1 Yoona 2:11 - A̠lyiat A̠gwaza na di̠n Tyap: A̠li̠ka̠uli A̠fai

¹¹ A̱wot a̱tyu a̱ lak li a̱na̱nyiuk nggu wu a̱ yet a̱tyu khwi Yesu a̱ni, mami ndyin kya nang gu ni̱ nshya̱. A̱ si̱ bu swan mi̱ ndyin. Tangka̱i a̱tyu a̱hwa lyen vak nang gu na nkai a̱ni bah, mat lyin hu tyia̱ a̱ si̱ kwa a̱fi̱fan.

1 Yoona 2:11 Iomraidhean Croise

Yoona 12:35

Yesu si̱ nyia̱ ma̱ng a̱mba, “Sai hu shya̱ dundung ma̱ng a̱nyin da̱ a̱bada̱dei njen. Nyi chong di̱n jen ji nang sai hu nshya̱ dundung ma̱ nyin a̱ni, kalak lyin ku shya̱ nyin. Mat a̱tyu a̱ chong mi̱ ndyin a̱ni, a̱ lyen a̱vwuo ka nang gu nchong a̱ ntyei a̱ni bah.

Yoona 12:40

“A̱gwaza ku koot mba a̱fi̱fan. A̱ si̱ bu tyia̱ nfwuo mba na si̱ khwu. Kalak ba̱ du li ma̱ng á̱ghyi mba ba, kalak ba̱ du fi̱k a̱lyiat nggu na mi̱ nfwuo mba na. Ka̱ ku li a̱nia, kalak ba̱ du bwuok á̱ bai da̱ a̱vwuo nung, n choot baa.”

2 A̱korontiyawa 3:14

A̱wot nfwuo á̱niet Isi̱rela na ku tyia̱ gba̱pdok. A̱wot ba̱ng ba̱ tat a̱fwun, kuzang jen nang á̱ ni̱ nfang doka a̱khwukhwop la̱p a̱li̱ka̱uli ji, ku li nang a̱toot a̱wa wa kup nfwuo mba na, kalak ba̱ fi̱k a̱tsatsak a̱lyiat wu. A̱wot mat nwuak fwuo di̱ Kristi hwa ma̱nyin nggu, na tyia̱ á̱ nkhwuk a̱toot a̱wa, ba̱ ka li.

2 A̱korontiyawa 4:4

A̱ta̱nyeang ka ka̱ yet a̱gwaza swanta wuni a̱ni, a̱ tyia̱ lyin mi̱ nfwuo á̱niet ba̱ nwai nwuak a̱chuchuk wu a̱ni. Ba̱ si̱ mi̱n di a̱sai a̱kyenkyai shi A̱sham Nkhang wu bah. Ba̱ si̱ lak fi̱k a̱lyiat nani tazwa a̱kyenkyai shi Kristi, a̱tyu a̱ tai A̱gwaza ma̱ cha̱chaat a̱ni.

Titut 3:3

Nzi̱t ma̱ á̱pyia̱ nzi̱t, gbangbang zi̱ ku nyia̱ bwuon. Zi̱ si̱ lak fwuong. Á̱ si̱ laai nzi̱t. Zi̱ ku yet á̱khwo bya di̱ nkyang shyuo mi̱ chat fa̱k nyinyang swanta hu ma̱ a̱di̱di̱t. Zi̱ ku swan a̱ka̱tuk nswat, ma̱ng kwi swam. Zi̱ si̱ ba̱ng á̱ghyang mi̱ fwuo. Zi̱ si̱ lak li á̱ghyang.

2 Bitut 1:9

A̱wot á̱niet ba̱ sang tangka̱i za̱kwa huni a̱ni, ba̱ nwuan shansham bah. Ba̱ si̱ yet á̱niet a̱fi̱fan bya. Ba̱ si̱ bwung nang á̱ nchi a̱ka̱tuk nyia̱ mba wu, nang ba̱ nyia̱ di̱n jen nwai khwi Yesu ji a̱ni.

1 Yoona 1:6

Mat a̱nia, ki̱ zi̱ tyiet nyia̱ zi̱ byia̱ mun á̱pyia̱ ma̱ng a̱nggu, nang zi̱ ni̱ swan mi̱ ndyin, zi̱ bwoi la hwa. Zi̱ si̱ bu khwi a̱chuchuk wu bah.

1 Yoona 2:10

A̱tyu a̱ chat á̱na̱nyiuk nggu ba ba̱ yet á̱niet khwi Yesu a̱ni, a̱ swan mami sai hu hwa. Da̱ nggu, a̱ na yet jat a̱kwa a̱yin bah.

1 Yoona 2:9

Ka̱ a̱yin tak nyia̱, “N shya̱ mami sai,” a̱wot a̱ si̱ lak li á̱na̱nyiuk nggu ba ba̱ yet á̱niet khwi a̱ni, a̱tyu a̱wa ni̱ shya̱ mi̱ ndyin hwa.

1 Yoona 3:15

Konyan wa lak li a̱tyu khwi a̱ghyang, ku fa nang gu ngyet a̱tyu hyaai á̱niet wa mi̱ fwuo nggu hu. A̱wot nyi lyen nang á̱niet hyaai á̱niet mbyia̱ swuan sang sangba̱p bah.

1 Yoona 4:20

Konyan wa tak nyia̱, “N chat A̱gwaza,” a̱wot a̱ si̱ lak li á̱niet khwi á̱ghyang, a̱tyu a̱wa bwoi a̱ka̱laa nia. Mat ka̱ zi̱ lak chat á̱niet nang zi̱ nwuan a̱ni, zi̱ na nyia̱ ni zi̱ nchat A̱gwaza da̱nang zi̱ ka̱n di a̱ni bah?

Tyai Á̱zanson 3:17

Nyi nyia̱, ‘Zi̱ byia̱ zwá! Zi̱ byia̱ kuzang kyang nang zi̱ chat a̱ni! Zi̱ bu chat kyang bah!’ A̱wot nyi fi̱k nang nyi ngyet á̱buk á̱niet bah; kyang kunak, á̱niet a̱fi̱fan, ma̱ng á̱niet chong ka̱gbang!