1 Yoona 2:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Mman nung na na̱ yet á̱niet khwi Yesu nang n chat a̱ni, n dyuut nyin a̱lyiat nani da̱nian nyi ka nyia̱ a̱ka̱tuk bah. A̱wot ka̱ a̱yin nyia̱ a̱ka̱tuk nyia̱, zi̱ byia̱ a̱tsotswat a̱tyu beang a̱ yong da̱ a̱kwonu nzi̱t da̱ a̱vwuo A̱tyia̱ a̱ni. Nggu wa yet Yesu Kristi.

1 Yoona 2:1 Iomraidhean Croise

Luka 10:22

Yesu si̱ bu nyia̱, “A̱tyia̱ nung wu wa ka̱n tyia̱ nung a̱mgba̱m kuzang kyang mbwak. Á̱ mbyia̱ a̱tyu a̱ lyen Nggwon ka shansham a̱ni bah; si̱ ma̱ A̱tyia̱ nung wu wa ma̱nyin gu. Da̱ mba, á̱ mbyia̱ a̱tyu a̱ lyen A̱tyia̱ nung wu a̱ni bah; si̱ mi̱ Nggwon kikya ma̱nyin ka, mbeang á̱niet ba nang Nggwon ka khai ka̱ tyai mba A̱tyia̱ wu a̱ni.”

Yoona 10:15

Ma̱nang A̱tyia̱ nung wu ndyen nung a̱ni; nung mameang, n si̱ ndyen A̱tyia̱ nung wu. N shya̱ mi̱ fwuo n khwu da̱nian zón seap nung ji.

Yoona 13:33

“Nyin mman nung, jen ji nang n na nshya̱ ma̱ng a̱nyin a̱ni, ji̱ bu la̱u shi hu bah. Nyi na chat nung, a̱wot ma̱nang n hyia̱ ma̱ng A̱yahudawa ba a̱ni; a̱vwuo ka nang n naat a̱ni, nyi si̱ mi̱n nat bah. Huhwa n chat n tak nyin.

Yoona 14:16

Nung mameang, n na naai da̱ a̱vwuo A̱tyia̱. Nggu meang, a̱ na ta̱m ma̱ng nyin a̱tyu a̱ na beang nyin a̱ni; gu shya̱ dundung ma̱ng a̱nyin ba̱ng si̱ nat sang sangba̱p.

Yoona 14:6

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

Yoona 21:5

A̱wot a̱ si̱ nyia̱ ma̱ng a̱mba, “Zám jini, nyi bwuo a̱fa̱n baa?” Ba̱ si̱ nyia̱, “Kaai, zi̱ ka̱n bwuo kyang bah.”

Yoona 5:14

Á̱ si̱ labeang bah, Yesu si̱ myim ma̱ng a̱tyu nang gu ku choot mami didyaat A̱li Nwuat Za̱nang A̱gwaza hu. A̱ si̱ nyia̱ ma̱ng a̱nggu a̱ni, “Di, a choot ma̱ninika! Mat a̱nia, ghwon a̱ka̱tuk nyia̱ ang wu. Kalak a̱bombwuon kyang a̱ swak zwan jini ma̱ng shi a̱ni, na shya̱ ang!”

Yoona 5:36

“A̱mgba̱m ma̱ng a̱nia, n byia̱ nkyang na̱ shei a̱chuchuk wu kpa̱sai tazwa nung, na̱ lan si̱ Yoona hu ma̱ng shi a̱ni. Huhwa yet nta̱m na nang n nyia̱ a̱ni; nta̱m na nang A̱tyia̱ nung wu ku nwuak nung n nyia̱ a̱ni. Nta̱m ni̱nia lyiat da̱ a̱kwonu nung. A̱wot na̱ si̱ tak nyin nang A̱tyia̱ nung wu wa ku nta̱m nung.

Yoona 6:27

“Nyi yok veang chat nkyayak na̱ na byian a̱ni bah. Da̱ a̱kwonu a̱kya, nyi nyia̱ ta̱m da̱nian kyayak hu na nwai byian a̱ni; ma̱ng si̱ hu ku na nwuak nyin swuan sang sangba̱p ji a̱ni. Huhwa yet kyayak nang Nggwon A̱tyubishyi ka na nwuak nyin a̱ni. Mat Nggwon A̱tyubishyi kya nang A̱tyia̱ wu ka̱n shim nka ndyo.”

Yoona 8:11

A̱byii̱k wu si̱ nyia̱, “Kaai, A̱tyoli.” A̱jawa Yesu si̱ nyia̱ ma̱ng a̱nggu a̱ni, “Nung mameang, n tyia̱ ang a̱bun bah. Nkat kyang ang. A̱wot, bu yok nyia̱ a̱ka̱tuk nyia̱ bah.”]]

Nta̱m A̱yaata̱m 7:52

Á̱ ku mbyia̱ a̱ta̱m a̱kwonu A̱gwaza a̱nyiung nang a̱yaatyia̱ a̱khwop nyin ba ku nwai ya̱shuk a̱ni a̱?! A̱wot ba̱ ku mun á̱ hyaai a̱yaata̱m a̱kwonu A̱gwaza ba, ba̱ ku shei á̱zanson di̱ chobai A̱tsotswat A̱khwo A̱gwaza wu! Nggu wa yet Kristi nang nyi ku lyap, nyi si̱ hyat a̱ni.

A̱romawa 5:10

Ma a̱nia wa, ma̱nang zi̱ wa ni̱ ngyet á̱niet lak li A̱gwaza bya a̱ni, a̱wot Yesu Kristi si̱ jhyi swat kpa̱ndang nzi̱t hu ma̱ng A̱gwaza di̱n vak a̱khwu nggu hu, a̱tsak a̱lyiat, ku fa nang A̱gwaza na nsan nzi̱t za̱m di̱n vak nwuak swuan Nggwon nggu ji ja.

A̱romawa 6:15

A̱wot nang shok A̱gwaza ji nnyia̱ tyok da̱ nzi̱t, a̱wot zi̱ bu yet á̱sa̱t á̱niet a̱ni, zi̱ bu shya̱ mbwak tyok doka ji bah. Ka̱ a̱nia wa, ku fa zi̱ ya a̱son ma̱ng a̱ka̱tuk nyia̱ a? Kaai, ku ma̱ chunchwiit!

A̱romawa 8:34

A̱nyan wa maai a̱ nyia̱ nzi̱t shi̱ri̱ya? A̱yin maai bah, mat Yesu Kristi wa khwu da̱nian nzi̱t. A̱wot á̱ si̱ ta̱ngam nggu ma̱ng swuan ma̱ á̱niet ba̱ ka̱n khwi a̱ni da̱nian nzi̱t. Nggu wa swan di̱n chuk tyok a̱zayak A̱gwaza, a̱ ni̱ naai A̱gwaza wu da̱nian nzi̱t.

1 A̱korontiyawa 15:34

Nyi nyia̱ á̱tsatsak a̱di̱dam di̱ kyang ku yet a̱tan a̱ni. A̱wot nyi ghwon a̱ka̱tuk nyia̱. Mat á̱ghyang á̱niet ma̱ nyin lyen A̱gwaza bah, ku yet kyang nsum hwa.

2 A̱korontiyawa 5:21

Mat A̱gwaza tyia̱ Kristi, a̱ ka̱ nwai nyia̱ a̱ka̱tuk nyia̱ a̱ni, gu yet za̱nang a̱ka̱tuk nyia̱ nzi̱t. Da̱nian A̱gwaza a̱ ka tak kpa̱sai nang gu nkyiak nzi̱t á̱tsotswat á̱niet sang a̱bun a̱zaghyi nggu, di̱n vak Kristi.

A̱ga̱la̱tiyawa 4:19

Nyin mman nung na nang n chat a̱ni! Ku li á ngyei n fwuong a̱khwu da̱ nyin, ma̱nang a̱byii̱k a̱fa ni̱ nfwuong a̱khwu ka̱ nggwon ka bwuak ma̱ gbi̱ri̱p di̱n jen twei ma̱ng byin a̱ni! A̱wot fwuong a̱khwu hu na ya a̱son si̱ nang nyi tyia̱ á̱niet khwi ba̱ tat á̱ghyi di̱ mun á̱pyia̱ di̱ khwi Yesu Kristi.

A̱fisawa 2:18

Mat kyang hu nang Kristi nyia̱ wa a̱ni, huhwa tyia̱ a̱mgba̱m nzi̱t A̱yahudawa ma̱ng Nnwap na̱ nwai yet A̱yahudawa a̱ni, ka̱ doot zi̱ shya̱ a̱wat zi̱ bai da̱ a̱vwuo A̱gwaza a̱ yet A̱tyia̱ wu a̱ni, mat A̱za̱za̱rak Ntswa wu nang a̱mgba̱m nzi̱t zi̱ mun byia̱ a̱ni.

A̱fisawa 4:26

A̱wot ma̱nang á̱ ndyuut a̱ni, “Ka̱ nyi mwai lyen, nyi yok ghwon ku tyia̱ nyin nyia̱ a̱ka̱tuk nyia̱ bah.” Nyi yok ghwon mam ku kwa nang nyi ya a̱son ma̱ng mwai lyen bah.

1 Timoti 2:5

A̱gwaza yet a̱nyiung wa, a̱wot á̱ si̱ bu byia̱ a̱tyu a̱ yong ma̱ a̱ka̱wa̱tyia̱ a̱kwonu á̱nietbishyi ma̱ng A̱gwaza wu a̱ni; a̱tyu a̱wa nggu wa yet Yesu Kristi.

1 Timoti 3:14

N dyuut ang nkyang nani ma̱ninika, ku nang n byia̱ fwuo n chat n bai da̱ a̱vwuo ang ma a̱nggang a̱ni.

Ibriniyawa 9:24

Mat Kristi ku nwuo ma̱ A̱za̱za̱rak Suswak nang á̱nietbishyi bya tat a̱ni bah, mat hu ku yet mi̱ ghwughwu a̱za̱za̱rak a̱vwuo ka̱ shya̱ Ma A̱gwaza tswazwa a̱ni. Da̱ a̱kwonu a̱kya, Kristi si̱ nwuo Ma A̱gwaza tswazwa. A̱ja wa nang gu nshya̱ ma̱nini a̱zaghyi A̱gwaza tswazwa da̱nian nzi̱t.

Yakubu 1:27

Khwi hu nang A̱gwaza a̱ yet A̱tyia̱ nzi̱t wu kyiak ku yet a̱za̱za̱rak ma̱ng sang a̱bun a̱ni, huhwa yet; nyi ni̱ mbeang á̱kunak na ma̱ng á̱nyiuk ba nang á̱tyok mba ba kwi á̱ ghwon a̱ni. Nyi bu khap á̱pyia̱ nyin ma̱ a̱ka̱tuk nyia̱ swanta wuni, kalak ku tyei nyin a̱na̱ndyung.

Yakubu 3:9

Kikya nang zi̱ ndyep A̱gwaza a̱ yet A̱tyoli nzi̱t wu a̱ni. Kikya zi̱ bu nfwoi á̱niet ba nang A̱gwaza mat ba̱ tai nggu a̱ni.

1 Bitut 2:22

Ma̱nang á̱ ndyuut tazwa Kristi a̱ni, nyia̱, “A̱ ku nyia̱ a̱ka̱tuk nyia̱ bah. Da̱ nggu, a̱ ku laai a̱yin bah.”

1 Bitut 3:18

A̱tsak a̱lyiat, Yesu ma̱ a̱pyia̱ nggu ku swuo a̱bung da̱ a̱ka̱nyiung mat a̱ka̱tuk nyia̱ nzi̱t wu. A̱wot a̱ bu na swuo a̱bung bah. A̱ ku yet a̱tsotswat wa. A̱wot a̱ si̱ khwu da̱nian á̱niet a̱ka̱tuk nyia̱, gu ka neap zi̱t a̱za̱za̱rak a̱zaghyi A̱gwaza. Á̱ ku hyat gu mi̱ vam hwa. A̱wot á̱ si̱ ta̱ngam gu ma̱ng swuan mami A̱za̱za̱rak Ntswa.

1 Yoona 3:18

Da̱ a̱kwonu a̱kya, nyin mman nung, nyi yok shei chat á̱ghyang nyin hu ma̱ng a̱nu kya bah. Nyi tak chat á̱ghyang nyin hu di̱ nyia̱ á̱tsatsak nta̱m wa ma̱ng a̱chuchuk.

1 Yoona 3:5

A̱wot nyi lyen nang Yesu mbai da̱nian gu ka chi a̱ka̱tuk nyia̱ nzi̱t wu wa. Mat nggu ma̱ a̱pyia̱ nggu, a̱ byia̱ a̱ka̱tuk nyia̱ bah.

1 Yoona 3:7

Nyin mman nung, nyi yok shim a̱yin a̱ laai nyin bah. A̱tyu a̱ nyia̱ a̱tan a̱ni, ku tak nang gu ngyet a̱tsotswat wa, ma̱nang Kristi ngyet a̱tsotswat a̱ni.

1 Yoona 4:4

A̱wot nyin mman nung na nang n chat a̱ni, nyi yet mman A̱gwaza nia. Nyi wa ka̱n swuo chet a̱yaata̱m á̱niet tyiet a̱ka̱laa a̱bya. Mat A̱za̱za̱rak tswa wu a̱ shya̱ ma̱ nyin a̱ni, a̱ byia̱ chet a̱ lan tswa ji ji̱ shya̱ mi̱ swanta hu a̱ni.

1 Yoona 5:17

Kuzang a̱ka̱kpa̱t yet a̱ka̱tuk nyia̱ wa. A̱wot a̱ka̱tuk nyia̱ a̱ghyang nshya̱ da̱ a̱ tyei a̱khwu a̱ni bah.

1 Yoona 5:21

Mman nung, nyi khap á̱pyia̱ nyin zan ma̱ng nghwughwu a̱yaagwaza sang swuan!

3 Yoona 1:4

Kuzang jen nang n fa̱k mman nung na khwi a̱chuchuk wu, ku ni̱ tyia̱ nung a̱lyia̱ sai a̱ swak kuzang kyang.