A̱wot jen nang Kristi a̱ yet a̱tyin nwuat nyin swuan na mbwuok a̱ bai kpa̱sai mi̱ swanta hu a̱ni; ma a̱nia wa nyin meang, á̱ na tyai nyin kpa̱sai nyi shya̱ dundung ma̱ng a̱nggu ma̱ a̱kyenkyai shi wu.

Ibriniyawa 9:28

Ma a̱nia wa, Kristi ku neap a̱pyia̱ nggu nang za̱nang a̱ni, a̱ si̱ khwu a̱ka̱nyiung, da̱nian gu ka chi a̱ka̱tuk nyia̱ á̱niet ma̱ a̱di̱di̱t. A̱wot a̱ bu na bwuok a̱ bai a̱ka̱feang ka, da̱nian a̱ ka chi a̱ka̱tuk nyia̱ nzi̱t wu wa bah. Da̱ a̱kwonu a̱kya, a̱ na bai wa a̱ san a̱mgba̱m á̱niet ba, ba̱ swan á̱ fwuong chobai nggu hu a̱ni.

2 Bitut 1:4

A̱wot mat nang A̱gwaza nshi a̱ si̱ bu swak ma̱ng yet a̱tan a̱ni, a̱ si̱ nyia̱ nzi̱t a̱cha̱chet ma̱ng á̱tsatsak a̱li̱ka̱uli nggu ba. Á̱tsatsak a̱li̱ka̱uli bani bya na tyia̱ nyi nyia̱ a̱tan nang A̱gwaza a̱ni. A̱wot nyi shot a̱ka̱tuk nshyuo á̱nietbishyi mi̱ swanta, ji̱ byian za̱kwa nyin ji a̱ni.

1 Yoona 2:28

Ma̱ninika, mman nung na na̱ yet á̱niet khwi Yesu nang n chat a̱ni, nyi ya a̱son ma̱ng byia̱ a̱meang di̱ mun á̱pyia̱ nyin hu ndung ma̱ng Kristi. Da̱nian jen ji nang gu na mbwuok a̱ bai a̱ni, nyi ka gbang a̱lyia̱, a̱wot nyi bu fa̱k nsum yong a̱zaghyi nggu bah.

1 Yoona 2:7

Á̱niet khwi Yesu ba nang n chat a̱ni, n dyuut nyin doka swai ja bah. Da̱ a̱kwonu a̱kya, a̱khwukhwop doka wu nang nyi ku mi̱ nfa̱k neet gbangbang a̱ni, nggu wa yet, “Nyi chat á̱ghyang.” A̱lyiat nang nyi ku fa̱k gbangbang a̱ni, ni̱nia na.

1 Yoona 3:1

Nyi dam si̱sak ji nang A̱tyia̱ nzi̱t wu nchat zi̱t a̱tsatsak chat a̱ni, mat a̱ kyiak zi̱t nang mman nggu a̱ni. A̱tsak a̱lyiat mman nggu ni̱nia nang zi̱ yet. A̱mgba̱m ma̱ng yet mman A̱gwaza nzi̱t hu, á̱niet mi̱ swanta ba fi̱k nang zi̱ ngyet mman nggu nia bah, mat si̱sak nang ba̱ ndyen nggu a̱ni bah.

1 Yoona 3:10

Ma̱ninika, zi̱ lyen si̱sak nang á̱ na nfi̱k á̱tsatsak mman A̱gwaza na a̱ni, ma̱ng á̱si̱ ba ba̱ yet mman A̱ta̱nyeang na a̱ni: Kuzang a̱yin da̱ a̱ nyia̱ tsotswat a̱ni bah, a̱wot a̱ si̱ lak chat á̱niet khwi á̱ghyang a̱ni, a̱tyu a̱wa yet a̱si̱ A̱gwaza wa bah.

1 Yoona 3:21

Nyin á̱kpa̱ndang nung ba nang n chat a̱ni, ki̱ nfwuo nzi̱t na kpaat zi̱t na̱ si̱ bat zi̱t a̱bun bah, zi̱ byia̱ a̱wat zi̱ gbang a̱lyia̱ zi̱ bai a̱zaghyi A̱gwaza.

1 Yoona 5:1

Konyan wa nwuak a̱chuchuk nyia̱ Yesu wa yet Kristi, a̱tyu nang A̱gwaza kup gu tyok a̱ni, a̱tyu a̱wa yet nggwon A̱gwaza kya. Konyan wa chat A̱tyia̱ wu, a̱ na chat mman nggu na meang.

Tyai Á̱zanson 2:28

Ba̱ na byia̱ tyok ma̱ cha̱chaat ma̱nang A̱tyia̱ nung wu nnang nung a̱ni. N bu na nang mba a̱na̱ndan, a̱ yet a̱ta̱ngwat ka̱ ni̱ ghwut mi̱ shong a̱tson a̱ni!

Tyai Á̱zanson 22:4

A̱wot ba̱ na li a̱ghyi nggu ba. A̱wot á̱ na lyuut a̱lyoot nggu ka nang zwunzwuo a̱ni, di̱ kpi̱kpeang mba hu.