1 Yoona 3:11 - A̠lyiat A̠gwaza na di̠n Tyap: A̠li̠ka̠uli A̠fai

¹¹ A̱lyiat nang nyi ku fa̱k neet di̱n tsa hu a̱ni ni̱nia yet: Ku yet ta hwa zi̱ chat á̱ghyang nzi̱t.

1 Yoona 3:11 Iomraidhean Croise

Yoona 13:4

Di̱n jen nang ba̱ nshya̱ di̱ ya kyayak hu a̱ni, Yesu si̱ kin doot a̱ yong. A̱ si̱ khwuk a̱toot nang gu kup a̱ni. A̱ si̱ ghwon a̱si̱ mami wu, a̱ si̱ kyiak ta̱wul, a̱ si̱ gaat ndyang.

Yoona 15:12

Doka nung ji nang n nwuat nyin a̱ni, jija yet; nyi chat á̱ghyang nyin, ma̱ cha̱chaat di̱ si̱sak nang n chat nyin a̱ni.

A̱ga̱la̱tiyawa 6:2

Nyi ni̱ mbeang á̱niet ba̱ swuo a̱bung ma̱ng a̱fi̱fa a̱ li nang a̱kpi̱di̱dyi̱k nkpa̱t a̱ni. Di̱ nvak huni hwa nyi na nkhwi doka ji cha̱chaat nang Kristi nwuak nyin a̱ni.

A̱fisawa 5:2

Nyi swan swat chat á̱ghyang, nyi khwi kidee Kristi ji. A̱ chat zi̱t, a̱ si̱ bu nwuak a̱pyia̱ nggu. A̱ si̱ khwu da̱nian nzi̱t, nang za̱nang á̱ fwui ji̱ byia̱ swam nyinyang nang A̱gwaza chat a̱ni.

1 A̱ta̱solonikawa 4:9

Da̱ a̱lyiat chat á̱ghyang na, zi̱ na chat zi̱ lyuut nyin ndyo bah. Mat nyin ma̱ á̱pyia̱ nyin, A̱gwaza wa ka̱n tyiet nyin, nyi ka chat á̱ghyang.

1 Timoti 1:5

Kyang nang tyiet nung huni fa a̱ni, huhwa yet; ku myim a̱mgba̱m á̱niet khwi ba̱ chat á̱ghyang ma̱ a̱za̱za̱rak nfwuo, ba̱ bu yet á̱niet ba̱ nwai nyia̱ a̱ka̱tuk nang nfwuo mba na kpaat ba a̱ni, ba̱ bu nwuak fwuo di̱ Yesu mami a̱chuchuk.

1 Bitut 1:22

Á̱ ku jaat nyin a̱ka̱tuk nyia̱ nyin wu di̱n jen nang nyi ku nwuo khwi a̱chuchuk wu a̱ni. Ma̱ninika, ku yet ta hwa, nyi tak nang nyi nchat á̱ghyang nyin a̱tsatsak chat nang á̱na̱nyiuk a̱ni. Nyi chat á̱ghyang nyin ma̱ng a̱mgba̱m nfwuo nyin na.

1 Bitut 3:8

Di̱ ngaan hu, yok a̱di̱dam nyin wu a̱ yet a̱nyiung. Nyi fa̱k kunak á̱ghyang. Nyi chat á̱ghyang nyin nang á̱na̱nyiuk a̱ni. Nyi byia̱ fwuo beang á̱ghyang. Nyi yok nyia̱ gba̱p a̱pyia̱ bah.

1 Bitut 4:8

Kyang ku swak a̱mgba̱m a̱ni, huhwa yet; nyi ya a̱son ma̱ng chat á̱ghyang nyin ba̱t. Mat chat hu ni̱ chi a̱ka̱tuk nyia̱ ma̱ a̱di̱di̱t.

1 Yoona 1:5

A̱lyiat na nang zi̱ fa̱k da̱ a̱vwuo Nggwon nggu ka a̱ni, ni̱nia nang zi̱ shei nyin: A̱gwaza yet sai hwa. A̱wot da̱ a̱vwuo nggu lyin nshya̱ bah, ku ma̱ chunchwiit!

1 Yoona 4:11

Nyin á̱kpa̱ndang nung ba nang n chat a̱ni, mat nang A̱gwaza nchat zi̱t ba̱t a̱ni, ma a̱nia wa ku yet ta hwa nzi̱t meang zi̱ ma nchat á̱ghyang nzi̱t.

1 Yoona 4:21

Doka jini ja nang Yesu mi̱ nnwuak zi̱t nyia̱: A̱tyu a̱ chat A̱gwaza a̱ni, ku yet ta hwa, gu chat á̱niet khwi á̱ghyang.

1 Yoona 4:7

Nyin á̱kpa̱ndang nung ba nang n chat a̱ni, yok zi̱ ya a̱son ma̱ng chat á̱ghyang, mat A̱gwaza wa nang zi̱t chet zi̱ chat á̱ghyang. Konyan wa chat á̱ghyang á̱niet, a̱tyu a̱wa tak nang gu ngyet a̱tsak nggwon A̱gwaza kya, a̱ si̱ bu lyen A̱gwaza.

2 Yoona 1:5

Ma̱ninika, n naai ang a̱yang a̱li, ku yet ta hwa zi̱ chat á̱ghyang. Doka jini nang n dyuut ang ndyo a̱ni, ji̱ yet swai ja bah. Doka jini ja nang zi̱ za byia̱ neet di̱ tsa nwuo khwi Kristi hu.