1 Yoona 2:10 - A̠lyiat A̠gwaza na di̠n Tyap: A̠li̠ka̠uli A̠fai

¹⁰ A̱tyu a̱ chat á̱na̱nyiuk nggu ba ba̱ yet á̱niet khwi Yesu a̱ni, a̱ swan mami sai hu hwa. Da̱ nggu, a̱ na yet jat a̱kwa a̱yin bah.

1 Yoona 2:10 Iomraidhean Croise

Matyu 13:21

A̱wot nang A̱lyiat A̱gwaza na mbyia̱ á̱ni̱nan ba̱ nwuo á̱ nat gbang mi̱ nfwuo mba na a̱ni bah. Ba̱ si̱ mi̱n dabeang mi̱ khwi hu bah. Ki̱ swuo a̱bung ba̱ bai, ku á̱ ta̱shuk baa mat A̱lyiat A̱gwaza na, ba̱ na bwuok lilyim ma a̱nggang.

Matyu 18:7

“Ku swan á̱niet mi̱ swanta ba, da̱nian ba̱ yet á̱ghyang á̱niet jat nang ba̱ na nnyia̱ a̱ka̱tuk nyia̱ a̱ni! Shimba mak ku bai, a̱wot ku swan a̱tyu a̱ na yet jat nang mak hu na mbai a̱ni!

Yoona 11:9

Yesu si̱ nwuak ba shim nyia̱, “Awa swak ma̱ a̱feang wa nang mam nyiung byia̱ baa? To, konyan wa chong a̱ta̱mam a̱ni, a̱ si̱ mi̱n tuk tak bah. Mat a̱ nwuan shansham mat sai swanta hu.

Yoona 12:35

Yesu si̱ nyia̱ ma̱ng a̱mba, “Sai hu shya̱ dundung ma̱ng a̱nyin da̱ a̱bada̱dei njen. Nyi chong di̱n jen ji nang sai hu nshya̱ dundung ma̱ nyin a̱ni, kalak lyin ku shya̱ nyin. Mat a̱tyu a̱ chong mi̱ ndyin a̱ni, a̱ lyen a̱vwuo ka nang gu nchong a̱ ntyei a̱ni bah.

Yoona 8:31

A̱jawa Yesu si̱ lyiat ma̱ng A̱yahudawa ba, ba̱ ku nwuak fwuo da̱ nggu a̱ni, a̱ si̱ nyia̱, “Ka̱ nyi wa khwi a̱lyiat nang n tyiet nyin a̱ni, si̱ nyin bya chi̱k yet mman nung na.

A̱romawa 14:13

Mat a̱nia, nyi yok bat á̱ghyang nyin a̱bun bah. Da̱ a̱kwonu a̱kya, nyi kwan nyi swan di̱ si̱sak nang nyi na nnwai yet jat nang a̱tyu khwi a̱ghyang na nyia̱ a̱ka̱tuk nyia̱ a̱ni.

A̱filibiyawa 1:10

Mat a̱nia, n chat nyi fi̱k kyang hu ku swak mi̱ yet a̱tan a̱ni, da̱nian nyi ka swan a̱za̱za̱rak nswat ma̱ng sang a̱bun si̱ nat a̱tuk bwuok bai Kristi Yesu ka.

2 Bitut 1:10

Mat a̱nia, nyin á̱niet khwi Yesu ba nang n chat a̱ni, nyi kwan ba̱t nyi nyia̱ ta̱m ma̱ng tangka̱i za̱kwa huni. Nyi tak chi̱k nang A̱gwaza wa ngyei nyin, a̱ si̱ bu khai nyin. Mat ki̱ nyi nyia̱ a̱nia, nyi si̱ mi̱n mak kwa, nyi bwuok lilyim di̱ nwuak a̱chuchuk nyin hu bah, ku ma̱ chunchwiit.

1 Yoona 2:11

A̱wot a̱tyu a̱ lak li a̱na̱nyiuk nggu wu a̱ yet a̱tyu khwi Yesu a̱ni, mami ndyin kya nang gu ni̱ nshya̱. A̱ si̱ bu swan mi̱ ndyin. Tangka̱i a̱tyu a̱hwa lyen vak nang gu na nkai a̱ni bah, mat lyin hu tyia̱ a̱ si̱ kwa a̱fi̱fan.

1 Yoona 3:14

Ki̱ zi̱ chat á̱niet khwi á̱ghyang, ku tak nang zi̱ wa ka̱n shot a̱khwu, zi̱ si̱ shya̱ swuan. A̱wot a̱tyu da̱ a̱ chat a̱tyu khwi a̱ghyang a̱ni bah, a̱ ni̱ swan swat a̱khwu hwa.