1 Yoona 2:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ Á̱niet khwi Yesu ba nang n chat a̱ni, n dyuut nyin doka swai ja bah. Da̱ a̱kwonu a̱kya, a̱khwukhwop doka wu nang nyi ku mi̱ nfa̱k neet gbangbang a̱ni, nggu wa yet, “Nyi chat á̱ghyang.” A̱lyiat nang nyi ku fa̱k gbangbang a̱ni, ni̱nia na.

1 Yoona 2:7 Iomraidhean Croise

Matyu 5:43

“Nyi ka̱n fa̱k á̱ tyiet nyin mi̱ doka ji nyia̱, ‘Chat a̱kpa̱ndang swat ang wu,’ a̱wot á̱ nyia̱, ‘A lak li a̱tyu a̱ lak li ang a̱ni.’

Yoona 13:34

Doka swai ja nang n nwuat nyin: Nyi chat á̱ghyang nyin! Ma̱nang n chat nyin a̱ni; ma a̱nia wa nyin mameang, nyi na nchat á̱ghyang.

Nta̱m A̱yaata̱m 17:19

A̱jawa ba̱ si̱ kyiak Bulut á̱ nat ndyo ma̱ a̱tung sot a̱cha̱chet á̱niet a̱keang nang á̱ ngyei A̱ropogat a̱ni. Ba̱ si̱ nyia̱ ma̱ng a̱nggu, “Bai, a tak ma̱ng a̱nzi̱t tangka̱i tyiet fai huni nang a tyiet a̱ni.

Ibriniyawa 6:9

Nyin á̱niet khwi Yesu ba nang n chat a̱ni, ku nang zi̱ ndyiat a̱nia a̱ni, zi̱ nwuak a̱chuchuk zi̱ li a̱tan nta̱m da̱ a̱vwuo nyin. Na̱ na tyia̱ nyi nshya̱ san di̱ ngaan hu a̱ni.

1 Yoona 2:24

Ku yet ta hwa, nyi yong tsotswat di̱ tyiet hu nang nyi fa̱k neet di̱n tsa hu a̱ni. Ki̱ nyi sak tyiet hu nang nyi fa̱k neet di̱n tsa hu a̱ni mi̱ fwuo nyin na, a̱nia wa kuzang jen nang nyi na mbyia̱ a̱meang di̱ mun á̱pyia̱ nyin hu dundung ma̱ng Nggwon ka ma̱ng A̱tyia̱ wu.

1 Yoona 3:11

A̱lyiat nang nyi ku fa̱k neet di̱n tsa hu a̱ni ni̱nia yet: Ku yet ta hwa zi̱ chat á̱ghyang nzi̱t.

1 Yoona 3:2

Á̱kpa̱ndang nung ba nang n chat a̱ni, nang zi̱ ngyet mman A̱gwaza nia ma̱nini a̱ni, ma̱ng a̱nia á̱ ka̱n tyai tangka̱i á̱niet nang zi̱ na yet a̱ni bah. A̱wot zi̱ lyen za̱m nang ka̱ Kristi ba̱ bwuok a̱ bai, zi̱ na tai nggu. Mat zi̱ na li nggu ma̱ cha̱chaat ma̱nang gu ndi a̱ni.

1 Yoona 3:21

Nyin á̱kpa̱ndang nung ba nang n chat a̱ni, ki̱ nfwuo nzi̱t na kpaat zi̱t na̱ si̱ bat zi̱t a̱bun bah, zi̱ byia̱ a̱wat zi̱ gbang a̱lyia̱ zi̱ bai a̱zaghyi A̱gwaza.

1 Yoona 3:23

A̱wot doka A̱gwaza jija ji: Ku yet ta hwa, zi̱ nwuak fwuo da̱ a̱lyoot Nggwon nggu ka, Yesu Kristi, a̱wot zi̱ bu chat á̱ghyang nzi̱t, ma̱nang gu ka̱n nwuak zi̱t doka ji a̱ni.

1 Yoona 4:1

Nyin á̱kpa̱ndang nung ba nang n chat a̱ni, nyi yok nwuak a̱chuchuk di̱ kuzang a̱yin a̱ tyiet nyia̱ A̱za̱za̱rak Ntswa lyiat ma̱ng a̱nggu a̱ni bah. Ku yet ta hwa nyi mak a̱tyu tyiet wu, nyi ka li ke A̱za̱za̱rak Ntswa wa tyia̱ nggu chet gu ka lyiat da̱ a̱kwonu A̱gwaza ka. Mat a̱yaata̱m ba̱ kyiak pyipyia̱ mba, ba̱ yet á̱tsak a̱yaata̱m a̱kwonu A̱gwaza ma̱ a̱di̱di̱t a̱ni, ka̱n bai mi̱ swanta hu.

1 Yoona 4:11

Nyin á̱kpa̱ndang nung ba nang n chat a̱ni, mat nang A̱gwaza nchat zi̱t ba̱t a̱ni, ma a̱nia wa ku yet ta hwa nzi̱t meang zi̱ ma nchat á̱ghyang nzi̱t.

1 Yoona 4:21

Doka jini ja nang Yesu mi̱ nnwuak zi̱t nyia̱: A̱tyu a̱ chat A̱gwaza a̱ni, ku yet ta hwa, gu chat á̱niet khwi á̱ghyang.

1 Yoona 4:7

Nyin á̱kpa̱ndang nung ba nang n chat a̱ni, yok zi̱ ya a̱son ma̱ng chat á̱ghyang, mat A̱gwaza wa nang zi̱t chet zi̱ chat á̱ghyang. Konyan wa chat á̱ghyang á̱niet, a̱tyu a̱wa tak nang gu ngyet a̱tsak nggwon A̱gwaza kya, a̱ si̱ bu lyen A̱gwaza.