1 Yoona 1:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ A̱wot ki̱ zi̱ shim, zi̱ si̱ tak a̱ka̱tuk nyia̱ nzi̱t wu kpa̱sai a̱zaghyi A̱gwaza, a̱ yet a̱tsotswat ma̱ng a̱chuchuk nang gu na nchi a̱ka̱tuk nyia̱ nzi̱t wu a̱ni. A̱wot a̱ bu jaat a̱mgba̱m á̱kpa̱kpa̱t nzi̱t na.

1 Yoona 1:9 Iomraidhean Croise

Matyu 3:6

Nang ba̱ ntyai a̱ka̱tuk nyia̱ mba wu kpa̱sai a̱ni, a̱ si̱ nyia̱ mba ba̱ptisman ji ma̱ a̱ghyui Urdun ka.

Ma̱rkut 1:5

Á̱niet ma̱ a̱di̱di̱t mi̱ fam a̱byin Yahudiya ma̱ng a̱keang Urusha̱lima, ba̱ si̱ chong da̱ a̱vwuo Yoona, á̱ tyai a̱ka̱tuk nyia̱ mba wu, nang gu nyia̱ mba ba̱ptisman ma̱ a̱ghyui Urdun.

Luka 22:57

A̱wot Bitut si̱ fwuo a̱lyiat a̱nia, a̱ si̱ nyia̱, “A̱byii̱k, n dyen gu lilyen bah!”

Yoona 17:25

“A̱tsotswat A̱tyia̱ nung, á̱niet mi̱ swanta ba lyen ang bah. A̱wot nung, n dyen ang. Á̱niet bani mameang, ba̱ si̱ lyen nang nwan wa nta̱m nung.

Nta̱m A̱yaata̱m 19:18

Á̱niet ma̱ a̱di̱di̱t ba̱ ku nwuak fwuo di̱ Yesu a̱ni, si̱ ghwut á̱ bai kpa̱sai, ba̱ si̱ tyai á̱ka̱tuk nyia̱ mba wu.

A̱romawa 3:26

Nang A̱gwaza nnyap fwuo nggu hu a̱ni, a̱ nwuan á̱zanson, a̱ si̱ mun a̱ ntyia̱ á̱niet gbangbang a̱bya di̱ kyang nang gu na nyia̱ di̱ yong huni a̱ni, a̱ ka tak nang nggu ma̱ a̱pyia̱ nggu ngyet a̱tsotswat wa. A̱wot a̱ bu chat a̱ tak kpa̱sai nang gu nkyiak konyan a̱ yet a̱tsotswat ma̱ng sang a̱bun a̱zaghyi nggu di̱n vak nwuak fwuo di̱ Yesu.

1 A̱korontiyawa 1:9

A̱gwaza na nyia̱ si̱ huni, mat a̱ yet a̱tsotswat wa. A̱ na nyia̱ kyang nang gu hyia̱ a̱ni. A̱wot a̱ ka̱n gyorong nyin nyi mun á̱pyia̱ ma̱ng Nggwon nggu ka, Yesu Kristi A̱tyoli nzi̱t wu.

1 A̱korontiyawa 6:11

Á̱ghyang á̱niet ma̱ nyin ku nyia̱ a̱nia mi̱ njen nang nyi ku nwai yet á̱niet khwi a̱ni. A̱wot á̱ si̱ kwi nyin. Á̱ si̱ jaat nyin, nyi si̱ tyia̱ za̱za̱rak. A̱gwaza si̱ bu tak kpa̱sai nang gu nkyiak nyin nyi yet á̱tsotswat á̱niet sang a̱bun a̱zaghyi nggu. Mat nyi yei a̱lyoot A̱tyoli Yesu Kristi, ma̱ng chet A̱za̱za̱rak Ntswa hu.

A̱fisawa 5:26

Da̱nian gu ka neap á̱niet khwi ba mbwak Tyok A̱gwaza; ba̱ yet á̱za̱za̱rak á̱niet nang gu jaat ma̱ng a̱sa̱khwot ma̱ng a̱lyiat nggu na a̱ni.

1 Timoti 1:15

A̱lyiat nani yet a̱tsak a̱lyiat wa, na̱ si̱ bu myim zi̱ san naa: Yesu Kristi bai mi̱ swanta hu, gu ka san á̱niet nyia̱ a̱ka̱tuk nyia̱. A̱wot nung gwa ngyet a̱gwak wu ma̱ mba.

Titut 2:14

Nggu wa yet a̱tyu a̱ neap a̱pyia̱ nggu nang za̱nang a̱ni, da̱nian a̱ ka ti̱n zi̱t mami tyok a̱ka̱tuk nyia̱ hu. A̱ si̱ ja̱u zi̱t da̱nian zi̱ ka yet á̱niet guu nang gu nyia̱ tyok a̱ni; á̱niet ba̱ byia̱ a̱gba̱ndang di̱dang nyia̱ a̱tan nta̱m a̱ni.

Ibriniyawa 10:23

Yok zi̱ yong mi̱ chet di̱ mi̱ but mi̱ fwuo, di̱ tyia̱ fwuo nzi̱t hu nang zi̱ shei á̱ghyang á̱niet kpa̱sai a̱ni. Mat A̱gwaza yet a̱tsotswat wa, a̱ na nyia̱ kyang hu nang gu nyia̱ a̱li̱ka̱uli a̱ na nyia̱ a̱ni.

Ibriniyawa 11:11

Mat nang Sa̱ratu, a̱byii̱k Ibrahim wu, ku nnwuak fwuo da̱ A̱gwaza a̱ni, A̱gwaza si̱ tyia̱ a̱ si̱ shya̱ a̱fa, ku nang gu ku ngyet a̱na̱khwu, a̱ si̱ bu kwop ba̱t a̱ni. Sa̱ratu si̱ nwuak fwuo nang A̱gwaza na nyia̱ kyang hu nang gu nnyia̱ a̱li̱ka̱uli a̱ na nang mba a̱ni.

Ibriniyawa 6:10

A̱tsak a̱lyiat, A̱gwaza nyia̱ shi̱ri̱ya nggu ji tsotswat. Mat a̱nia, a̱ na jhyung ba̱t si̱sak nang nyi ka̱n nyia̱ nggu nta̱m a̱ni; ma̱ng si̱sak nang nyi nchat gu, nyi si̱ beang á̱niet khwi nggu ba a̱ni. A̱wot nyi ni̱ ya a̱son ma̱ng beang mba hu.

1 Yoona 1:7

A̱wot ki̱ zi̱ swan mami sai hu, ma̱nang A̱gwaza ngyet sai hu a̱ni, zi̱ si̱ byia̱ mun á̱pyia̱ ma̱ng á̱ghyang. A̱wot a̱sok Yesu a̱ yet Nggwon nggu ka a̱ni, si̱ kwi na̱ si̱ jaat nzi̱t a̱mgba̱m a̱ka̱tuk nyia̱ nzi̱t wu.

Tyai Á̱zanson 15:3

A̱wot nang ba̱ bwom a̱bwom Musa ka, a̱khwo A̱gwaza wu, ma̱ng a̱bwom Fi̱ng A̱nfwuk ka nyia̱: “Nwan A̱gwaza, a yet A̱tyoli a̱ byia̱ a̱mgba̱m tyok a̱ni! Nta̱m ang na yet a̱tsotswat wa ma̱ng nkyang a̱ga̱de! A̱gwam a̱mgba̱m nnwap swanta na, nvak ang na yet a̱tsotswat wa!