1 Yoona 3:12 - A̠lyiat A̠gwaza na di̠n Tyap: A̠li̠ka̠uli A̠fai

¹² Ku myim zi̱ yok tai Kayinu a̱ yet a̱si̱ A̱ta̱nyeang a̱ni bah. Nggu wa ku hyat a̱na̱nyiuk nggu wu, Abila. Yihwa mbyia̱ Kayinu ku nhyat a̱na̱nyiuk nggu wu? Mat nta̱m Kayinu na ku yet a̱ka̱tuk, a̱wot si̱ Abila na si̱ yet a̱tsotswat wa.

1 Yoona 3:12 Iomraidhean Croise

Matyu 13:19

Gak hu nang zwá yak ji nkwa̱i a̱ni, huhwa yet kidee nfwuo á̱niet na ba̱ fa̱k a̱lyiat Tyok A̱gwaza na, a̱wot ba̱ si̱ nwai fi̱k na a̱ni. A̱wot A̱ta̱nyeang ka si̱ bai, ka̱ si̱ ta̱wap A̱lyiat A̱gwaza na nang á̱ nai mi̱ nfwuo mba na a̱ni. Ka̱ si̱ ghwon mbaa.

Matyu 13:38

A̱wot a̱byin kikya yet kidee swanta hu. A̱tan zwá wu wa yet kidee mman Tyok Ma A̱gwaza tswazwa na. A̱wot ja̱m ji ja si̱ yet kidee mman A̱ta̱nyeang na.

Matyu 23:35

Mat a̱nia, á̱ na ba̱ng nyin mat hyaai a̱mgba̱m á̱tsotswat á̱niet mi̱ kuzang che mi̱ swanta! Neet di̱ hyat Habila a̱ ku yet a̱tsotswat a̱ni, ba̱ng si̱ nat Za̱ka̱riya a̱fai Ba̱rikiya, a̱tyu nyi ku hyat A̱mali Nwuat Za̱nang A̱gwaza ka a̱ni, ma̱ka̱wa̱tyia̱ A̱swang ka̱ yet A̱za̱za̱rak A̱ Swak ma̱ng a̱tyii za̱nang wu a̱ni.

Matyu 27:23

Gwomna Bilatut si̱ lyip ba, nyia̱ “Yihwa mbyia̱, zang a̱bun wa nang gu bwuo?” A̱wot á̱kpa á̱niet ka si̱ mbeang khwot a̱gugong mi̱ chet nyia̱, “Á̱ kpang gu da̱ a̱team a̱khwu wu!”

Matyu 5:37

Da̱ a̱kwonu a̱kya, nyi yok a̱lyiat nyin na na̱ yet a̱fang. Ka̱ nyi shim na nyia̱ kyang, nyi tyia̱ ‘Ii.’ Ka̱ nyi shim bah, nyi tyia̱ ‘Kaai.’ A̱wot ka̱ nyi shyi shyishyi ji̱ swak a̱nia a̱ni, ji̱ neet da̱ a̱vwuo A̱ta̱nyeang kya.

Luka 11:51

kyiak neet di̱ hyat Habila a̱ ku yet a̱tsotswat a̱ni, ba̱ng si̱ nat di̱ Za̱ka̱riya a̱ ku yet pris gbangbang, a̱tyu á̱ ku hyat ma̱ a̱ka̱wa̱tyia̱ a̱tyii mi̱ didyaat ma̱ng A̱li Nwuat Za̱nang A̱gwaza ka a̱ni. N tak nyin a̱tsak a̱lyiat; A̱gwaza na ba̱ng che huni mat hyaai á̱niet bani!

Yoona 10:32

A̱jawa, Yesu si̱ nyia̱ ma̱ng a̱mba, “N ka̱n nyia̱ a̱tan nta̱m ma̱ a̱di̱di̱t nang A̱tyia̱ nung wu nwuak nung n nyia̱ a̱ni a̱zaghyi nyin. Zang huhwa nang n nyia̱, nang nyi nchat mang nung ma̱ng nfang na?”

Yoona 8:40

Nyin bya ba di̱ yong huni, nyi chat nyi hyat nung; nung a̱tyu n tak ma̱ng a̱nyin a̱chuchuk nang n fa̱k da̱ a̱vwuo A̱gwaza a̱ni. A̱nia wa nang Ibrahim ku nnyia̱ bah.

Yoona 8:41

Nyi nyian kyang nang a̱tyia̱ nyin wu nyia̱ wa a̱ni.” Ba̱ si̱ nyia̱, “A̱gwaza wa ma̱ a̱pyia̱ nggu yet A̱tyia̱ nzi̱t wu! Á̱ tyei nzi̱t di̱n vak katnaan bah. A̱gwaza wa ma̱ a̱pyia̱ nggu tyei nzi̱t, zi̱ yet mman gu nia za̱m!”

Nta̱m A̱yaata̱m 7:52

Á̱ ku mbyia̱ a̱ta̱m a̱kwonu A̱gwaza a̱nyiung nang a̱yaatyia̱ a̱khwop nyin ba ku nwai ya̱shuk a̱ni a̱?! A̱wot ba̱ ku mun á̱ hyaai a̱yaata̱m a̱kwonu A̱gwaza ba, ba̱ ku shei á̱zanson di̱ chobai A̱tsotswat A̱khwo A̱gwaza wu! Nggu wa yet Kristi nang nyi ku lyap, nyi si̱ hyat a̱ni.

1 A̱ta̱solonikawa 2:14

Á̱na̱nyiuk nung ba mi̱ khwi Yesu nang n chat a̱ni, nyi ku maat á̱niet khwi A̱gwaza ba ba̱ shya̱ mi̱ fam a̱byin Yahudiya ba̱ mun á̱pyia̱ ma̱ng Yesu Kristi a̱ni. Mat swuo a̱bung hu nang nyi ku swuo mbwak á̱niet nyin ba a̱ni, ma a̱nia wa ba̱ nswuo a̱bung mbwak A̱yahudawa ba, ba̱ yet á̱niet mba ba a̱ni.

Ibriniyawa 11:4

Mat nang Abila ku nnwuak fwuo da̱ A̱gwaza a̱ni, a̱ si̱ neap za̱nang ji̱ myim A̱gwaza a̱ni, a̱ swak si̱ Kayinu ji. A̱gwaza ku kyiak Habila a̱ yet a̱tsotswat a̱yin wa. A̱ si̱ san za̱nang nggu ji. A̱nia wa, A̱gwaza si̱ ntak kpa̱sai nang gu nfa̱k nyinyang za̱nang nggu ji. Ku nang Abila nkhwu neet gbangbang a̱ni, kidee nwuak fwuo nggu ji ni̱ lyiat ma̱ng a̱nzi̱t ba̱ng ba̱ tat a̱fwun.

Ibriniyawa 12:24

Nyi ka̱n bai da̱ a̱vwuo Yesu, a̱tyu a̱ yong da̱ a̱ka̱wa̱tyia̱ á̱nietbishyi ma̱ng A̱gwaza da̱ a̱kwonu la̱p a̱li̱ka̱uli a̱fai hu a̱ni. A̱wot a̱sok nggu na nang á̱ koot á̱ si̱ ya̱sang a̱ni, ni̱nia chi a̱ka̱tuk nyia̱. Na̱ si̱ swak a̱sok Habila na̱ tak tan a̱ka̱tuk ma̱ng a̱ka̱tuk mi̱ yet a̱ni.

1 Bitut 4:4

Mami a̱chuchuk, á̱kpa̱ndang nyin ba mi̱ njen nang nyi nshya̱ mi̱ ndyin a̱ni, ma̱ninika ba̱ fwuong a̱ga̱de nang nyi ndak nyia̱ a̱dodo a̱shi̱shi̱k nyia̱ nang ba̱ nnyia̱ a̱ni. Mat a̱nia, ba̱ lyiat nyin lihyat.

1 Yoona 3:8

Ma a̱nia wa, konyan wa ya a̱son ma̱ng nyia̱ a̱ka̱tuk nyia̱ a̱ nchi̱ri̱ng, ku tak nang gu ngyet a̱si̱ A̱ta̱nyeang wa. Mat A̱ta̱nyeang ka mi̱ nnyia̱ a̱ka̱tuk nyia̱ neet gbangbang. Kyang ku mbyia̱ bai Yesu hu a̱ni huhwa hu; da̱nian gu ka bi̱ri̱m nta̱m A̱ta̱nyeang na.

Yahuda 1:11

Ku swan baa! Mat ba̱ khwi kidee za̱kwa Kayinu. Nggu wa ku hyat a̱na̱nyiuk nggu wu Abila. Ma a̱nia wa, á̱niet tyiet bani ni̱ shyuo á̱niet mat chat kurum ma̱nang Ba̱lam ku nyia̱ a̱ni. A̱wot ma̱nang Kora ma̱ng á̱niet nggu ba meang ku nnyia̱ a̱ni, ba̱ na kwi mat tyia̱ zat mba hu.

Tyai Á̱zanson 17:6

N si̱ ndi a̱byii̱k a̱wa nang gu hyeng ma̱ng a̱sok á̱za̱za̱rak á̱niet khwi A̱gwaza, ba̱ ku shei A̱sham Nkhang Yesu ka a̱ni. Jen nang n nwuan nggu a̱ni, n si̱ ntyia̱ ma̱ a̱tai.