1 Yoona 2:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Ka̱ a̱yin tak nyia̱, “N dyen A̱gwaza,” a̱wot a̱ si̱ lak khwi doka A̱gwaza ji, a̱tyu a̱wa yet a̱tyu bwoi a̱ka̱laa wa. A̱wot a̱ swan swat lyen a̱chuchuk A̱gwaza wu bah.

1 Yoona 2:4 Iomraidhean Croise

Yoona 8:44

“Nyin, nyi yet mman A̱ta̱nyeang nia; kikya yet a̱tyia̱ nyin wu. A̱wot nyi fa nyi khwi kyang hu nang A̱ta̱nyeang ka chat a̱ni. Neet gbangbang, A̱ta̱nyeang ka ka̱ yet a̱gwam á̱ka̱tuk ntswá wu a̱ni, ka̱ yet a̱tyu hyaai á̱niet wa. Da̱ nka, ka̱ lyiat a̱tsatsak a̱lyiat bah. A̱mgba̱m jen nang ka̱ mbwoi a̱ka̱laa na a̱ni, ka̱ ni̱ nyia̱ kyang hu myim nka wa a̱ni. Mat, ka̱ yet a̱tyu bwoi a̱ka̱laa wa, ma̱ng a̱tyia̱ á̱niet bwoi a̱ka̱laa.

Titut 1:10

Mat á̱ mbyia̱ a̱yaalak fwuong á̱niet tyiet ma̱ a̱di̱di̱t, ma̱ng á̱niet ba̱ la̱u a̱tai a̱lyiat a̱ni, ma̱ng á̱niet laai á̱ghyang á̱niet. Sot A̱yahudawa ja swak ma̱ng a̱lyiat tyiet tyei mi̱ chen nyia̱ ku na san a̱yin a̱ni, bibya swak ma̱ng nyia̱ a̱nia hu.

Titut 1:16

Ntangka̱i á̱niet tyiet nani, shei mi̱ nunu nyia̱ ba̱ lyen A̱gwaza. A̱wot tangka̱i swat nang ba̱ swan a̱ni, tak nang ba̱ ndyen nggu bah. Ba̱ yet kyang shushyuk, á̱niet lak fwuong. Ba̱ si̱ mi̱n nyia̱ kyang tswa bah.

1 Yoona 1:10

Ki̱ zi̱ nyia̱ da̱ zi̱ ka̱n nyia̱ a̱ka̱tuk nyia̱ bah, ku fa nang zi̱ mbwuak A̱gwaza ntyia̱ a̱tyu bwoi a̱ka̱laa wa, a̱wot zi̱ lak khwi a̱lyiat nggu na mi̱ nfwuo nzi̱t na.

1 Yoona 1:6

Mat a̱nia, ki̱ zi̱ tyiet nyia̱ zi̱ byia̱ mun á̱pyia̱ ma̱ng a̱nggu, nang zi̱ ni̱ swan mi̱ ndyin, zi̱ bwoi la hwa. Zi̱ si̱ bu khwi a̱chuchuk wu bah.

1 Yoona 1:8

Ki̱ zi̱ tak nyia̱ zi̱ nyia̱ a̱ka̱tuk nyia̱ bah, zi̱ laai pyipyia̱ nzi̱t hwa. A̱wot zi̱ byia̱ a̱chuchuk bah.

1 Yoona 2:3

Ki̱ zi̱ khwi doka A̱gwaza ji, a̱ni wa zi̱ na nnwuak a̱chuchuk nang zi̱ ndyen nggu.

1 Yoona 2:9

Ka̱ a̱yin tak nyia̱, “N shya̱ mami sai,” a̱wot a̱ si̱ lak li á̱na̱nyiuk nggu ba ba̱ yet á̱niet khwi a̱ni, a̱tyu a̱wa ni̱ shya̱ mi̱ ndyin hwa.

1 Yoona 3:6

Konyan wa swan ndung ma̱ng Kristi, a̱ na ya a̱son ma̱ng nyia̱ a̱ka̱tuk nyia̱ a̱ nchi̱ri̱ng bah. A̱wot konyan wa ya a̱son ma̱ng nyia̱ a̱ka̱tuk nyia̱ a̱ nchi̱ri̱ng, a̱ ka̱n fi̱k Kristi wu bah; di̱ tangka̱i a̱yin a̱hwa a̱ lyen a̱tyu Kristi yet a̱ni bah.

1 Yoona 4:20

Konyan wa tak nyia̱, “N chat A̱gwaza,” a̱wot a̱ si̱ lak li á̱niet khwi á̱ghyang, a̱tyu a̱wa bwoi a̱ka̱laa nia. Mat ka̱ zi̱ lak chat á̱niet nang zi̱ nwuan a̱ni, zi̱ na nyia̱ ni zi̱ nchat A̱gwaza da̱nang zi̱ ka̱n di a̱ni bah?

1 Yoona 4:7

Nyin á̱kpa̱ndang nung ba nang n chat a̱ni, yok zi̱ ya a̱son ma̱ng chat á̱ghyang, mat A̱gwaza wa nang zi̱t chet zi̱ chat á̱ghyang. Konyan wa chat á̱ghyang á̱niet, a̱tyu a̱wa tak nang gu ngyet a̱tsak nggwon A̱gwaza kya, a̱ si̱ bu lyen A̱gwaza.