1 Yoona 3:10 - A̠lyiat A̠gwaza na di̠n Tyap: A̠li̠ka̠uli A̠fai

¹⁰ Ma̱ninika, zi̱ lyen si̱sak nang á̱ na nfi̱k á̱tsatsak mman A̱gwaza na a̱ni, ma̱ng á̱si̱ ba ba̱ yet mman A̱ta̱nyeang na a̱ni: Kuzang a̱yin da̱ a̱ nyia̱ tsotswat a̱ni bah, a̱wot a̱ si̱ lak chat á̱niet khwi á̱ghyang a̱ni, a̱tyu a̱wa yet a̱si̱ A̱gwaza wa bah.

1 Yoona 3:10 Iomraidhean Croise

Matyu 13:38

A̱wot a̱byin kikya yet kidee swanta hu. A̱tan zwá wu wa yet kidee mman Tyok Ma A̱gwaza tswazwa na. A̱wot ja̱m ji ja si̱ yet kidee mman A̱ta̱nyeang na.

Luka 6:35

Nyi ni̱ nchat á̱niet ba̱ lak li nyin a̱ni! Nyi nyia̱ mba a̱tan nkyang. Nyi bu khwap baa. Nyi yok dam kee ba̱ na nwai tan nyin bah. A̱wot A̱gwaza na tyia̱ nyin a̱gba̱ndang a̱li̱ba̱rka! A̱nia wa nyi na ngyet á̱tsatsak mman A̱gwaza a̱ Swak ma̱ng A̱kyenkyai Shi a̱ni; mat a̱ ni̱ nyia̱ á̱niet sang a̱gwai ma̱ng á̱niet a̱ka̱tuk nyia̱ shok.

Yoona 1:12

A̱mgba̱m ma̱ng a̱nia, á̱niet ba̱ san guu, ba̱ si̱ nwuak fwuo da̱ nggu a̱ni; á̱ nang ba tyok ma̱ng a̱wat ba̱ yet mman A̱gwaza.

Yoona 11:52

(A̱wot A̱yahudawa bya ma̱nyin ba Yesu na khwu da̱nian ba bah. A̱ na khwu da̱nian a̱ ka tung a̱mgba̱m á̱niet ba̱ yet mman A̱gwaza na ba̱ kai swanta hu a̱ni, ba̱ ka mun á̱pyia̱ ba̱ yet kyang nyiung.)

Yoona 8:44

“Nyin, nyi yet mman A̱ta̱nyeang nia; kikya yet a̱tyia̱ nyin wu. A̱wot nyi fa nyi khwi kyang hu nang A̱ta̱nyeang ka chat a̱ni. Neet gbangbang, A̱ta̱nyeang ka ka̱ yet a̱gwam á̱ka̱tuk ntswá wu a̱ni, ka̱ yet a̱tyu hyaai á̱niet wa. Da̱ nka, ka̱ lyiat a̱tsatsak a̱lyiat bah. A̱mgba̱m jen nang ka̱ mbwoi a̱ka̱laa na a̱ni, ka̱ ni̱ nyia̱ kyang hu myim nka wa a̱ni. Mat, ka̱ yet a̱tyu bwoi a̱ka̱laa wa, ma̱ng a̱tyia̱ á̱niet bwoi a̱ka̱laa.

Yoona 8:47

A̱tyu a̱ yet a̱si̱ A̱gwaza a̱ni, a̱ ni̱ myiai a̱fufwuo a̱ fa̱k a̱lyiat A̱gwaza na. Nyin, nyi yet á̱niet A̱gwaza bah. Huhwa mbyia̱ nyi si̱ mi̱n myiai a̱fufwuo nyi fa̱k a̱lyiat A̱gwaza na bah.”

Nta̱m A̱yaata̱m 13:10

A̱jawa Sha̱wulu si̱ nyia̱ ma̱ng A̱limat, “Nwan nggwon A̱ta̱nyeang, a yet a̱tyu bwoi a̱ka̱laa ma̱ng shyuo a̱niet! A̱wot a si̱ yet a̱tyu lak li a̱mgba̱m a̱tan nkyang! A na yok tyei teap da̱ a̱tsatsak nvak A̱gwaza na baa?

A̱romawa 13:8

Nyi yok ba̱ng ta a̱yin bah. Mi̱ ta ku myim á̱ khwi nyin a̱ni, huhwa yet nyi chat á̱ghyang nyin. Ki̱ nyi chat á̱kpa̱ndang swat nyin ba, nyi na nyia̱ kyang nang doka A̱gwaza ji chat a̱ni.

A̱fisawa 5:1

Nang nyi ngyet mman nang A̱gwaza chat a̱ni. Mat a̱nia, nyi kwan nyi tai nggu, di̱ kuzang kyang nang nyi nyia̱ a̱ni.

A̱kolosiyawa 3:14

A̱wot kyang ku yet a̱ swak a̱ni, huhwa yet; nyi ni̱ nchat á̱ghyang nyin nchi̱ri̱ng nang a̱yin ni̱ nkup a̱toot a̱ni. Mat chat á̱ghyang huhwa mun nzi̱t ndung mami a̱tsatsak swat nyinyang.

1 Timoti 1:5

Kyang nang tyiet nung huni fa a̱ni, huhwa yet; ku myim a̱mgba̱m á̱niet khwi ba̱ chat á̱ghyang ma̱ a̱za̱za̱rak nfwuo, ba̱ bu yet á̱niet ba̱ nwai nyia̱ a̱ka̱tuk nang nfwuo mba na kpaat ba a̱ni, ba̱ bu nwuak fwuo di̱ Yesu mami a̱chuchuk.

1 Yoona 2:29

Mat nang zi̱ ndyen nang Kristi ngyet a̱tsotswat wa a̱ni, zi̱ bu lyen konyan wa nyia̱ tsotswat, a̱ yet a̱tsatsak nggwon A̱gwaza wa.

1 Yoona 3:1

Nyi dam si̱sak ji nang A̱tyia̱ nzi̱t wu nchat zi̱t a̱tsatsak chat a̱ni, mat a̱ kyiak zi̱t nang mman nggu a̱ni. A̱tsak a̱lyiat mman nggu ni̱nia nang zi̱ yet. A̱mgba̱m ma̱ng yet mman A̱gwaza nzi̱t hu, á̱niet mi̱ swanta ba fi̱k nang zi̱ ngyet mman nggu nia bah, mat si̱sak nang ba̱ ndyen nggu a̱ni bah.

1 Yoona 3:2

Á̱kpa̱ndang nung ba nang n chat a̱ni, nang zi̱ ngyet mman A̱gwaza nia ma̱nini a̱ni, ma̱ng a̱nia á̱ ka̱n tyai tangka̱i á̱niet nang zi̱ na yet a̱ni bah. A̱wot zi̱ lyen za̱m nang ka̱ Kristi ba̱ bwuok a̱ bai, zi̱ na tai nggu. Mat zi̱ na li nggu ma̱ cha̱chaat ma̱nang gu ndi a̱ni.

1 Yoona 4:21

Doka jini ja nang Yesu mi̱ nnwuak zi̱t nyia̱: A̱tyu a̱ chat A̱gwaza a̱ni, ku yet ta hwa, gu chat á̱niet khwi á̱ghyang.

1 Yoona 4:6

A̱wot nzi̱t, zi̱ yet á̱niet A̱gwaza bya. Á̱niet ba̱ lyen A̱gwaza a̱ni, ni̱ myiai a̱fufwuo ba̱ fa̱k kyang nang zi̱ lyiat a̱ni. Ma a̱nia wa, á̱niet da̱ ba̱ lyen A̱gwaza a̱ni bah, ba̱ ni̱ fa̱k kyang nang zi̱ lyiat a̱ni bah. A̱nia wa nang zi̱ na ndyen ka̱ a̱yin ni̱ lyiat a̱ si̱ tyiet cha̱chaat da̱ a̱kwonu A̱za̱za̱rak Ntswa a̱ tyai a̱chuchuk a̱ni, ma̱ng si̱ ji ji̱ yet si̱ laai á̱niet a̱ni.

1 Yoona 4:8

Ma a̱nia wa, a̱tyu da̱ a chat á̱ghyang á̱niet a̱ni bah, a̱ lyen A̱gwaza bah. Mat A̱gwaza wu yet a̱tyu chat á̱niet wa.

1 Yoona 5:19

Zi̱ lyen nang zi̱ ngyet mman A̱gwaza nia, a̱wot a̱mgba̱m swanta hu shya̱ mbwak tyok A̱ta̱nyeang hwa.

1 Yoona 5:2

Ki̱ zi̱ chat A̱gwaza, a̱wot zi̱ si̱ khwi doka nggu ji, zi̱ lyen nang zi̱ na nchat mman A̱gwaza na.

3 Yoona 1:11

Nwan Gayut, a̱kpa̱ndang nung nang n chat a̱ni, yok khwi a̱ka̱tuk za̱kwa wuni bah. Da̱ a̱kwonu a̱kya, khwi a̱tan za̱kwa wu wa. Mat a̱tyu a̱ nyia̱ a̱tan nkyang a̱ni, ku tak nang gu ngyet a̱si̱ A̱gwaza wa. Ma a̱nia wa, a̱tyu a̱ ma nyia̱ á̱ka̱tuk nkyang a̱ni, ku tak nang gu ndyen A̱gwaza bah, ku ma̱ chunchwiit.