1 Yoona 3:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Nyi dam si̱sak ji nang A̱tyia̱ nzi̱t wu nchat zi̱t a̱tsatsak chat a̱ni, mat a̱ kyiak zi̱t nang mman nggu a̱ni. A̱tsak a̱lyiat mman nggu ni̱nia nang zi̱ yet. A̱mgba̱m ma̱ng yet mman A̱gwaza nzi̱t hu, á̱niet mi̱ swanta ba fi̱k nang zi̱ ngyet mman nggu nia bah, mat si̱sak nang ba̱ ndyen nggu a̱ni bah.

1 Yoona 3:1 Iomraidhean Croise

Luka 20:36

A̱wot da̱ mba, ba̱ bu na kwi bah. Da̱ a̱kwonu a̱kya, ba̱ na li nang a̱yaata̱m tswá A̱gwaza a̱ni. Ba̱ na yet mman A̱gwaza nia. Mat ba̱ na doot ma̱ng swuan ma̱ á̱niet ba̱ ka̱n kwi a̱ni.

Yoona 1:12

A̱mgba̱m ma̱ng a̱nia, á̱niet ba̱ san guu, ba̱ si̱ nwuak fwuo da̱ nggu a̱ni; á̱ nang ba tyok ma̱ng a̱wat ba̱ yet mman A̱gwaza.

Yoona 11:52

(A̱wot A̱yahudawa bya ma̱nyin ba Yesu na khwu da̱nian ba bah. A̱ na khwu da̱nian a̱ ka tung a̱mgba̱m á̱niet ba̱ yet mman A̱gwaza na ba̱ kai swanta hu a̱ni, ba̱ ka mun á̱pyia̱ ba̱ yet kyang nyiung.)

Yoona 15:21

“Ba̱ na nyia̱ nyin a̱ka̱kpa̱t, mat nyi yet a̱si̱ nung bya. A̱wot ba̱ bu lyen a̱tyu a̱ ta̱m ma̱ng a̱nung a̱ni bah.

Yoona 16:3

Ba̱ na nyia̱ a̱nia, mat ba̱ ka̱n dyen A̱tyia̱ wu ma̱ng a̱nung bah.

Yoona 17:25

“A̱tsotswat A̱tyia̱ nung, á̱niet mi̱ swanta ba lyen ang bah. A̱wot nung, n dyen ang. Á̱niet bani mameang, ba̱ si̱ lyen nang nwan wa nta̱m nung.

Yoona 3:16

“Mat A̱gwaza ku fa̱k da̱ á̱niet mi̱ swanta ba ba̱t. Huhwa si̱ tyia̱ a̱ si̱ neap Nggwon nang gu byia̱ ma̱nyin ka a̱ni; da̱nian konyan wa nwuak fwuo da̱ nka a̱ni, a̱ na khwu bah, a̱wot a̱ na shya̱ swuan sang sangba̱p ja.

A̱romawa 5:8

A̱wot A̱gwaza tak zi̱t kpa̱sai nang gu nchat zi̱t ba̱t, di̱ si̱sak nang gu nta̱m Kristi gu khwu da̱nian nzi̱t, neet nang zi̱ ni̱ yet á̱niet a̱ka̱tuk nyia̱ a̱ni.

A̱romawa 8:19

A̱mgba̱m nkyang nang A̱gwaza mat mi̱ swanta hu a̱ni, na̱ twei ma̱ng a̱khwu ma̱ng di̱dang na̱ li mam a̱hwa á̱zanson nang A̱gwaza na ntyai tangka̱i á̱niet nang mman nggu na yet a̱ni.

A̱romawa 8:21

Na̱ nwuan mam á̱zanson nang ba̱ na mmun ndung ma̱ng mman A̱gwaza ma̱ a̱kyenkyai shi nggu wu ma̱ sa̱t, ba̱ shot a̱khwu ma̱ng bwui a̱ni.

A̱romawa 8:32

Mat nang A̱gwaza nnwai vwuong ma̱ng Nggwon nggu ka nang gu byia̱ ma̱nyin ka a̱ni, a̱wot a̱ si̱ neap ka nang za̱nang a̱ni da̱nian zi̱t a̱mgba̱m; a̱tsak a̱lyiat, ku fa za̱m, A̱gwaza na nang zi̱t kuzang kyang meang!

2 A̱korontiyawa 6:18

“A̱jawa nung, A̱gwaza n swak ma̱ng chet a̱ni, si̱ bu nyia̱, ‘Nung, n bu na ngyet A̱tyia̱ nyin. A̱wot nyin nyi yet mman nung, á̱sam ma̱ng á̱nap.’ ”

A̱ga̱la̱tiyawa 3:26

Si̱sak nang nyi nnwuak fwuo di̱ Yesu a̱ni, tyia̱ nyi yet mman A̱gwaza. Mat nyi mun á̱pyia̱ ma̱ng Yesu Kristi.

A̱ga̱la̱tiyawa 3:29

Ka̱nang nyi yet á̱niet khwi Kristi bya, nyi yet a̱tsak kwai Ibrahim wa. A̱wot nyi na yet á̱niet ya gado nang A̱gwaza nyia̱ a̱li̱ka̱uli a̱ na nwuak nyin a̱ni.

A̱kolosiyawa 3:3

Mat ku li á ngyei nyi wa ka̱n kwi di̱n jen nang Kristi ku nkhwu a̱ni. A̱wot swuan swai nyin ji, nang á̱niet si̱ mi̱n di a̱ni bah, shya̱ di̱ niat dundung ma̱ng Yesu di̱ mun á̱pyia̱ ma̱ng A̱gwaza.

1 Yoona 3:10

Ma̱ninika, zi̱ lyen si̱sak nang á̱ na nfi̱k á̱tsatsak mman A̱gwaza na a̱ni, ma̱ng á̱si̱ ba ba̱ yet mman A̱ta̱nyeang na a̱ni: Kuzang a̱yin da̱ a̱ nyia̱ tsotswat a̱ni bah, a̱wot a̱ si̱ lak chat á̱niet khwi á̱ghyang a̱ni, a̱tyu a̱wa yet a̱si̱ A̱gwaza wa bah.

1 Yoona 3:2

Á̱kpa̱ndang nung ba nang n chat a̱ni, nang zi̱ ngyet mman A̱gwaza nia ma̱nini a̱ni, ma̱ng a̱nia á̱ ka̱n tyai tangka̱i á̱niet nang zi̱ na yet a̱ni bah. A̱wot zi̱ lyen za̱m nang ka̱ Kristi ba̱ bwuok a̱ bai, zi̱ na tai nggu. Mat zi̱ na li nggu ma̱ cha̱chaat ma̱nang gu ndi a̱ni.

1 Yoona 4:17

A̱wot nang zi̱ nswan di̱ mun á̱pyia̱ ma̱ng A̱gwaza a̱ni, zi̱ mban a̱tsatsak chat á̱ghyang. A̱jawa zi̱ na fa̱k a̱wun a̱tuk shi̱ri̱ya A̱gwaza ka bah. A̱wot zi̱ na yong a̱zaghyi A̱gwaza mi̱ gbang a̱lyia̱, mat zi̱ swan swat mun á̱pyia̱ ma̱ng a̱nggu mi̱ swanta hu ma̱nang Yesu ku nswan a̱ni.

Tyai Á̱zanson 21:7

A̱mgba̱m á̱niet ba̱ swuo chet swanta hu a̱ni, ba̱ na ya gado a̱mgba̱m a̱li̱ba̱rka wuni! A̱wot n na ngyet A̱gwaza mba, mba meang, ba̱ na yet mman nung!