1 Yoona 2:12 - A̠lyiat A̠gwaza na di̠n Tyap: A̠li̠ka̠uli A̠fai

¹² N dyuut nyin ndyo, nyin nyi yet mman A̱gwaza na a̱ni, mat á̱ wa ka̱n chi a̱ka̱tuk nyia̱ nyin wu mami a̱lyoot Yesu.

1 Yoona 2:12 Iomraidhean Croise

Luka 24:47

“A̱wot á̱ na shei A̱sham Nkhang kani, mami tyok a̱lyoot nung, mi̱ kuzang nwap mi̱ bibyin swanta hu. Á̱ na tsa shei A̱sham Nkhang kani neet mi̱ Urusha̱lima, nyia̱: A̱mgba̱m á̱niet ba ba̱ ghwon a̱ka̱tuk nyia̱, ba̱ si̱ khwi A̱gwaza a̱ni, á̱ na chi a̱ka̱tuk nyia̱ mba wu!

Luka 5:20

Nang Yesu ndi si̱sak ji nang ba̱ nnwuak nfwuo mba na da̱ a̱nggu a̱ni, a̱ si̱ nyia̱ ma̱ng a̱tyu nzwan wu, “Nggwon seam, á̱ chi a̱ka̱tuk nyia̱ ang wu.”

Nta̱m A̱yaata̱m 10:43

Yesu wa nang a̱mgba̱m a̱yaata̱m a̱kwonu A̱gwaza ba ku tak kpa̱sai tazwa nggu nyia̱; kuzang a̱yin wa nwuak fwuo da̱ a̱nggu, á̱ na chi a̱ka̱tuk nyia̱ nggu wu, mami chet a̱lyoot Yesu hu.”

Nta̱m A̱yaata̱m 13:38

“Mat a̱nia, á̱na̱nyiuk nung ba, nyi myiai a̱fufwuo nyi fa̱a̱k! Zi̱ shya̱ a̱ji da̱nian zi̱ tak ma̱ng a̱nyin nang mami a̱lyoot Yesu kya nang á̱ na nchi a̱ka̱tuk nyia̱ nyin wu.

Nta̱m A̱yaata̱m 4:12

“Yesu wa ma̱nyin gu maai a̱ san á̱niet swanta ba! Ma a̱nia wa, á̱ bu byia̱ a̱lyoot á̱ghyang nang A̱gwaza nwuak mi̱ swanta hu nang á̱niet ba na yorong ba̱ ka nshya̱ san a̱ni bah!”

1 A̱korontiyawa 6:11

Á̱ghyang á̱niet ma̱ nyin ku nyia̱ a̱nia mi̱ njen nang nyi ku nwai yet á̱niet khwi a̱ni. A̱wot á̱ si̱ kwi nyin. Á̱ si̱ jaat nyin, nyi si̱ tyia̱ za̱za̱rak. A̱gwaza si̱ bu tak kpa̱sai nang gu nkyiak nyin nyi yet á̱tsotswat á̱niet sang a̱bun a̱zaghyi nggu. Mat nyi yei a̱lyoot A̱tyoli Yesu Kristi, ma̱ng chet A̱za̱za̱rak Ntswa hu.

A̱fisawa 1:7

A̱gwaza fa̱k kunak zi̱t, a̱ si̱ nyia̱ nzi̱t shok gba̱mgbam. A̱ si̱ san nzi̱t ma̱ng a̱sok Nggwon nggu na, zi̱ ka yet á̱sa̱t á̱niet, a̱wot a̱ si̱ chi a̱ka̱tuk nyia̱ nzi̱t wu.

A̱fisawa 4:32

Da̱ a̱kwonu a̱kya, nyi nyia̱ á̱ghyang shok, nyi fwuong kunak á̱ghyang, nyi chi a̱bun á̱ghyang, ma̱nang A̱gwaza mami mun á̱pyia̱ ma̱ng Kristi nchi a̱ka̱tuk nyia̱ nyin wu a̱ni.

A̱kolosiyawa 1:14

Nggwon kikya nwuak a̱pyia̱ nka ka̱ si̱ nsan nzi̱t, zi̱ ka yet á̱sa̱t á̱niet, a̱wot ka̱ si̱ chi a̱ka̱tuk nyia̱ nzi̱t wu.

1 Yoona 1:4

Zi̱ lyuut nyin a̱lyiat nani, da̱nian zi̱ ka fa̱k a̱tsatsak a̱lyia̱ sai gba̱mgbam dundung ma̱ng a̱nyin.

1 Yoona 1:7

A̱wot ki̱ zi̱ swan mami sai hu, ma̱nang A̱gwaza ngyet sai hu a̱ni, zi̱ si̱ byia̱ mun á̱pyia̱ ma̱ng á̱ghyang. A̱wot a̱sok Yesu a̱ yet Nggwon nggu ka a̱ni, si̱ kwi na̱ si̱ jaat nzi̱t a̱mgba̱m a̱ka̱tuk nyia̱ nzi̱t wu.

1 Yoona 1:9

A̱wot ki̱ zi̱ shim, zi̱ si̱ tak a̱ka̱tuk nyia̱ nzi̱t wu kpa̱sai a̱zaghyi A̱gwaza, a̱ yet a̱tsotswat ma̱ng a̱chuchuk nang gu na nchi a̱ka̱tuk nyia̱ nzi̱t wu a̱ni. A̱wot a̱ bu jaat a̱mgba̱m á̱kpa̱kpa̱t nzi̱t na.

1 Yoona 2:1

Mman nung na na̱ yet á̱niet khwi Yesu nang n chat a̱ni, n dyuut nyin a̱lyiat nani da̱nian nyi ka nyia̱ a̱ka̱tuk bah. A̱wot ka̱ a̱yin nyia̱ a̱ka̱tuk nyia̱, zi̱ byia̱ a̱tsotswat a̱tyu beang a̱ yong da̱ a̱kwonu nzi̱t da̱ a̱vwuo A̱tyia̱ a̱ni. Nggu wa yet Yesu Kristi.

1 Yoona 2:21

N dyuut nyin dyo, mat nyi lyen za̱m nang a̱chuchuk wu nvwuon ma̱ng a̱ka̱laa na. N dyuut nyin ndyo mat nyi chyi chuchuk wu wa bah.

1 Yoona 2:7

Á̱niet khwi Yesu ba nang n chat a̱ni, n dyuut nyin doka swai ja bah. Da̱ a̱kwonu a̱kya, a̱khwukhwop doka wu nang nyi ku mi̱ nfa̱k neet gbangbang a̱ni, nggu wa yet, “Nyi chat á̱ghyang.” A̱lyiat nang nyi ku fa̱k gbangbang a̱ni, ni̱nia na.