1 Yoona 2:3 - A̠lyiat A̠gwaza na di̠n Tyap: A̠li̠ka̠uli A̠fai

³ Ki̱ zi̱ khwi doka A̱gwaza ji, a̱ni wa zi̱ na nnwuak a̱chuchuk nang zi̱ ndyen nggu.

1 Yoona 2:3 Iomraidhean Croise

Luka 6:46

“Yihwa mbyia̱ nang nyi ni̱ mmyiai a̱nu nyi ngyei nung, ‘A̱tyoli, A̱tyoli!’ A̱wot da̱ nyin nyi khwi tyiet nung hu bah?

Yoona 14:15

“Ka̱nang nyi chat nung, ku myim nyi khwi doká nung ji.

Yoona 15:10

Ka̱ nyi khwi doká nung ji; huhwa na tak nang nyi nchat nung. Ma̱ cha̱chaat nang n khwi doká A̱tyia̱ nung ji, n si̱ ntak si̱sak nang n chat gu a̱ni.

Yoona 15:14

“A̱wot nyi yet á̱kpa̱ndang nung bya, ka̱nang nyi khwi doka ji nang n nwuak nyin a̱ni.

Yoona 17:3

“Swuan sang sangba̱p jini ja yet; á̱niet ba ba̱ lyen ang, nang nwan wa ma̱nyin ang ngyet a̱tsatsak A̱gwaza wu, ma̱ng Yesu Kristi, a̱tyo nang a ku nta̱m ndyo mi̱ swanta hu a̱ni.

2 A̱korontiyawa 4:6

Mat A̱gwaza wa ku hyia̱ nyia̱, “Yok sai hu, ku sai mi̱ ndyin hu!” Nggu wa bu tyia̱ sai huni ku sai mi̱ nfwuo nzi̱t na, mat zi̱ ka lyen a̱kyenkyai shi A̱gwaza wu ma̱ a̱ghyi Yesu Kristi ba, a̱ ya á̱ghyi ma̱ mya̱myat a̱myat nang á̱ nwuan a̱ni.

Ibriniyawa 5:9

Mat a̱nia wa mbyia̱, A̱gwaza si̱ li Kristi maai a̱ yet A̱gba̱ndang Pris a̱ sang a̱bun a̱ni. A̱wot a̱ yet a̱tyin shya̱ san sang sangba̱p a̱mgba̱m á̱niet ba̱ khwi nggu a̱ni.

1 Yoona 2:13

N dyuut nyin dyo, nyin nyi yet a̱yaatyia̱ nyi tat a̱ghyi di̱ nwuak fwuo di̱ Yesu a̱ni, mat nyi lyen Kristi, a̱tyu a̱ nshya̱ neet di̱n tsa swanta hu a̱ni. N dyuut nyin dyo, nyin á̱niet nyi yet nfi̱ng di̱ nwuak fwuo di̱ Yesu a̱ni, mat nyi wa ka̱n swuo chet A̱ta̱nyeang ka.

1 Yoona 3:14

Ki̱ zi̱ chat á̱niet khwi á̱ghyang, ku tak nang zi̱ wa ka̱n shot a̱khwu, zi̱ si̱ shya̱ swuan. A̱wot a̱tyu da̱ a̱ chat a̱tyu khwi a̱ghyang a̱ni bah, a̱ ni̱ swan swat a̱khwu hwa.

1 Yoona 3:19

Ki̱ zi̱ chat á̱ghyang nzi̱t, ku tak nang zi̱ nkhwi a̱chuchuk A̱gwaza wa. A̱wot ku si̱ bu tak nang zi̱ na ngyong a̱zaghyi A̱gwaza ma̱ng gbang a̱lyia̱, zi̱ naai nggu di̱ mi̱n tyi̱ri̱m vam.

1 Yoona 3:6

Konyan wa swan ndung ma̱ng Kristi, a̱ na ya a̱son ma̱ng nyia̱ a̱ka̱tuk nyia̱ a̱ nchi̱ri̱ng bah. A̱wot konyan wa ya a̱son ma̱ng nyia̱ a̱ka̱tuk nyia̱ a̱ nchi̱ri̱ng, a̱ ka̱n fi̱k Kristi wu bah; di̱ tangka̱i a̱yin a̱hwa a̱ lyen a̱tyu Kristi yet a̱ni bah.

1 Yoona 4:13

Si̱sak ji nang zi̱ na nfi̱k nang zi̱ mun á̱pyia̱ ma̱ng A̱gwaza a̱ni, jija ji: A̱gwaza tak kpa̱sai nang gu mun a̱pyia̱ ma̱ng a̱nzi̱t. A̱wot nzi̱t meang, zi̱ mun á̱pyia̱ ma̱ng a̱nggu di̱ si̱sak ji nang gu ka̱n nnang nzi̱t A̱za̱za̱rak Ntswa nggu wu a̱ni.

1 Yoona 4:7

Nyin á̱kpa̱ndang nung ba nang n chat a̱ni, yok zi̱ ya a̱son ma̱ng chat á̱ghyang, mat A̱gwaza wa nang zi̱t chet zi̱ chat á̱ghyang. Konyan wa chat á̱ghyang á̱niet, a̱tyu a̱wa tak nang gu ngyet a̱tsak nggwon A̱gwaza kya, a̱ si̱ bu lyen A̱gwaza.

1 Yoona 5:19

Zi̱ lyen nang zi̱ ngyet mman A̱gwaza nia, a̱wot a̱mgba̱m swanta hu shya̱ mbwak tyok A̱ta̱nyeang hwa.

1 Yoona 5:2

Ki̱ zi̱ chat A̱gwaza, a̱wot zi̱ si̱ khwi doka nggu ji, zi̱ lyen nang zi̱ na nchat mman A̱gwaza na.

1 Yoona 5:3

Ki̱ zi̱ chat A̱gwaza, ku fa nang zi̱ na nkhwi doka nggu ji. A̱wot doka nggu ji vwuo a̱khwu bah.

Tyai Á̱zanson 12:17

A̱wot a̱gba̱ndang a̱ka̱tuk nzwuo a̱ byia̱ nfeap na a̱ni, si̱ fa̱k a̱lyia̱ ya ma̱ng a̱byii̱k wu. A̱ si̱ doot zwang ma̱ng á̱kum mman a̱byii̱k ka. Ni̱nia yet a̱mgba̱m á̱niet ba̱ khwi á̱lyiat A̱gwaza na, ba̱ bu yong di̱ nwuak sheda da̱ a̱lyiat Yesu a̱ni.

Tyai Á̱zanson 14:12

Si̱ huni tak zi̱t nang ku ngyet ta hwa á̱za̱za̱rak á̱niet A̱gwaza ba̱ gbang a̱lyia̱, ba̱ nyap fwuo mami ya̱shuk mba hu, ba̱ ya a̱son di̱ khwi doka A̱gwaza ji, ba̱ ya a̱son di̱ nwuak nfwuo mba na di̱ Yesu Kristi.

Tyai Á̱zanson 22:14

“Á̱niet a̱li̱ba̱rka bya yet á̱niet ba̱ kwi a̱yaatoot mba ba a̱ni! Á̱ na shim mba ndyo ba̱ nwuo á̱zanunwuai a̱keang a̱fai ka, a̱wot ba̱ ya sum a̱kwon swuan hu!