1 Yoona 2:5 - A̠lyiat A̠gwaza na di̠n Tyap: A̠li̠ka̠uli A̠fai5 A̱wot á̱niet ba ba̱ khwi a̱lyiat A̱gwaza na a̱ni, chat A̱gwaza mba hu tak kpa̱sai si̱sak nang ba̱ nchat gu a̱tsatsak chat a̱ni. Si̱sak ji nang zi̱ na ndyen nang zi̱ nshya̱ ndung ma̱ng A̱gwaza a̱ni, jija yet: Faic an caibideil |
A̱mgba̱m á̱niet ba ba̱ khwi doka nggu ji a̱ni, ba̱ ni̱ byia̱ a̱meang di̱ mun á̱pyia̱ ma̱ng Yesu. Nggu meang, a̱ si̱ byia̱ a̱meang di̱ mun á̱pyia̱ ma̱ng a̱mba. A̱wot si̱sak ji nang zi̱ ndyen nang gu nswan swat mun a̱pyia̱ ma̱ng a̱nzi̱t a̱ni, huhwa yet: A̱za̱za̱rak Ntswa nggu wu nang gu ka̱n nang nzi̱t a̱ni, swan mi̱ nfwuo nzi̱t na.
Konyan wa chat A̱gwaza a̱nia, a̱ na fa̱k a̱wun nggu bah. Mat di̱ si̱sak ji nang A̱gwaza nchat zi̱t a̱tsatsak chat a̱ni, tyia̱ nzi̱t zi̱ fa̱k a̱wun nggu bah. Ka̱ zi̱ fa̱k a̱wun, zi̱ fa̱k a̱wun na mat zi̱ tyong A̱gwaza na nyia̱ nzi̱t shi̱ri̱ya. A̱wot ka̱ zi̱ swan ma̱ng a̱wun, ku tak nang chat A̱gwaza hu nnyia̱ a̱tsatsak nta̱m ma̱ nzi̱t bah.
A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.