1 Yoona 3:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ Si̱sak nang zi̱ ndyen kyang nang a̱tsak chat wu yet a̱ni, jija ji: Yesu tak zi̱t chat nggu hu di̱ si̱sak nang gu nnwuak swuan nggu ji da̱nian nzi̱t a̱ni. Ma a̱nia wa, ku myim nzi̱t meang zi̱ ma nwuak swuan nzi̱t ji da̱nian á̱niet khwi á̱ghyang.

1 Yoona 3:16 Iomraidhean Croise

Matyu 20:28

Mat, ku Nggwon A̱tyubishyi ka ku bai á̱ nyia̱ nka khwo hwa bah. A̱wot ka̱ ku bai ka̱ ka nyia̱ á̱ghyang á̱niet bya khwo hu, ka̱ bu nwuak swuan nka ji, ji̱ yet zang da̱nian ka̱ ka nsan á̱niet ma̱ a̱di̱di̱t.”

Yoona 10:11

“Nung gwa ngyet a̱tan a̱tyu chok wu. A̱tan a̱tyu chok wu ni̱ nwuak swuan nggu ji da̱nian zón seap ji.

Yoona 10:15

Ma̱nang A̱tyia̱ nung wu ndyen nung a̱ni; nung mameang, n si̱ ndyen A̱tyia̱ nung wu. N shya̱ mi̱ fwuo n khwu da̱nian zón seap nung ji.

Yoona 13:34

Doka swai ja nang n nwuat nyin: Nyi chat á̱ghyang nyin! Ma̱nang n chat nyin a̱ni; ma a̱nia wa nyin mameang, nyi na nchat á̱ghyang.

Yoona 3:16

“Mat A̱gwaza ku fa̱k da̱ á̱niet mi̱ swanta ba ba̱t. Huhwa si̱ tyia̱ a̱ si̱ neap Nggwon nang gu byia̱ ma̱nyin ka a̱ni; da̱nian konyan wa nwuak fwuo da̱ nka a̱ni, a̱ na khwu bah, a̱wot a̱ na shya̱ swuan sang sangba̱p ja.

Nta̱m A̱yaata̱m 20:28

“Nyi cham pyipyia̱ nyin, ma̱ng a̱mgba̱m á̱niet khwi A̱gwaza ba. Nyi chok sot á̱niet khwi A̱gwaza ji, nang gu san ma̱ng a̱za̱za̱rak a̱sok Yesu a̱ yet Nggwon nggu ka a̱ni. Á̱niet khwi bibya nang A̱za̱za̱rak Ntswa wu tyia̱ nyin ndyo mbwak. Nyi yet ba a̱yaakwak a̱son.

A̱romawa 16:4

A̱tsak a̱lyiat, bibya ku nwuak á̱pyia̱ mba ma̱ng swuan mba ji da̱nian nung. N gwai mba ba̱t, ma̱ng a̱mgba̱m susot á̱niet khwi ba̱ nwai yet A̱yahudawa ba a̱ni.

A̱romawa 5:8

A̱wot A̱gwaza tak zi̱t kpa̱sai nang gu nchat zi̱t ba̱t, di̱ si̱sak nang gu nta̱m Kristi gu khwu da̱nian nzi̱t, neet nang zi̱ ni̱ yet á̱niet a̱ka̱tuk nyia̱ a̱ni.

2 A̱korontiyawa 4:12

Huhwa mbyia̱ zi̱ ni̱ nwuan a̱khwu, a̱wot si̱ a̱hwa ka̱n tyia̱ nyin nyi shya̱ swuan sang sangba̱p.

A̱fisawa 5:2

Nyi swan swat chat á̱ghyang, nyi khwi kidee Kristi ji. A̱ chat zi̱t, a̱ si̱ bu nwuak a̱pyia̱ nggu. A̱ si̱ khwu da̱nian nzi̱t, nang za̱nang á̱ fwui ji̱ byia̱ swam nyinyang nang A̱gwaza chat a̱ni.

A̱fisawa 5:25

Nyin á̱tyok, ku myim nyi chat á̱nyiuk nyin ba, ma̱nang Kristi nchat á̱niet khwi ba, a̱wot a̱ si̱ nwuak a̱pyia̱ nggu a̱ si̱ khwu da̱nian mba a̱ni.

A̱filibiyawa 2:17

Ka̱ a̱nia wa, n na nfa̱k fwuo sai, ku nang n na ndyin swuan nung ji, nang á̱ ni̱ nkoot za̱nang ji yet a̱sok a̱zaghyi A̱gwaza a̱ni. Za̱nang jini bu tai á̱tsotswat nta̱m nyin wu na̱ yet kidee za̱nang a̱zaghyi A̱gwaza a̱ni. A̱mgba̱m ma̱ng a̱nia, n chat a̱mgba̱m nyin nyi beang nung a̱gwai a̱nia.

A̱filibiyawa 2:30

Mat a̱ ku nwuak swuan nggu ji a̱ si̱ shim a̱khwu da̱nian ta̱m Kristi. A̱wot a̱ si̱ beang nung a̱kwonu nyin nang nyin bya myim nyi beang nung a̱ni, ki̱ nyi wa shya̱ kpa̱mkpaan a̱ji.

1 A̱ta̱solonikawa 2:8

Zi̱ chat nyin ba̱t, huhwa si̱ mbyia̱ zi̱ si̱ fa̱k a̱lyia̱ sai zi̱ shei nyin A̱sham nkhang A̱gwaza kya ma̱nyin ka bah. A̱wot zi̱ si̱ nwuak swuan nzi̱t ji ja, mat nyi yet á̱niet nang zi̱ fa̱k da̱ mba a̱ni za̱m.

Titut 2:13

Zi̱ ya nswan fwuong a̱tsatsak mam a̱gwai a̱hwa nang zi̱ ntyia̱ fwuo a̱ni, nang Yesu Kristi a̱ yet a̱gba̱ndang A̱gwaza ma̱ng A̱tyusan nzi̱t wu na mbwuok a̱ bai ma̱ng a̱kyenkyai shi nggu wu kpa̱sai a̱ni.

1 Bitut 1:18

Mat nyi lyen A̱gwaza ku tan zang gu nsan nyin nyi yet á̱sa̱t á̱niet da̱ a̱buk nswat nang a̱yaatyia̱ a̱khwop nyin ba ku ghwon nyin ndyo a̱ni. A̱wot zang ji gu ku tan a̱ni, ji̱ ku yet a̱zurfa ku zi̱nariya a̱ tyiai a̱ni bah.

1 Bitut 2:24

Nggu ma̱ a̱pyia̱ nggu, ku kyiak a̱ka̱tuk nyia̱ nzi̱t wu mi̱ vam nggu hu da̱ a̱team a̱khwu; da̱nian zi̱ ka yet nkwom di̱ nyia̱ a̱ka̱tuk nyia̱, a̱wot zi̱ yet a̱chet di̱ nyia̱ a̱tsotswat nta̱m. Mat a̱fi̱fa̱t gu bibya, nang á̱ nchoot nyin.

1 Bitut 3:18

A̱tsak a̱lyiat, Yesu ma̱ a̱pyia̱ nggu ku swuo a̱bung da̱ a̱ka̱nyiung mat a̱ka̱tuk nyia̱ nzi̱t wu. A̱wot a̱ bu na swuo a̱bung bah. A̱ ku yet a̱tsotswat wa. A̱wot a̱ si̱ khwu da̱nian á̱niet a̱ka̱tuk nyia̱, gu ka neap zi̱t a̱za̱za̱rak a̱zaghyi A̱gwaza. Á̱ ku hyat gu mi̱ vam hwa. A̱wot á̱ si̱ ta̱ngam gu ma̱ng swuan mami A̱za̱za̱rak Ntswa.

1 Yoona 2:6

Á̱niet ba ba̱ tak nyia̱ ba̱ shya̱ ndung ma̱ng A̱gwaza a̱ni, ku yet ta hwa ba̱ swan ma̱nang Yesu nswan a̱ni.

1 Yoona 2:9

Ka̱ a̱yin tak nyia̱, “N shya̱ mami sai,” a̱wot a̱ si̱ lak li á̱na̱nyiuk nggu ba ba̱ yet á̱niet khwi a̱ni, a̱tyu a̱wa ni̱ shya̱ mi̱ ndyin hwa.

Tyai Á̱zanson 1:5

Byat hu si̱ bu neet da̱ a̱vwuo Yesu Kristi. Nggu wa yet a̱tsotswat a̱tyu a̱ nwuak sheda tazwa nkyang nani a̱ni. Nggu wa si̱ bu yet a̱tyu nang A̱gwaza tsa ta̱ngam ma̱ng swuan ma̱ á̱niet ba̱ ka̱n kwi a̱ni. Nggu wa bu nyia̱ tyok tazwa a̱mgba̱m á̱gwam swanta ba. Yok a̱mgba̱m a̱kyenkyai shi a̱ yet si̱ ngguu. Mat a̱ chat zi̱t, a̱ si̱ ti̱n zi̱t ma̱ a̱ka̱tuk nyia̱ nzi̱t wu, di̱ nwuak a̱sok nggu na da̱nian zi̱t.

Tyai Á̱zanson 5:9

A̱wot ba̱ si̱ bwom a̱bwom a̱fai nyia̱: “Nwan wa maai a san ta̱ka̱da hu nang á̱ kut di̱n shan ji a̱ni, a bu ghwok a̱yaatimi ba, a̱wot a fang huu! Mat nwan wa á̱ ku faat, a̱wot a̱sok ang nia yet zang a nsan á̱niet da̱nian A̱gwaza a̱ni; á̱niet mi̱ kuzang nwap, a̱lyem, ma̱ng kuzang a̱byin!