1 Yoona 2:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Ka̱ a̱yin tak nyia̱, “N shya̱ mami sai,” a̱wot a̱ si̱ lak li á̱na̱nyiuk nggu ba ba̱ yet á̱niet khwi a̱ni, a̱tyu a̱wa ni̱ shya̱ mi̱ ndyin hwa.

1 Yoona 2:9 Iomraidhean Croise

Yoona 9:41

Yesu si̱ nyia̱ ma̱ng a̱mba a̱ni, “Ka̱ nyi wa yet á̱niet a̱fi̱fan bya, si̱ nyi byia̱ a̱bun bah. A̱wot nang nyin nyia̱ nyi nwuan a̱ni, a̱ka̱tuk nyia̱ nyin wu yong da̱ nyin.”

Nta̱m A̱yaata̱m 1:15

Di̱n jen a̱ja, Bitut si̱ doot a̱ yong ma̱ a̱ka̱wa̱tyia̱ á̱niet khwi ba. (Á̱niet ba̱ ku shya̱ a̱ja a̱ni, ku tat chyi ma̱ng nswak nfeang.)

2 Bitut 1:9

A̱wot á̱niet ba̱ sang tangka̱i za̱kwa huni a̱ni, ba̱ nwuan shansham bah. Ba̱ si̱ yet á̱niet a̱fi̱fan bya. Ba̱ si̱ bwung nang á̱ nchi a̱ka̱tuk nyia̱ mba wu, nang ba̱ nyia̱ di̱n jen nwai khwi Yesu ji a̱ni.

1 Yoona 1:6

Mat a̱nia, ki̱ zi̱ tyiet nyia̱ zi̱ byia̱ mun á̱pyia̱ ma̱ng a̱nggu, nang zi̱ ni̱ swan mi̱ ndyin, zi̱ bwoi la hwa. Zi̱ si̱ bu khwi a̱chuchuk wu bah.

1 Yoona 2:11

A̱wot a̱tyu a̱ lak li a̱na̱nyiuk nggu wu a̱ yet a̱tyu khwi Yesu a̱ni, mami ndyin kya nang gu ni̱ nshya̱. A̱ si̱ bu swan mi̱ ndyin. Tangka̱i a̱tyu a̱hwa lyen vak nang gu na nkai a̱ni bah, mat lyin hu tyia̱ a̱ si̱ kwa a̱fi̱fan.

1 Yoona 2:4

Ka̱ a̱yin tak nyia̱, “N dyen A̱gwaza,” a̱wot a̱ si̱ lak khwi doka A̱gwaza ji, a̱tyu a̱wa yet a̱tyu bwoi a̱ka̱laa wa. A̱wot a̱ swan swat lyen a̱chuchuk A̱gwaza wu bah.

1 Yoona 3:10

Ma̱ninika, zi̱ lyen si̱sak nang á̱ na nfi̱k á̱tsatsak mman A̱gwaza na a̱ni, ma̱ng á̱si̱ ba ba̱ yet mman A̱ta̱nyeang na a̱ni: Kuzang a̱yin da̱ a̱ nyia̱ tsotswat a̱ni bah, a̱wot a̱ si̱ lak chat á̱niet khwi á̱ghyang a̱ni, a̱tyu a̱wa yet a̱si̱ A̱gwaza wa bah.

1 Yoona 4:20

Konyan wa tak nyia̱, “N chat A̱gwaza,” a̱wot a̱ si̱ lak li á̱niet khwi á̱ghyang, a̱tyu a̱wa bwoi a̱ka̱laa nia. Mat ka̱ zi̱ lak chat á̱niet nang zi̱ nwuan a̱ni, zi̱ na nyia̱ ni zi̱ nchat A̱gwaza da̱nang zi̱ ka̱n di a̱ni bah?