1 Yoona 2:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ A̱mgba̱m ma̱ng a̱nia, Yesu tak doka swai kpa̱sai di̱ si̱sak nang gu nswan swat nggu hu a̱ni. A̱wot nyin meang, nyi ni̱ ntak ji kpa̱sai di̱ si̱sak ji nang nyi nswan swat nyin hu a̱ni. Mat lyin hu sweap, a̱wot a̱chuchuk sai wu wa si̱ sai.

1 Yoona 2:8 Iomraidhean Croise

Matyu 4:16

á̱niet ba̱ swan mi̱ ndyin a̱ni, ba̱ si̱ li a̱gba̱ndang sai. A̱wot á̱niet ba̱ swan ma̱ a̱ghwaghwu a̱khwu a̱ni, sai A̱gwaza si̱ bai da̱ mba.”

Luka 1:79

Da̱nian ku ka sai tazwa á̱niet ba̱ shya̱ mi̱ ndyin ma̱ng a̱ghwaghwu a̱khwu a̱ni; a̱ bu tyia̱ nzi̱t di̱n vak swat nyinyang.”

Yoona 1:9

Sai huni hwa ku yet a̱tsatsak wu. Ku na bai mi̱ swanta hu, ku sai tazwa a̱mgba̱m á̱nietbishyi ba.

Yoona 12:35

Yesu si̱ nyia̱ ma̱ng a̱mba, “Sai hu shya̱ dundung ma̱ng a̱nyin da̱ a̱bada̱dei njen. Nyi chong di̱n jen ji nang sai hu nshya̱ dundung ma̱ nyin a̱ni, kalak lyin ku shya̱ nyin. Mat a̱tyu a̱ chong mi̱ ndyin a̱ni, a̱ lyen a̱vwuo ka nang gu nchong a̱ ntyei a̱ni bah.

Yoona 12:46

N ku mbai mi̱ swanta hu. N si̱ ndi nang sai a̱ni, da̱nian konyan wa nwuak fwuo da̱ nung, a̱ si̱ mi̱n swan mi̱ ndyin bah.

Yoona 13:34

Doka swai ja nang n nwuat nyin: Nyi chat á̱ghyang nyin! Ma̱nang n chat nyin a̱ni; ma a̱nia wa nyin mameang, nyi na nchat á̱ghyang.

Yoona 8:12

Yesu si̱ bu nyia̱ ma̱ng a̱mba a̱ni, “Nung gwa ngyet sai hu mi̱ swanta hu. Konyan wa khwi nung a̱ni, a̱ na chong mi̱ ndyin bah. A̱ na shya̱ swuan, a̱wot a̱ si̱ mi̱n mak chong mi̱ ndyin bah.”

Nta̱m A̱yaata̱m 17:30

“Gbangbang, A̱gwaza ku nwuan nkyang na nang á̱nietbishyi nyia̱ a̱ni gbi̱t, mat nwai lyen mba hu. A̱wot ma̱ninika, A̱gwaza tyia̱ konyan ma̱ kuzang a̱vwuo gu ghwon a̱ka̱tuk nyia̱, a̱ khwi ngguu.

Nta̱m A̱yaata̱m 26:18

Nwan wa na tat ba á̱ghyi ba, da̱nian ba̱ ka ghwut mi̱ ndyin, ba̱ nat da̱ a̱vwuo sai; a̱wot a tyia̱ ba̱ ghwut mi̱ ntyok A̱ta̱nyeang ba̱ nwuo Tyok A̱gwaza hu. A̱jawa A̱gwaza na chi a̱ka̱tuk nyia̱ mba wu. A̱wot ba̱ na shya̱ a̱vwuo nswat dundung ma̱ng á̱niet ba̱ yet á̱si̱ A̱gwaza a̱ni; bibya á̱ khap á̱ sak da̱nian ba̱ ka nwuak fwuo da̱ nung.’

A̱romawa 13:12

A̱tyetuk ka shim tyak. A̱tsotson nang zi̱ na nshya̱ san da̱ a̱vwuo A̱gwaza a̱ni si̱ shim tat. Mat a̱nia, si̱ nyi ghwon a̱ka̱tuk nta̱m nyin wu, na̱ li nang a̱yaatoot ba̱ byia̱ a̱lyuk a̱ni. Da̱ a̱kwonu a̱kya, si̱ nyi swan a̱tan swat a̱ na chok nyin nang nyi ni̱ nkup nkyang nzwang na̱ ya á̱ghyi ma̱ mya̱myat a̱myat a̱ta̱mam a̱ni.

2 A̱korontiyawa 8:9

Nyi lyen nang A̱tyoli Yesu Kristi nzi̱t wu mbyia̱ shok gba̱mgbam, a̱ ni̱ nwuat mi̱ fwuo nyiung. Ku nang gu ngyet a̱tyu nzwa a̱ni, a̱mgba̱m ma̱ng a̱nia, a̱ si̱ ghwon zwá nggu ji da̱nian nyin, mami kunak nggu hu. A̱ si̱ tyia̱ nyin nyi ka yet á̱niet nzwá.

A̱fisawa 5:8

Mat di̱n jen ji ji̱ swak a̱ni, nyi ku shya̱ ma̱ a̱gbi̱ri̱ng ndyin. A̱wot ma̱ninika, nyi shya̱ mami a̱kyenkyai sai wa a̱ neet da̱ a̱vwuo A̱gwaza a̱ni. Mat a̱nia, nyi yok swat nyin hu ku tak nang nyi shya̱ mami sai A̱gwaza hu za̱m!

2 Timoti 1:10

A̱wot ma̱ninika di̱ bai Yesu Kristi A̱tyusan nzi̱t, huhwa nang á̱ si̱ ntyai nzi̱t shok jini kpa̱sai. Nggu wa tyak ma̱ng chet a̱khwu hu. A̱wot di̱n vak A̱sham Nkhang huni hwa nang gu ntyai nzi̱t swuan sang sangba̱p ji kpa̱sai.

1 Bitut 1:21

Mami Kristi kya nang nyi nnwuak fwuo da̱ A̱gwaza. A̱wot nyi si̱ nwuak a̱chuchuk ma̱ng tyia̱ fwuo da̱ A̱gwaza, mat a̱ ku ta̱ngam Kristi ma̱ á̱niet ba̱ ka̱n kwi a̱ni, a̱wot a̱ si̱ nwuak gu a̱gba̱ndang shi.

1 Yoona 3:23

A̱wot doka A̱gwaza jija ji: Ku yet ta hwa, zi̱ nwuak fwuo da̱ a̱lyoot Nggwon nggu ka, Yesu Kristi, a̱wot zi̱ bu chat á̱ghyang nzi̱t, ma̱nang gu ka̱n nwuak zi̱t doka ji a̱ni.

1 Yoona 4:11

Nyin á̱kpa̱ndang nung ba nang n chat a̱ni, mat nang A̱gwaza nchat zi̱t ba̱t a̱ni, ma a̱nia wa ku yet ta hwa nzi̱t meang zi̱ ma nchat á̱ghyang nzi̱t.

1 Yoona 4:21

Doka jini ja nang Yesu mi̱ nnwuak zi̱t nyia̱: A̱tyu a̱ chat A̱gwaza a̱ni, ku yet ta hwa, gu chat á̱niet khwi á̱ghyang.